<hip>
%{!версия=9} Кни'га
<Е>=кклесiа'ста, си'рjьчь проповjь'дника царя` соломw'на.
Глава` 1.
Глаго'лы <е>=кклесiа'ста, сы'на давi'дова, царя` i=и~лева
во i=ер\сли'мjь.
2. Суета` су'етствiй, рече` <е>=кклесiа'стъ, суета`
су'етствiй, вся'ч<е>ская суета`.
3. Ко'е и=з\ъ<о>би'лiе человjь'ку во все'мъ трудjь`
<е>=гw`, и='мже труди'тся под\ъ со'лнцемъ;
4. Ро'дъ прехо'дитъ и= ро'дъ прихо'дитъ, а= земля`
во вjь'къ стои'тъ.
5. И= восхо'дитъ со'лнце и= захо'дитъ со'лнце и= въ
мjь'сто свое` влече'тся, сiе` возсiява'я та'мw.
6. И='детъ къ ю='гу и= w=бхо'дитъ къ сjь'веру, w=бхо'дитъ
w='крестъ, и='детъ ду'хъ и= на кру'ги своя^ w=браща'ется
ду'хъ.
7. Вси` пото'цы и='дутъ въ мо'ре, и= мо'ре нjь'сть
насыща'емо: на мjь'сто, а='може пото'цы и='дутъ, та'мw
тi'и возвраща'ются и=ти`.
8. Вся^ словеса` тру^дна, не возмо'жетъ му'жъ глаго'лати:
и= не насы'тится <о>='ко зрjь'ти, ни и=спо'лнится о<у>='хо
слы'шанiя.
9. Что` бы'ло, то'жде <е>='сть, <е>='же бу'детъ: и=
что` бы'ло сотворе'ное, то'жде и='мать сотвори'тися:
10. и= ничто'же но'во под\ъ со'лнцемъ. И='же возглаго'летъ
и= рече'тъ: се`, сiе` но'во <е>='сть: о<у>=же` бы'сть
въ вjь'цjьхъ бы'вшихъ пре'жде на'съ.
11. Нjь'сть па'мять пе'рвыхъ, и= послjь^днимъ бы'вшымъ
не бу'детъ и='хъ па'мять съ бу'дущими на послjь'докъ.
12. А='зъ <е>=кклесiа'стъ бы'хъ ца'рь над\ъ i=и~лемъ
во i=ер\сли'мjь
13. и= вда'хъ се'рдце мое`, <е>='же взыска'ти и= разсмотри'ти
въ му'дрости w= всjь'хъ быва'ющихъ под\ъ небесе'мъ:
jа='кw попече'нiе лука'во даде` бг~ъ сынw'мъ человjь'ч<е>скимъ,
<е>='же о<у>=праждня'тися въ не'мъ.
14. Ви'дjьхъ вся'ч<е>ская сотвор<е>'нiя сотвор<е>'нная
под\ъ со'лнцемъ: и= се`, вся^ су'етство и= произволе'нiе
ду'ха.
15. Развраще'нное не мо'жетъ и=спра'витися, и= лише'нiе
не мо'жетъ и=счи'слитися.
16. Глаго'лахъ а='зъ въ се'рдцы мое'мъ, <е>='же рещи`:
се`, а='зъ возвели'чихся и= о<у>=мно'жихъ му'дрость
па'че всjь'хъ, и=`же бы'ша пре'жде мен<е>` во i=ер\сли'мjь,
17. и= се'рдце мое` вда'хъ, <е>='же вjь'дjьти прему'дрость
и= ра'зумъ: и= се'рдце мое` ви'дjь мнw'гая, прему'дрость
и= ра'зумъ, при^тчи и= хи'трость: о<у>=разумjь'хъ а='зъ,
jа='кw и= сiе` <е>='сть произволе'нiе ду'ха:
18. jа='кw во мно'жествjь му'дрости мно'жество ра'зума,
и= приложи'вый ра'зумъ приложи'тъ болjь'знь.
Глава` 2.
Реко'хъ а='зъ въ се'рдцы мое'мъ: прiиди` о<у>=`бо,
да тя` и=скушу` въ весе'лiи, и= ви'ждь во бла'зjь:
и= се`, та'кожде сiе` су'етство.
2. Смjь'ху реко'хъ: погрjьше'нiе, и= весе'лiю: что`
сiе` твори'ши;
3. И= разсмотри'хъ, а='ще се'рдце мое` повлече'тъ а='ки
вiно` пло'ть мою`: и= се'рдце мое` наста'ви мя` въ
му'дрости, и= <е>='же о<у>=держа'ти весе'лiе, до'ндеже
о<у>=ви'жду, ко'е бла'го сынw'мъ человjь'ч<е>скимъ,
<е>='же творя'тъ под\ъ со'лнцемъ въ число` днi'й живота`
своегw`.
4. Возвели'чихъ творе'нiе мое`: созда'хъ ми` до'мы,
насади'хъ ми` вiногра'ды,
5. сотвори'хъ ми` вертогра'ды и= сады` и= насади'хъ
въ ни'хъ древе'съ вся'кагw плода`,
6. сотвори'хъ ми` купjь^ли вwдны'я, <е>='же напая'ти
w\т ни'хъ прозябе'нiе древе'съ:
7. притяжа'хъ рабы^ и= рабы^ни, и= домоча'дцы бы'ша
ми`: и= стяжа'нiе скота`, и= ста'дъ мно'го ми` бы'сть,
па'че всjь'хъ бы'вшихъ пре'жде мен<е>` во i=ер\сли'мjь:
8. собра'хъ ми` зла'то и= сребро` и= и=мjь^нiя царе'й
и= стра'нъ, сотвори'хъ ми` пою'щихъ и= пою'щыя, и=
о<у>=слажд<е>'нiя сынw'въ человjь'ческихъ, вiноче'рпцы
и= вiноч<е>'рпицы.
9. И= возвели'чихся, и= приложи'хся му'дрости па'че
всjь'хъ бы'вшихъ пре'жде мен<е>` во i=ер\сли'мjь: и=
му'дрость моя` пребы'сть со мно'ю.
10. И= все`, <е>=гw'же проси'ста <о>='чи мои`, не w\тя'хъ
w\т ни'хъ и= не возбрани'хъ се'рдцу моему` w\т вся'кагw
весе'лiя моегw`, jа='кw се'рдце мое` возвесели'ся во
вся'цjьмъ трудjь` мое'мъ. И= сiе` бы'сть ча'сть моя`
w\т всегw` труда` моегw`.
11. И= призрjь'хъ а='зъ на вся^ твор<е>'нiя моя^, jа=`же
сотвори'стjь ру'цjь мои`, и= на тру'дъ, и='мже труди'хся
твори'ти. И= се`, вся^ суета` и= произволе'нiе ду'ха,
и= нjь'сть и=з\ъ<о>би'лiе под\ъ со'лнцемъ.
12. И= призрjь'хъ а='зъ ви'дjьти му'дрость, ле'сть
и= безу'мiе: jа='кw кто` человjь'къ, и='же по'йдетъ
в\ъслjь'дъ совjь'та, <е>=ли^ка сотвори` въ не'мъ;
13. И= ви'дjьхъ а='зъ, jа='кw <е>='сть и=з\ъ<о>би'лiе
му'дрости па'че безу'мiя, jа='коже и=з\ъ<о>би'лiе свjь'та
па'че тьмы`:
14. му'драгw <о>='чи <е>=гw` во главjь` <е>=гw`, а=
безу'мный во тьмjь` хо'дитъ: и= о<у>=вjь'дjьхъ и= а='зъ,
jа='кw слу'чай <е>=ди'нъ случи'тся всjь^мъ и=`мъ.
15. И= рjь'хъ а='зъ въ се'рдцы мое'мъ: jа='коже слу'чай
безу'мнагw, и= мнjь` случи'тся: и= вску'ю о<у>=мудри'хся;
А='зъ тогда` и=зли'шше глаго'лахъ въ се'рдцы мое'мъ,
jа='кw и= сiе` суета`, поне'же безу'мный w\т и=збы'тка
глаго'летъ:
16. jа='кw нjь'сть па'мяти му'драгw съ безу'мнымъ во
вjь'къ, зане` о<у>=же` во дне'хъ гряду'щихъ вся^ забв<е>'на
бы'ша: и= ка'кw о<у>='мретъ му'дрый съ безу'мнымъ;
17. И= возненави'дjьхъ живо'тъ, jа='кw лука'вно мнjь`
сотворе'нiе сотворе'нное под\ъ со'лнцемъ: поне'же вся'ч<е>ская
суета` и= произволе'нiе ду'ха.
18. И= возненави'дjьхъ а='зъ вся'ч<е>ская мi'ра и=
тру'дъ мо'й, и='мже а='зъ тружда'юся под\ъ со'лнцемъ,
jа='кw w=ставля'ю <е>=го` человjь'ку бу'дущему по мнjь`.
19. И= кто` вjь'сть, му'дръ ли бу'детъ и=ли` безу'менъ;
и= w=блада'ти ли и='мать всjь'мъ трудо'мъ мои'мъ, и='мже
труди'хся и= и='мже му'дрствовахъ под\ъ со'лнцемъ;
И= сiе' же суета`.
20. И= w=брати'хся а='зъ w\трещи'ся се'рдцу моему`
w= все'мъ трудjь`, и='мже труди'хся под\ъ со'лнцемъ:
21. jа='кw <е>='сть человjь'къ, <е>=гw'же тру'дъ въ
му'дрости и= въ ра'зумjь и= въ му'жествjь: и= человjь'къ,
и='же не потруди'ся w= не'мъ, да'стъ <е>=му` ча'сть
свою`. И= сiе` суета` и= лука'вство ве'лiе.
22. Jа='кw быва'етъ человjь'ку во все'мъ трудjь` <е>=гw`
и= въ произволе'нiи се'рдца <е>=гw`, и='мже то'й тружда'ется
под\ъ со'лнцемъ,
23. jа='кw вси` днi'е <е>=гw` болjь'зней и= jа='рости
попече'нiе <е>=му`, и='бо въ нощи` не спи'тъ се'рдце
<е>=гw`. И= сiе' же суета` <е>='сть.
24. Нjь'сть бла'го человjь'ку, но (ра'звjь) <е>='же
jа='стъ и= пiе'тъ и= <е>='же пока'жетъ души` свое'й
бла'го въ трудjь` свое'мъ: и= сiе` ви'дjьхъ а='зъ,
jа='кw w\т руки` бж~iя <е>='сть:
25. jа='кw кто` jа='стъ и= пiе'тъ кромjь` <е>=гw`;
26. Jа='кw человjь'ку бла'гу пред\ъ лице'мъ <е>=гw`
даде` му'дрость и= ра'зумъ и= весе'лiе, согрjьша'ющему
же даде` попече'нiе, <е>='же прилага'ти и= собира'ти,
во <е>='же да'ти благо'му пред\ъ лице'мъ бж~iимъ: jа='кw
и= сiе` суета` и= произволе'нiе ду'ха.
Глава` 3.
Всjь^мъ вре'мя и= вре'мя вся'цjьй ве'щи под\ъ небесе'мъ:
2. вре'мя ражда'ти {<Е>=вр.: ражда'тися.} и= вре'мя
о<у>=мира'ти, вре'мя сади'ти и= вре'мя и=сторга'ти
сажде'ное,
3. вре'мя о<у>=бива'ти и= вре'мя цjьли'ти, вре'мя разруша'ти
и= вре'мя созида'ти,
4. вре'мя пла'кати и= вре'мя смjья'тися, вре'мя рыда'ти
и= вре'мя ликова'ти,
5. вре'мя размета'ти ка'менiе и= вре'мя собира'ти ка'менiе,
вре'мя w=быма'ти и= вре'мя о<у>=даля'тися w\т w=быма'нiя,
6. вре'мя и=ска'ти и= вре'мя погубля'ти, вре'мя храни'ти
и= вре'мя w\трjь'яти,
7. вре'мя раздра'ти и= вре'мя сши'ти, вре'мя молча'ти
и= вре'мя глаго'лати,
8. вре'мя люби'ти и= вре'мя ненави'дjьти, вре'мя бра'ни
и= вре'мя ми'ра.
9. Ко'е и=з\ъ<о>би'лiе творя'щагw, въ ни'хже са'мъ
труди'тся;
10. Ви'дjьхъ попече'нiе вся'ческое, <е>='же даде` бг~ъ
сынw'мъ человjь'ч<е>скимъ, <е>='же пещи'ся въ не'мъ.
11. Вся'ч<е>ская, jа=`же сотвори`, дwбра` (су'ть) во
вре'мя свое`, и='бо вся'кiй вjь'къ да'лъ <е>='сть въ
се'рдце и='хъ, jа='кw да не w=бря'щетъ человjь'къ сотворе'нiя,
<е>='же сотвори` бг~ъ w\т нача'ла и= да'же до конца`.
12. О<у>=разумjь'хъ, jа='кw нjь'сть бла'го въ ни'хъ,
но то'кмw <е>='же весели'тися и= <е>='же твори'ти бла'го
въ животjь` свое'мъ:
13. и='бо вся'къ человjь'къ, и='же jа='стъ и= пiе'тъ
и= ви'дитъ благо'е во все'мъ трудjь` свое'мъ, сiе`
дая'нiе бж~iе <е>='сть.
14. Разумjь'хъ, jа='кw вся^, <е>=ли^ка сотвори` бг~ъ,
сiя^ бу'дутъ во вjь'къ: къ тjь^мъ нjь'сть приложи'ти
и= w\т тjь'хъ нjь'сть w\тя'ти, и= бг~ъ сотвори`, да
о<у>=боя'тся w\т лица` <е>=гw`:
15. бы'вшее о<у>=же` <е>='сть, и= <е>=ли^ка и='мутъ
бы'ти, о<у>=же` бы'ша, и= бг~ъ взы'щетъ гони'маго.
16. И= <е>=ще` ви'дjьхъ под\ъ со'лнцемъ мjь'сто суда`,
та'мw нечести'вый, и= мjь'сто прв\днагw, та'мw бл~гочести'вый.
17. И= рjь'хъ а='зъ въ се'рдцы мое'мъ: прв\днаго и=
нечести'ваго су'дитъ бг~ъ: jа='кw вре'мя вся'цjьй ве'щи
и= на вся'цjьмъ сотворе'нiи та'мw.
18. Рjь'хъ а='зъ въ се'рдцы мое'мъ w= глаго'ланiи сынw'въ
человjь'ческихъ, jа='кw разсу'дитъ и=`хъ бг~ъ: и= <е>='же
показа'ти, jа='кw сi'и ско'ти су'ть:
19. и='бо и= тjь^мъ jа='коже слу'чай сынw'въ человjь'ческихъ
и= слу'чай ско'тскiй, слу'чай <е>=ди'нъ и=`мъ: jа='коже
сме'рть тогw`, та'кw и= сме'рть сегw`, и= ду'хъ <е>=ди'нъ
во всjь'хъ: и= что` и=зли'шше и='мать человjь'къ па'че
скота`; ничто'же: jа='кw вся'ч<е>ская суета`.
20. Вся^ и='дутъ во <е>=ди'но мjь'сто: вся^ бы'ша w\т
пе'рсти и= вся^ въ пе'рсть возвраща'ются.
21. И= кто` вjь'сть ду'хъ сынw'въ человjь'ческихъ,
а='ще то'й восхо'дитъ горjь`; и= ду'хъ ско'тскiй, а='ще
низхо'дитъ то'й до'лу въ зе'млю;
22. И= ви'дjьхъ, jа='кw нjь'сть бла'го, но то'кмw <е>='же
возвесели'тся человjь'къ въ творе'нiихъ свои'хъ, jа='кw
сiя` ча'сть <е>=гw`: поне'же кто` приведе'тъ <е>=го`
ви'дjьти то`, <е>='же бу'детъ по не'мъ;
Глава` 4.
И= w=брати'хся а='зъ и= ви'дjьхъ вся^ w=клев<е>та'нiя
быва^ющая под\ъ со'лнцемъ: и= се`, сле'зы w=клевета'нныхъ,
и= нjь'сть и=`мъ о<у>=тjьша'ющагw, и= w\т руки` клеве'щущихъ
на ня` крjь'пость, и= нjь'сть и=`мъ о<у>=тjьша'ющагw.
2. И= похвали'хъ а='зъ всjь'хъ о<у>=ме'ршихъ, и=`же
о<у>=мро'ша о<у>=же`, па'че живы'хъ, <е>=ли'цы жи'ви
су'ть досе'лjь:
3. и= бла'гъ па'че <о>=бои'хъ си'хъ, и='же <е>=ще`
не бы'сть, и='же не ви'дjь вся'кагw сотворе'нiя лука'вагw
сотворе'ннагw под\ъ со'лнцемъ.
4. И= ви'дjьхъ а='зъ ве'сь тру'дъ и= вся'ко му'жество
сотворе'нiя, jа='кw сiе` ре'вность му'жа w\т по'друга
своегw`. И= сiе` суета` и= произволе'нiе ду'ха.
5. Безу'мный w=б\ъя'тъ ру'цjь свои` и= снjьде` плw'ти
своя^.
6. Бла'го <е>='сть и=сполне'нiе го'рсти поко'я, па'че
и=сполне'нiя двою` гw'рстiю труда` и= произволе'нiя
ду'ха.
7. И= w=брати'хся а='зъ и= ви'дjьхъ су'етство под\ъ
со'лнцемъ:
8. <е>='сть <е>=ди'нъ, и= нjь'сть втора'гw, ни сы'на,
ниже` бра'та нjь'сть <е>=му`, и= нjь'сть конца` всему`
труду` <е>=гw`, ниже` <о>='ко <е>=гw` насыща'ется бога'тства.
И= кому` а='зъ тружда'юся и= лиша'ю ду'шу мою` w\т
благосты'ни; И= сiе` суета` и= попече'нiе лука'вно
<е>='сть.
9. Бла'зи два` па'че <е>=ди'нагw, и=`мже <е>='сть мзда`
бла'га въ трудjь` и='хъ:
10. jа='кw а='ще паде'тся <е>=ди'нъ w\т ни'хъ, воздви'гнетъ
другi'й прича'стника своего`: и= го'ре тому` <е>=ди'ному,
<е>=гда` паде'тъ и= не бу'детъ втора'гw воздви'гнути
<е>=го`.
11. И= а='ще о<у>='снета два`, тепло` и='ма бу'детъ,
а= <е>=ди'нъ ка'кw согрjь'ется;
12. И= а='ще о<у>=крjьпи'тся <е>=ди'нъ, два` ста'нета
проти'ву <е>=му`: и= ве'рвь треплете'на не ско'рw расто'ргнется.
13. Бла'гъ <о>='трокъ ни'щь и= му'дръ, па'че ста'ра
царя` и= безу'мна, и='же не разумjь` внима'ти <е>=ще`:
14. jа='кw и=з\ъ до'му ю='зникwвъ и=зы'детъ ца'рствовати,
поне'же и= въ ца'рствjь свое'мъ роди'ся ни'щь.
15. Ви'дjьхъ всjь'хъ живу'щихъ, ходя'щихъ под\ъ со'лнцемъ,
съ ю='нымъ вторы'мъ, и='же воста'нетъ вмjь'стw <е>=гw`.
16. Нjь'сть конца` всjь^мъ лю'демъ, всjь^мъ, и=`же
пред\ъ ни'ми бы'ша, и='бо послjь'днiи не возвеселя'тся
w= не'мъ: jа='кw и= сiе` суета` и= произволе'нiе ду'ха.
17. Сохрани` но'гу твою`, <е>=гда` а='ще и='деши въ
до'мъ бж~iй, и= бли'з\ъ (бу'ди) <е>='же слу'шати: па'че
дая'нiя безу'мныхъ же'ртва твоя`, поне'же не вjь'дятъ,
jа='кw творя'тъ sло`.
Глава` 5.
Не ско'ръ бу'ди о<у>=сты^ твои'ми, и= се'рдце твое`
да не о<у>=скоря'етъ и=зноси'ти сло'во пред\ъ лице'мъ
бж~iимъ, jа='кw бг~ъ на нб~си` горjь`, ты' же на земли`
до'лу: сегw` ра'ди да бу'дутъ словеса` твоя^ ма^ла:
2. jа='кw прихо'дитъ со'нiе во мно'жествjь попече'нiя,
та'кw и= гла'съ безу'мнагw во мно'жествjь слове'съ.
3. А='ще w=бjьща'еши w=бjь'тъ бг~у, не о<у>=ме'дли
w\тда'ти <е>=го`, jа='кw нjь'сть хотjь'нiя въ безу'мныхъ:
ты` о<у>=`бо, <е>=ли^ка а='ще w=бjьща'еши, w\тда'ждь.
4. Бла'го тебjь` <е>='же не w=бjьщава'тися, не'жели
w=бjьща'вшуся тебjь`, не w\тда'ти.
5. Не да'ждь о<у>=стна'мъ твои^мъ <е>='же во грjь'хъ
ввести` пло'ть твою`, и= да не рече'ши пред\ъ лице'мъ
бж~iимъ, jа='кw невjь'дjьнiе <е>='сть: да не прогнjь'вается
бг~ъ w= гла'сjь твое'мъ и= растли'тъ твор<е>'нiя ру'къ
твои'хъ:
6. jа='кw во мно'жествjь со'нiй и= су'етствiя, (та'кw)
и= словеса` мнw'га, тjь'мже бг~а бо'йся.
7. А='ще w=би'ду ни'щагw и= расхище'нiе суда` и= пра'вды
о<у>=ви'диши во странjь`, не диви'ся w= ве'щи: jа='кw
высо'кiй над\ъ высо'кимъ надзира'тель, и= высо'цыи
над\ъ ни'ми,
8. и= и=з\ъ<о>би'лiе {преиму'щество} земли` над\ъ всjь'мъ
<е>='сть ца'рь села` воздjь'ланна.
9. Любя'й сребро` не насы'тится сребра`: и= кто` наслади'тся
во мно'жествjь <е>=гw` плода`; И= сiе` суета`.
10. Во мно'жествjь бла'га о<у>=мно'жишася jа=ду'щiи
<е>=`: и= ко'е му'жество и=му'щему <е>=`; jа='кw нача'ло
<е>='же ви'дjьти <о>=чи'ма свои'ма.
11. Со'нъ сла'докъ рабо'тающему, а='ще ма'лw и=ли`
мно'гw снjь'сть: а= насы'тившагося бога'тство не w=ставля'етъ
о<у>=сну'ти.
12. <Е>='сть неду'гъ, <е>=го'же ви'дjьхъ под\ъ со'лнцемъ,
бога'тство храни'мо w\т стяжа'теля во sло` <е>=му`:
13. и= поги'бнетъ бога'тство <о>='но въ попече'нiи
лука'внjь: и= роди` сы'на, и= нjь'сть въ руцjь` <е>=гw`
ничто'же:
14. jа='коже и=зы'де и=з\ъ чре'ва ма'тере своея` на'гъ,
возврати'тся и=ти`, jа='коже и= прiи'де, и= ничто'же
во'зметъ w\т труда` своегw`, да понесе'тъ въ руцjь`
свое'й.
15. И= сiе` sо'лъ неду'гъ: jа='коже бо прiи'де, та'кw
и= w\ти'детъ, и= ка'я по'льза <е>=му`, jа='кw труди'тся
на вjь'тръ;
16. И='бо вси` днi'е <е>=гw` во тьмjь` и= пла'чи и=
въ jа='рости мно'зjь, и= въ неду'зjь и= во гнjь'вjь.
17. Се`, ви'дjьхъ а='зъ благо'е, <е>='же <е>='сть и=зря'дно,
<е>='же jа='сти и= пи'ти и= ви'дjьти благосты'ню во
все'мъ трудjь` свое'мъ, и='мже труди'лся бы под\ъ со'лнцемъ,
въ число` днi'й живота` своегw`, jа=`же да'лъ <е>='сть
<е>=му` бг~ъ, jа='кw сiе` ча'сть <е>=гw`:
18. и='бо вся'кому человjь'ку, <е>=му'же да'лъ <е>='сть
бг~ъ бога'тство и= и=мjь^нiя, и= вла'сть даде` <е>=му`
jа='сти w\т тогw` и= прiя'ти ча'сть свою` и= возвесели'тися
w= трудjь` свое'мъ, сiе` да'ръ бж~iй <е>='сть:
19. jа='кw не мно'го па'мятствовати и='мать дни^ живота`
своегw`, поне'же бг~ъ w=блага'етъ <е>=го` попече'ньми
въ весе'лiи се'рдца <е>=гw`.
Глава` 6.
<Е>='сть лука'вствiе, <е>='же ви'дjьхъ под\ъ со'лнцемъ,
и= мно'го <е>='сть над\ъ человjь'комъ:
2. му'жъ, <е>=му'же да'стъ бг~ъ бога'тство и= и=мjь'нiе
и= сла'ву, и= нjь'сть лиша'яй души` свое'й w\т всjь'хъ,
и='хже вожделjь'етъ, и= не да'стъ <е>=му` бг~ъ вла'сти
w\т негw` jа='сти, jа='кw чу'ждь му'жъ jа='сти и='мать
w\т негw`. И= сiе` суета` и= неду'гъ sо'лъ <е>='сть.
3. А='ще роди'тъ му'жъ сто` (ча^дъ) и= лjь^та мнw'га
поживе'тъ, и= мно'зи бу'дутъ днi'е лjь'тъ <е>=гw`,
и= душа` <е>=гw` не насы'тится w\т благосты'ни, и=
погребе'нiя не бы'сть <е>=му`, рjь'хъ: бла'гъ па'че
<е>=гw` и='звергъ,
4. jа='кw въ суетjь` прiи'де и= во тьму` и='детъ, и=
во тьмjь` и='мя <е>=гw` покры'ется:
5. и= со'лнца не ви'дjь, ниже` разумjь`, поко'й сему`
па'че тогw`:
6. и= поживе` ты'сящу лjь'тъ сугу'бw, и= благосты'ни
не ви'дjь: <е>=да` не во <е>=ди'но мjь'сто вся^ и='дутъ;
7. Ве'сь тру'дъ человjь'чь во о<у>=ста` <е>=гw`, и=
душа` <е>=гw` не и=спо'лнится.
8. Jа='кw ко'е и=з\ъ<о>би'лiе (человjь'ку) му'дрому
па'че безу'мнагw; поне'же ни'щь позна` ходи'ти проти'ву
живота`.
9. Бла'го видjь'нiе <о>='чiю па'че ходя'щагw душе'ю.
И= се` су'етствiе и= произволе'нiе ду'ха.
10. А='ще что` бы'сть, о<у>=же` и=менова'ся и='мя <е>=гw`,
и= позна'ся, <е>='же <е>='сть человjь'къ и= не возмо'жетъ
суди'тися съ крjьпча'йшимъ па'че себ<е>`:
11. jа='кw су'ть словеса` мнw'га о<у>=множа^ющая суету`.
Глава` 7.
Что` и=зли'шше человjь'ку, jа='кw кто` вjь'сть, что`
бла'го человjь'ку въ животjь` (*<е>=гw`) число` днi'й
живота` су'етства <е>=гw`; и= сотвори` я=` въ сjь'ни:
jа='кw кто` возвjьсти'тъ человjь'ку, что` бу'детъ по
не'мъ под\ъ со'лнцемъ;
2. Бла'го и='мя па'че <е>=ле'а бла'га, и= де'нь сме'ртный
па'че дня` рожде'нiя <е>=гw`.
3. Бла'го ходи'ти въ до'мъ пла'ча, не'жели ходи'ти
въ до'мъ пи'ра, поне'же сiе` коне'цъ вся'кому человjь'ку,
и= живы'й да'стъ бла'го въ се'рдцы <е>=гw`.
4. Бла'га jа='рость па'че смjь'ха, jа='кw во sло'бjь
лица` о<у>=блажи'тся се'рдце.
5. Се'рдце му'дрыхъ въ дому` пла'ча, а= се'рдце безу'мныхъ
въ дому` весе'лiя.
6. Бла'го <е>='же слы'шати преще'нiе прему'дра, па'че
му'жа слы'шащагw пjь'снь безу'мныхъ:
7. jа='коже гла'съ те'рнiя под\ъ котло'мъ, та'кw смjь'хъ
безу'мныхъ. И= сiе` суета`.
8. Jа='кw клевета` льсти'тъ му'драго и= погубля'етъ
се'рдце благоро'дствiя <е>=гw`.
9. Бла^га послjь^дняя слове'съ па'че нача'ла <е>=гw`:
бла'гъ терпjьли'вый па'че высо'кагw ду'хомъ.
10. Не тщи'ся въ ду'сjь свое'мъ jа=ри'тися, jа='кw
jа='рость въ нjь'дрjь безу'мныхъ почi'етъ.
11. Да не рече'ши: что` бы'сть, jа='кw днi'е пре'жднiи
бjь'ша бла'зи па'че си'хъ; jа='кw не въ му'дрости вопроси'лъ
<е>=си` w= се'мъ.
12. Бла'га му'дрость съ наслjь'дiемъ, па'че же ви'дящымъ
со'лнце:
13. jа='кw въ сjь'ни <е>=гw` му'дрость, jа='коже сjь'нь
сребра`, и= и=з\ъ<о>би'лiе ра'зума прему'дрости w=живля'етъ,
и='же w\т нея`.
14. Ви'ждь твор<е>'нiя бж~iя: jа='кw кто` мо'жетъ о<у>=краси'ти,
<е>=го'же а='ще бг~ъ преврати'тъ;
15. Въ де'нь благосты'ни (<е>=гw`) живи` во бла'зjь
и= ви'ждь въ де'нь sла`: ви'ждь, и= съ ни'мъ согла'сно
сiе` сотвори` бг~ъ, w= глаго'ланiи, да не w=бря'щетъ
человjь'къ за ни'мъ ничто'же.
16. Вся'ч<е>ская ви'дjьхъ во дне'хъ су'етствiя моегw`:
<е>='сть прв\дный погиба'яй во свое'й пра'вдjь, и=
<е>='сть нечести'вый пребыва'яй во свое'й sло'бjь.
17. Не бу'ди правди'въ вельми`, ни мудри'ся и=зли'шше,
да не когда` и=зуми'шися.
18. Не нече'ствуй мно'гw и= не бу'ди же'стокъ, да не
о<у>='мреши не во вре'мя свое`.
19. Бла'го ти` <е>='сть держа'тися сегw`, и= w\т сегw`
не w=скверни` руки` твоея`, jа='кw боя'щымся бг~а поспjьша'тся
вся^.
20. Прему'дрость помо'жетъ му'дрому па'че десяти` w=блада'ющихъ
во гра'дjь:
21. jа='кw нjь'сть человjь'къ пра'веденъ на земли`,
и='же сотвори'тъ благо'е и= не согрjьши'тъ.
22. И= во вся^ словеса`, jа=`же возглаго'лютъ нечести'вiи,
не вложи` се'рдца своегw`, да не о<у>=слы'шиши раба`
своегw` клену'ща тебе`:
23. jа='кw мно'гажды возлука'внуетъ на тя`, и= w=бхожд<е>'нiи
мно'гими w=sло'битъ се'рдце твое`, jа='коже и= ты`
кля'лъ <е>=си` и=ны^я (мнw'гiя).
24. Вся^ сiя^ и=скуси'хъ въ му'дрости: рjь'хъ, о<у>=мудрю'ся:
и= сiя` о<у>=дали'ся w\т мен<е>`
25. дале'че па'че не'же бjь'хъ, и= бе'здны глубина`,
кто` w=бря'щетъ ю=`;
26. W=быдо'хъ а='зъ, и= се'рдце мое`, <е>='же разумjь'ти,
<е>='же разсмотри'ти, и= <е>='же взыска'ти му'дрость
и= ра'зумъ, и= <е>='же разумjь'ти нечести'вагw безу'мiе
и= w=жесточе'нiе и= ле'сть:
27. и= w=брjьто'хъ а='зъ ю=`, и= реку` горча'йшу па'че
сме'рти жену`, jа='же <е>='сть лови'тва, и= сjь^ти
се'рдце <е>=я`, о<у>='зы въ руку` <е>=я`: благi'й пред\ъ
лице'мъ бж~iимъ и=з\ъи'мется w\т нея`, а= согрjьша'яй
jа='тъ бу'детъ w\т нея`.
28. Се`, сiе` w=брjьто'хъ, рече` <е>=кклесiа'стъ: <е>=ди'ну
<е>=ди'ною <е>='же w=брjьсти` по'мыслъ, <е>='же взыска`
душа` моя`, и= не w=брjьто'хъ:
29. и= человjь'ка <е>=ди'наго w\т ты'сящъ w=брjьто'хъ,
а= жены` во всjь'хъ си'хъ не w=брjьто'хъ:
30. <о>=ба'че се`, сiе` w=брjьто'хъ, <е>='же сотвори`
бг~ъ человjь'ка пра'ваго, и= сi'и взыска'ша помыслw'въ
мно'гихъ. Кто` о<у>=вjь'дjь му'дрость; и= кто` вjь'сть
разрjьше'нiе глаго'ла;
Глава` 8.
Му'дрость человjь'ка просвjьти'тъ лице` <е>=гw`, а=
безсту'дный возненави'дjьнъ бу'детъ лице'мъ свои'мъ.
2. О<у>=ста` цар<е>'ва сохрани`, и= w= словеси` кля'твы
бж~iя не ско'ръ бу'ди.
3. W\т лица` <е>=гw` по'йдеши, не ста'ни во словеси`
лука'внjь, jа='кw все`, <е>='же (а='ще) восхо'щетъ,
сотвори'тъ,
4. jа='коже ца'рь w=блада'яй, и= кто` рече'тъ <е>=му`:
что` твори'ши;
5. Храня'й за'повjьдь не о<у>=вjь'сть глаго'ла лука'вна:
и= вре'мя суда` вjь'сть се'рдце му'драгw,
6. jа='кw вся'цjьй ве'щи <е>='сть вре'мя и= су'дъ:
jа='кw ра'зумъ человjь'ка мно'гъ (<е>='сть) на не'мъ,
7. jа='кw нjь'сть вjь'дящагw, что` бу'дущее: зане`
jа='коже бу'детъ, кто` возвjьсти'тъ <е>=му`;
8. Нjь'сть человjь'ка владу'щагw ду'хомъ, <е>='же возбрани'ти
ду'ху: и= нjь'сть владу'щагw въ де'нь сме'рти, и= нjь'сть
посла` въ де'нь бра'ни: и= не спасе'тъ нече'стiе су'щаго
въ не'мъ.
9. И= все` сiе` ви'дjьхъ, и= вда'хъ се'рдце мое` во
все` сотворе'нiе, <е>='же сотворе'но <е>='сть под\ъ
со'лнцемъ, вся^, во <е>=ли'кихъ w=блада'нъ <е>='сть
человjь'къ над\ъ человjь'комъ, <е>='же w=sло'бити <е>=го`.
10. И= тогда` ви'дjьхъ неч<е>сти'выя во гро'бы внес<е>'ны,
и= w\т ст~а'гw: и= и=до'ша и= похвале'ни бы'ша во гра'дjь,
jа='кw си'це сотвори'ша. И= сiе` суета`.
11. Jа='кw нjь'сть прерjька'нiя быва'ющагw творя'щымъ
лука'вое вско'рjь: сегw` ра'ди о<у>=вjь'рися се'рдце
сынw'въ человjь'ческихъ въ ни'хъ, <е>='же сотвори'ти
лука'вое.
12. И='же согрjьши`, сотвори'лъ <е>='сть лука'вое,
w\тто'лjь, и= w\т долготы` и='хъ: и='бо и= вjь'мъ а='зъ,
jа='кw <е>='сть бла'го боя'щымся бг~а, да боя'тся w\т
лица` <е>=гw`,
13. и= не бу'детъ бла'го нечести'вому, и= не продолжи'тъ
днi'й въ сjь'ни, и='же нjь'сть боя'йся w\т лица` бж~iя.
14. <Е>='сть суета`, jа='же сотворе'на <е>='сть на земли`:
jа='кw су'ть прв\днiи, на ни'хже постиза'етъ jа='кw
творе'нiе нечести'выхъ, и= су'ть нечести'вiи, на ни'хже
постиза'етъ jа='кw творе'нiе прв\дныхъ. Рjь'хъ, jа='кw
и= сiе` суета`.
15. И= похвали'хъ а='зъ весе'лiе, jа='кw нjь'сть бла'го
человjь'ку под\ъ со'лнцемъ, но то'кмw <е>='же jа='сти
и= пи'ти и= <е>='же весели'тися: и= то` прибы'токъ
<е>=му` въ трудjь` <е>=гw` во дне'хъ живота` <е>=гw`,
и=`хже да'лъ <е>='сть <е>=му` бг~ъ под\ъ со'лнцемъ.
16. Въ ни'хже да'хъ се'рдце мое`, <е>='же разумjь'ти
му'дрость и= <е>='же вjь'дjьти попече'нiе сотворе'ное
на земли`: jа='кw и= во дни` и= въ нощи` сна` во <о>='чiю
сво<е>'ю нjь'сть ви'дяй.
17. И= ви'дjьхъ вся^ твор<е>'нiя бж~iя, jа='кw не мо'жетъ
человjь'къ и=з\ъwбрjьсти` творе'нiе сотворе'ное под\ъ
со'лнцемъ: <е>=ли^ка а='ще потруди'тся человjь'къ w=брjьсти`,
и= не w=бря'щетъ: и= <е>=ли^ка а='ще рече'тъ му'дрый
о<у>=разумjь'ти, не возмо'жетъ w=брjьсти`. Тjь'мже
все` сiе` вда'хъ въ се'рдце мое`, и= се'рдце мое` все`
сiе` ви'дjь.
Глава` 9.
Jа='кw прв\днiи и= му'дрiи и= дjь^ланiя и='хъ въ руцjь`
бж~iей, и= любве' же и= не'нависти нjь'сть вjь'дяй
человjь'къ: вся^ пред\ъ лице'мъ и='хъ, суета` во всjь'хъ.
2. Слу'чай <е>=ди'нъ прв\дному и= нечести'вому, бл~го'му
и= sло'му, и= чи'стому и= нечи'стому, и= жру'щему и=
не жру'щему: jа='коже бл~гi'й, та'кw согрjьша'яй, jа='коже
клены'йся, та'кw боя'йся кля'твы.
3. Сiе` лука'во во вся'цjьмъ сотворе'нjьмъ под\ъ со'лнцемъ,
jа='кw слу'чай <е>=ди'нъ всjь^мъ: и= се'рдце сынw'въ
человjь'ческихъ и=спо'лнися лука'вствiя, и= пре'лесть
въ сердца'хъ и='хъ и= въ животjь` и='хъ, и= по си'хъ
къ м<е>'ртвымъ.
4. Поне'же кто` <е>='сть, и='же приwбща'ется ко всjь^мъ
живы^мъ; <Е>='сть наде'жда, jа='кw пе'съ живы'й, то'й
бла'гъ па'че льва` ме'ртва.
5. Поне'же живi'и разумjь'ютъ, jа='кw о<у>='мрутъ,
ме'ртвiи же не су'ть вjь'дущiи ничто'же: и= ктому`
нjь'сть и=`мъ мзды`, jа='кw забве'на <е>='сть па'мять
и='хъ,
6. и= любо'вь и='хъ и= не'нависть и='хъ и= рве'нiе
и='хъ о<у>=же` поги'бе, и= ча'сти нjь'сть и=`мъ ктому`
во вjь'ки во вся'цjьмъ творе'нiи под\ъ со'лнцемъ.
7. Прiиди`, jа='ждь въ весе'лiи хлjь'бъ тво'й и= пi'й
во бла'зjь се'рдцы вiно` твое`, jа='кw о<у>=же` о<у>=гw'дна
бг~у твор<е>'нiя твоя^.
8. Во вся'ко вре'мя да бу'дутъ ри^зы твоя^ бjьлы^,
и= <е>=ле'й на главjь` твое'й да не w=скудjь'етъ.
9. И= ви'ждь житiе` съ жено'ю, ю='же возлюби'лъ <е>=си`,
во вся^ дни^ живота` ю='ности {По и=ны^мъ: суеты`.}
твоея`, да^нныя ти` под\ъ со'лнцемъ, вся^ дни^ су'етствiя
твоегw`: jа='кw сiе` ча'сть твоя` въ животjь` твое'мъ
и= въ трудjь` твое'мъ, и='мже ты` труди'шися под\ъ
со'лнцемъ.
10. Вся^, <е>=ли^ка а='ще w=бря'щетъ рука` твоя` сотвори'ти,
jа='коже си'ла твоя`, сотвори`: зане` нjь'сть сотворе'нiе
и= помышле'нiе и= ра'зумъ и= му'дрость во а='дjь, а='може
ты` и='деши та'мw.
11. W=брати'хся и= ви'дjьхъ под\ъ со'лнцемъ, jа='кw
ни л<е>'гкимъ тече'нiе, ниже` си^льнымъ бра'нь, ниже`
самому` му'дрому хлjь'бъ, ниже` разу^мнымъ бога'тство,
ниже` вjь'дущымъ благода'ть: jа='кw вре'мя и= слу'чай
случи'тся всjь^мъ си^мъ.
12. Jа='кw о<у>='бw не разумjь` человjь'къ вре'мене
своегw`: jа='коже ры^бы о<у>=ловля'<е>мы во мре'жи
sлjь`, и= а='ки пти^цы о<у>=ловля'<е>мы въ сjь'ти:
jа='коже сiя^, о<у>=ловля'ются сы'нове человjь'честiи
во вре'мя лука'во, <е>=гда` нападе'тъ на ня` внеза'пу.
13. И= сiе` ви'дjьхъ, му'дрость под\ъ со'лнцемъ, и=
вели'ка <е>='сть во мнjь`:
14. гра'дъ ма'лъ, и= муже'й въ не'мъ ма'лw, и= прiи'детъ
на'нь ца'рь вели'къ и= w='крестъ w=бля'жетъ <е>=го`,
и= содjь'лаетъ на него` <о>=стро'ги в<е>'лiя,
15. и= w=бря'щетъ въ не'мъ му'жа ни'щаго му'дра, и=
се'й спасе'тъ гра'дъ му'дростiю свое'ю, и= человjь'къ
не воспомяну` му'жа ни'щагw <о>='нагw.
16. И= рjь'хъ а='зъ: блага` му'дрость па'че си'лы,
и= му'дрость ни'щагw о<у>=ничиже'на, и= словеса` <е>=гw`
не су'ть послу'ша<е>ма.
17. Словеса` му'дрыхъ въ поко'и слы'шатся, па'че кли'ча
w=блада'ющихъ въ безу'мiи.
18. Блага` му'дрость па'че <о>=ру'дiй ра'тныхъ: и=
согрjьша'яй <е>=ди'нъ погуби'тъ благосты'ню мно'гу.
Глава` 10.
Му^хи о<у>=ме'ршыя згноя'ютъ <е>=ле'а сла'дость: че'стно
ма'лое му'дрости па'че сла'вы вели'ки безу'мiя.
2. Се'рдце му'драгw w=десну'ю <е>=гw`, се'рдце же безу'мнагw
w=шу'юю <е>=гw`:
3. и= въ пу'ть <е>=гда` безу'мный и='детъ, се'рдце
<е>=гw` лиша'ется, и= jа=`же помышля'етъ, вся^ безу'мiе
су'ть.
4. А='ще ду'хъ владjь'ющагw взы'детъ на тя`, мjь'ста
твоегw` не w=ста'ви: jа='кw и=сцjьле'нiе о<у>=толи'тъ
грjьхи` вели^ки.
5. <Е>='сть лука'вство, <е>='же ви'дjьхъ под\ъ со'лнцемъ,
а='ки нево'льно и=зы'де w\т лица` владjь'ющагw:
6. вда'нъ безу'мный въ высwты` вели^ки, а= бога'тiи
во смире'нныхъ ся'дутъ:
7. ви'дjьхъ рабw'въ на ко'нехъ, и= князе'й и=ду'щихъ
jа='кw рабw'въ на земли`.
8. Копа'яй jа='му впаде'тъ въ ню`, и= разоря'ющаго
w=гра'ду о<у>=гры'знетъ <е>=го` sмi'й.
9. И=з\ъе'мляй ка'менiе поболи'тъ w\т ни'хъ, разсjьца'яй
дрова` бjьду` прiи'метъ въ ни'хъ:
10. а='ще спаде'тъ сjь'чиво, и= са'мъ лице'мъ смяте'тся:
и= си^лы о<у>=крjьпи'тъ, и= и=з\ъ<о>би'лiе му'жу му'дрость.
11. А='ще о<у>=гры'знетъ sмi'й не въ шептjь`, и= нjь'сть
и=зли'шества w=бава'ющему.
12. Словеса` о<у>='стъ прему'драгw благода'ть, о<у>=стнjь'
же безу'мнагw потопя'тъ <е>=го`:
13. нача'ло слове'съ о<у>='стъ <е>=гw` безу'мiе, и=
послjь^дняя о<у>='стъ <е>=гw` пре'лесть лука'ва.
14. Безу'мный о<у>=множа'етъ словеса`: не разумjь`
человjь'къ, что` бы'вшее и= что` бу'дущее, что` созади`
<е>=гw`, (и=) кто` возвjьсти'тъ <е>=му`;
15. Тру'дъ безу'мныхъ w=sло'битъ и=`хъ, и='же не разумjь`
и=ти` во гра'дъ.
16. Го'ре тебjь`, гра'де, въ не'мже ца'рь тво'й ю='нъ,
и= кня^зи твои` ра'нw jа=дя'тъ.
17. Блаже'нна ты`, земле`, <е>=я'же ца'рь тво'й сы'нъ
свобо'дныхъ, и= кня^зи твои` во вре'мя jа=дя'тъ въ
си'лjь и= не постыдя'тся.
18. Въ лjь'ностехъ смири'тся стро'пъ, и= въ пра'зднествjь
ру'къ прока'плетъ хра'мина.
19. Во смjь'хъ творя'тъ хлjь'бъ и= вiно` и= <е>=ле'й,
<е>='же весели'тися живу'щымъ: и= сребра` со смире'нiемъ
послу'шаютъ вся'ч<е>ская.
20. И= въ со'вjьсти о<у>='бw твое'й не клени` царя`,
и= въ клjь'ти ло'жницы твоея` не клени` бога'таго:
jа='кw пти'ца небе'сная донесе'тъ гла'съ тво'й, и=
и=мjь'яй крилjь^ возвjьсти'тъ сло'во твое`.
Глава` 11.
Посли` хлjь'бъ тво'й на лице` воды`, jа='кw во мно'жествjь
днi'й w=бря'щеши <е>=го`.
2. Да'ждь ча'сть седми'мъ и= <о>=сми'мъ, jа='кw не
вjь'си, что` бу'детъ лука'во на земли`.
3. А='ще и=спо'лнятся w='блацы дождя`, на зе'млю и=злива'ютъ:
и= а='ще паде'тъ дре'во на ю='гъ, и= а='ще на сjь'веръ,
на мjь'стjь, и=дjь'же паде'тъ дре'во, та'мw бу'детъ.
4. Блюды'й вjь'тра не сjь'етъ, и= сматря'яй во w='блацjьхъ
не по'жнетъ.
5. Въ ни'хже нjь'сть вjь'дый, кi'и пу'ть ду'ха, jа='коже
кw'сти во чре'вjь ражда'ющiя: та'кw не о<у>=разумjь'еши
дjь'лъ бж~iихъ, <е>=ли^ка сотвори'тъ вся'ч<е>ская.
6. Въ зау'трiи сjь'й сjь'мя твое`, и= въ ве'черъ да
не w=ставля'етъ рука` твоя`: jа='кw не вjь'си, ко'е
произы'детъ сiе` и=ли` <о>='но, и= а='ще <о>=боя` вку'пjь
блага^я.
7. И= сла'дко свjь'тъ, и= бла'го <о>=чи'ма зрjь'ти
со'лнце:
8. jа='кw а='ще и= мнw'га лjь^та поживе'тъ человjь'къ,
и= w= всjь'хъ си'хъ возвесели'тся, и= помяне'тъ дни^
тьмы`, jа='кw мно'зи бу'дутъ: все` гряду'щее суета`.
9. Весели'ся, ю='ноше, во ю='ности твое'й, и= да о<у>=блажи'тъ
тя` се'рдце твое` во дне'хъ ю='ности твоея`, и= ходи`
въ путе'хъ се'рдца твоегw` непоро'ченъ и= не въ видjь'нiи
{Въ нjь'к.: и= въ видjь'нiи.} <о>='чiю тво<е>'ю: и=
разумjь'й, jа='кw w= всjь'хъ си'хъ приведе'тъ тя` бг~ъ
на су'дъ:
10. и= w\тста'ви jа='рость w\т се'рдца твоегw`, и=
w\три'ни лука'вство w\т пло'ти твоея`: jа='кw ю='ность
и= безу'мiе суета`.
Глава` 12.
И= помяни` сотво'ршаго тя` во дне'хъ ю='ности твоея`,
до'ндеже не прiи'дутъ днi'е sло'бы твоея`, и= приспjь'ютъ
лjь^та, въ ни'хже рече'ши: нjь'сть ми` въ ни'хъ хотjь'нiя:
2. до'ндеже не поме'ркнетъ со'лнце и= свjь'тъ, и= луна`
и= sвjь'зды, и= w=братя'тся w='блацы созади` дождя`:
3. въ де'нь, во'ньже подви'гнутся стра'жiе до'му, и=
развратя'тся му'жiе си'лы, и= о<у>=праздня'тся ме'лющiи,
jа='кw о<у>=ма'лишася, и= помрача'тся зря'щiи во сква'жнехъ:
4. и= затворя'тъ дв<е>'ри на то'ржищи, въ не'мощи гла'са
ме'лющiя, и= воста'нетъ на гла'съ пти'цы, и= смиря'тся
вся^ дщ<е>'ри пjь'сни:
5. и= на высоту` {Въ нjь'к.: w\т высоты`.} о<у>='зрятъ,
и= о<у>='жасъ на пути`, и= процвjьте'тъ а=мv"гда'лъ,
и= w=толстjь'ютъ пру'зiе, и= разруши'тся каппарi'съ:
jа='кw w\ти'де человjь'къ въ до'мъ вjь'ка своегw`,
и= w=быдо'ша на то'ржищи пла'чущiи:
6. до'ндеже не преврати'тся о<у>='же сре'бряное, и=
не сокруши'тся повя'зка злата'я, и= сокруши'тся водоно'съ
о<у>= и=сто'чника, и= сло'мится колесо` въ ко'лiи.
7. И= возврати'тся пе'рсть въ зе'млю, jа='коже бjь`,
и= ду'хъ возврати'тся къ бг~у, и='же даде` <е>=го`.
8. Суета` су'етствiй, рече` <е>=кклесiа'стъ, вся'ч<е>ская
суета`.
9. И= ли'шшее, jа='кw бы'сть <е>=кклесiа'стъ му'дръ,
и= jа='кw научи` ра'зуму человjь'ка: и= о<у>='хо и=зслjь'дитъ
красоту` при'тчей.
10. Мно'гw взыска` <е>=кклесiа'стъ, <е>='же w=брjьсти`
словеса` хотjь'нiя, и= напи'саное пра'вости, словеса`
и='стины.
11. Словеса` му'дрыхъ jа='коже <о>=стны` воло'вiи и=
jа='коже гво'здiе вонзе'но, и=`же w\т сложе'нiй да'ни
бы'ша w\т па'стыря <е>=ди'нагw.
12. И= мно'жае w\т ни'хъ, сы'не мо'й, храни'ся: твори'ти
кни^ги мнw'ги нjь'сть конца`, и= о<у>=че'нiе мно'гое
тру'дъ пло'ти.
13. Коне'цъ сло'ва, все` слу'шай: бг~а бо'йся и= за'пwвjьди
<е>=гw` храни`, jа='кw сiе` вся'къ человjь'къ:
14. jа='кw все` творе'нiе приведе'тъ бг~ъ на су'дъ
w= вся'цjьмъ погрjьше'нiи, а='ще бла'го и= а='ще лука'во.
Коне'цъ кни'зjь <е>=кклесiа'ста: и='мать въ себjь`
гла'въ 12.
</hip>
