<hip> %{!версия=9} Пла'чь i=еремi'евъ. Глава` 1. %(И= бы'сть, повнегда` въ плjь'нъ w\тведе'нъ бjь` i=и~ль, и= i=ер\сли'мъ w=пустоше'нъ бя'ше, ся'де i=еремi'а пр\оро'къ пла'чущь, и= рыда'ше рыда'нiемъ си'мъ над\ъ i=ер\сли'момъ и= глаго'лаше:%) %(А='лефъ.%) Ка'кw сjь'де <е>=ди'нъ гра'дъ о<у>=мно'женный людьми`! Бы'сть jа='кw вдови'ца, о<у>=мно'женный во jа=зы'цjьхъ, владя'й страна'ми бы'сть под\ъ да'нiю. %(Бе'fъ.%) 2. Пла'чя пла'кася въ нощи`, и= сле'зы <е>=гw` на лани'тjьхъ <е>=гw`, и= нjь'сть о<у>=тjьша'яй <е>=го` w\т всjь'хъ лю'бящихъ <е>=го`: вси` дружа'щiися съ ни'мъ w\тверго'шася <е>=гw`, бы'ша <е>=му` врази`. %(Гi'мель%) 3. Пресели'ся i=у'да ра'ди смире'нiя своегw` и= ра'ди мно'жества рабо'ты своея`: сjь'де во jа=зы'цjьхъ, не w=брjь'те поко'я. Вси` гоня'щiи <е>=го` пости'гнуша и=` средjь` стужа'ющихъ <е>=му`. %(Да'леfъ.%) 4. Путiе` сiw^ни рыда'ютъ, jа='кw нjь'сть ходя'щихъ по ни'хъ въ пра'здникъ, вся^ врата` <е>=гw` разор<е>'на, жерцы` <е>=гw` воздыха'ютъ, дjьви^цы <е>=гw` ведw'мы, и= са'мъ w=горчева'емь въ себjь`. %(Ге`.%) 5. Бы'ша стужа'ющiи <е>=му` во главу`, и= врази` <е>=гw` о<у>=гобзи'шася, jа='кw гд\сь смири` <е>=го` за мно'жество нече'стiя <е>=гw`: младе'нцы <е>=гw` w\тидо'ша плjьне'ни пред\ъ лице'мъ стужа'ющагw. %(Ва'vъ.%) 6. И= w\тя'ся w\т дще'ре сiw'ни вся` лjь'пота <е>=я`: бы'ша кня^зи <е>=я` jа='кw <о>='вни не и=му'щiи па'жити, и= хожда'ху не съ крjь'постiю пред\ъ лице'мъ гоня'щагw. %(За'iнъ.%) 7. Помяну` i=ер\сли'мъ дни^ смире'нiя своегw` и= w\тринове'нiй свои'хъ, вся^ вожд<е>лjь'нiя своя^, jа=`же и=мjь'яше w\т днi'й пе'рвыхъ, <е>=гда` падо'ша лю'дiе <е>=гw` въ ру'цjь стужа'ющагw, и= не бjь` помага'ющагw <е>=му`: ви'дjьвше врази` <е>=гw` посмjья'шася w= преселе'нiи <е>=гw`. %(И='fъ.%) 8. Грjьхо'мъ согрjьши` i=ер\сли'мъ, тогw` ра'ди въ мяте'жъ бы'сть: вси` сла'вящiи <е>=го` смири'ша и=`, ви'дjьша бо сра'мъ <е>=гw`: се'й же стеня'щь w=брати'ся вспя'ть. %(Те'fъ.%) 9. Нечистота` <е>=гw` пред\ъ нога'ма <е>=гw`, не помяну` послjь'днихъ свои'хъ и= низведе'ся пречу'днw: нjь'сть о<у>=тjьша'яй <е>=го`. Ви'ждь, гд\си, смире'нiе мое`, jа='кw возвели'чися вра'гъ. %(I=w'дъ.%) 10. Ру'ку свою` простре` стужа'яй на вся^ вожделjь^нная <е>=гw`, ви'дjь бо jа=зы'ки вше'дшыя во ст~ы'ню свою`, и=`мже повелjь'лъ <е>=си` не входи'ти во цр~ковь твою`. %(Ка'фъ.%) 11. Вси` лю'дiе <е>=гw` воздыха'юще и='щутъ хлjь'ба: да'ша вожд<е>лjь'нная своя^ за пи'щу, <е>='же бы w=брати'ти ду'шу. Ви'ждь, гд\си, и= при'зри, jа='кw бы'хъ безче'стенъ. %(Ла'медъ.%) 12. Вси`, и=`же къ ва'мъ проходя'щiи путе'мъ, w=брати'теся и= ви'дите, а='ще <е>='сть болjь'знь, jа='кw болjь'знь моя`, jа='же бы'сть: гл~авый w= мнjь` смири' мя гд\сь въ де'нь гнjь'ва jа='рости своея`. %(Ме'мъ.%) 13. Съ высоты` своея` посла` <о>='гнь, въ кw'сти моя^ сведе` <е>=го`: простре` сjь'ть нога'ма мои'ма, w=брати' мя вспя'ть, даде' мя гд\сь въ погубле'нiе, ве'сь де'нь болjь'знующа. %(Ну'нъ.%) 14. Бдя'ше на неч<е>'стiя моя^, въ руку` мо<е>'ю сплето'шася: взыдо'ша на вы'ю мою`, и=знемо'же крjь'пость моя`, jа='кw даде` гд\сь въ ру'цjь мои` бwлjь'зни, не возмогу` ста'ти. %(Са'мехъ.%) 15. W\тя` вся^ крjь^пкiя моя^ гд\сь w\т среды` мен<е>`, призва` на мя` вре'мя, <е>='же сокруши'ти и=збра^нныя моя^: точи'ло и=стопта` гд\сь дjьви'цjь, дще'ри i=у'динjь: w= си'хъ а='зъ пла'чу. %(А='iнъ.%) 16. <О>='чи мои` и=злiя'стjь во'ду, jа='кw о<у>=дали'ся w\т мен<е>` о<у>=тjьша'яй мя`, возвраща'яй ду'шу мою`: погибо'ша сы'нове мои`, jа='кw возмо'же вра'гъ. %(Фи`.%) 17. Воздjь` руцjь` свои` сiw'нъ, нjь'сть о<у>=тjьша'яй <е>=го`. Заповjь'да гд\сь на i=а'кwва, w='крестъ <е>=гw` врази` <е>=гw`: бы'сть i=ер\сли'мъ jа='кw w=скверне'на кровоточе'нiемъ въ ни'хъ. %(Ца'ди.%) 18. Прв\днъ <е>='сть гд\сь, jа='кw о<у>=ста` <е>=гw` w=горчи'хъ. Слы'шите о<у>=`бо, вси` лю'дiе, и= ви'дите болjь'знь мою`: дjьви^цы моя^ и= ю='нwты w\тидо'ша въ плjь'нъ. %(Кw'фъ.%) 19. Позва'хъ люби'т<е>ли моя^, и= тi'и прельсти'ша мя`: жерцы` мои` и= ста'рцы мои` во гра'дjь w=скудjь'ша, jа='кw взыска'ша пи'щи себjь`, да о<у>=крjьпя'тъ ду'шы своя^, и= не w=брjьто'ша. %(Ре'шъ.%) 20. Ви'ждь, гд\си, jа='кw скорблю`, о<у>=тро'ба моя` смяте'ся во мнjь`, и= преврати'ся се'рдце мое`, jа='кw го'рести и=спо'лнихся: w\твнjь` w=безча'ди мене` ме'чь, а='ки сме'рть въ дому`. %(Ши'нъ.%) 21. Слы'шаша о<у>='бw, jа='кw воздыха'ю а='зъ, нjь'сть о<у>=тjьша'ющагw мя`. Вси` врази` мои` слы'шаша sла^я моя^ и= пора'довашася, jа='кw ты` сотвори'лъ <е>=си`: приве'лъ <е>=си` де'нь, призва'лъ <е>=си` вре'мя, и= бу'дутъ подо'бни мнjь`. %(Fа'vъ.%) 22. Да прiи'детъ вся` sло'ба и='хъ пред\ъ лице` твое`, и= w=треби` и=`хъ, jа='коже сотвори'ша w=требле'нiе w= всjь'хъ грjьсjь'хъ мои'хъ, jа='кw мнw'га су'ть ст<е>на'нiя моя^, и= се'рдце мое` скорби'тъ. Глава` 2. %(А='лефъ.%) Ка'кw w=мрачи` во гнjь'вjь свое'мъ гд\сь дще'рь сiw'ню: све'рже съ небесе` на зе'млю сла'ву i=и~леву, и= не помяну` подно'жiя ногу` сво<е>'ю въ де'нь гнjь'ва и= jа='рости своея`. %(Бе'fъ.%) 2. Погрузи` гд\сь и= не пощадjь`: вся^ кра^сная i=а^кwвля разори` jа='ростiю свое'ю, тверды'ни дще'ре i=у'дины и=зве'рже на зе'млю, w=скверни` царя` <е>=я` и= кня^зи <е>=я`, %(Гi'мель.%) 3. сокруши` во гнjь'вjь jа='рости своея` ве'сь ро'гъ i=и~левъ, w=брати` вспя'ть десни'цу <е>=гw` w\т лица` врага`, разжже` во i=а'кwвjь jа='кw <о>='гнь пла'мы, и= потреби` вся^ w='крестъ, %(Да'леfъ.%) 4. напряже` лу'къ сво'й jа='кw ра'тникъ проти'вный, о<у>=тверди` десни'цу свою` jа='кw супоста^тъ и= и=зби` вся^ кра^сная <о>='чiю мо<е>'ю во селе'нiихъ дще'ре сiw'ни, и=злiя` jа='кw <о>='гнь jа='рость свою`. %(Ге`.%) 5. Бы'сть гд\сь а='ки вра'гъ, погрузи` i=и~ля, погрузи` вся^ до'мы <е>=гw`, разсы'па вся^ стjь'ны <е>=гw` и= о<у>=мно'жи дще'ри i=у'динjь смире'на и= смире'ну, %(Ва'vъ.%) 6. и= разве'рзе а='ки вiногра'дъ селе'нiе свое`, разсы'па пра'здники <е>=гw`: забы` гд\сь, jа=`же сотвори` въ сiw'нjь пра'здники и= суббw^ты, и= w=sло'би преще'нiемъ гнjь'ва своегw` царя` и= кня'зя и= жерца`. %(За'iнъ.%) 7. W\три'ну гд\сь же'ртвенникъ сво'й, w\ттрясе` ст~ы'ню свою`, сокруши` руко'ю вра'жiею стjь'ну забра'лwвъ <е>=гw`: гла'съ да'ша въ дому` гд\сни jа='кw въ де'нь пра'здника. %(И='fъ.%) 8. W=брати'ся гд\сь разсы'пати стjь'ну дще'ре сiw'ни: протяже` мjь'ру, не w\тврати` руки` своея` w\т попра'нiя: и= сjь'това предгра'дiе, и= w=гра'да вку'пjь и=знемо'же. %(Те'fъ.%) 9. Врасто'ша въ зе'млю врата` <е>=я`, погуби` и= сокруши` вер<е>и` <е>=я`, царя` <е>=я` и= кня^зи <е>=я` во jа=зы'цjьхъ, нjь'сть зако'на, и= проро'цы <е>=я` не ви'дjьша видjь'нiя w\т гд\са. %(I=w'дъ.%) 10. Сjьдо'ша на земли`, о<у>=молко'ша старjь^йшины дще'ре сiw'ни, посы'паша пе'рсть на главы^ своя^, препоя'сашася во вр<е>'тища, низведо'ша въ зе'млю старjь'йшинъ дjь'въ i=ер\сли'мскихъ. %(Ка'фъ.%) 11. W=скудjь'ша <о>='чи мои` въ слеза'хъ, смути'ся се'рдце мое`, и=злiя'ся на зе'млю сла'ва моя` w= сокруше'нiи дще'ре людi'й мои'хъ, внегда` w=скудjь` младе'нецъ и= ссу'щiй на сто'гнахъ гра'дскихъ. %(Ла'медъ.%) 12. Ма'теремъ свои^мъ реко'ша: гдjь` пшени'ца и= вiно`; внегда` разсла'бл<е>нымъ бы'ти и=`мъ, jа='кw jа='зв<е>нымъ на сто'гнахъ гра'дскихъ, <е>=гда` и=злива'хуся ду'ши и='хъ въ ло'но ма'терей и='хъ. %(Ме'мъ.%) 13. Что' ти засвидjь'тельствую; и=ли` что` о<у>=подо'блю тебjь`, дщи` i=ер\сли'мля; кто' тя спасе'тъ и= кто' тя о<у>=тjь'шитъ, дjьви'це, дщи` сiw'ня; jа='кw возвели'чися ча'ша сокруше'нiя твоегw`, кто' тя и=сцjьли'тъ; %(Ну'нъ.%) 14. Проро'цы твои` ви'дjьша тебjь` су'<е>тная и= безу'мiе и= не w\ткры'ша w= непра'вдjь твое'й, <е>='же возврати'ти плjьне'нiе твое`, и= ви'дjьша тебjь` словеса` су'<е>тная и= и=зринов<е>'нiя. %(Са'мехъ.%) 15. Восплеска'ша рука'ма w= тебjь` вси` мину'ющiи путе'мъ, позвизда'ша и= покива'ша главо'ю свое'ю w= дще'ри i=ер\сли'мли, реку'ще: се'й ли гра'дъ, вjьне'цъ сла'вы, весе'лiе всея` земли`; %(А='iнъ.%) 16. W\тверзо'ша на тя` о<у>=ста` своя^ вси` врази` твои`, позвизда'ша и= поскрежета'ша зубы` свои'ми и= рjь'ша: поглоти'мъ ю=`: <о>=ба'че се'й де'нь, <е>=го'же ча'яхомъ, w=брjьто'хомъ <е>=го`, ви'дjьхомъ. %(Фи`.%) 17. Сотвори` гд\сь, jа=`же помы'сли, сконча` словеса` своя^, jа=`же заповjь'да w\т днi'й пе'рвыхъ: разори` и= не пощадjь`, и= возвесели` w= тебjь` врага`, вознесе` ро'гъ стужа'ющагw ти`. %(Ца'ди.%) 18. Возопи` се'рдце и='хъ ко гд\су, стjь'ны дще'ре сiw'ни да и=злiю'тъ jа='коже водоте'ча сле'зы де'нь и= но'щь: не да'ждь поко'я себjь`, и= да не о<у>=мо'лкнетъ зjь'ница <о>='чiю тво<е>'ю. %(Кw'фъ.%) 19. Воста'ни, поучи'ся въ нощи` въ нача'лjь стражбы` твоея`, пролi'й jа='кw во'ду се'рдце твое` пред\ъ лице'мъ гд\снимъ, воздви'гни къ нему` ру'цjь твои` w= душа'хъ младе'н<е>цъ твои'хъ, разсла'бленыхъ гла'домъ въ нача'лjь всjь'хъ и=схо'дwвъ. %(Ре'шъ.%) 20. Ви'ждь, гд\си, и= при'зри, кого` <е>=си` w=треби'лъ си'це; <е>=да` снjьдя'тъ ж<е>ны` пло'дъ о<у>=тро'бы своея`; w=требле'нiе сотвори` по'варъ, и=збiю'тъ ли младе'нц<е>въ ссу'щихъ сосцы`; о<у>=бiе'ши ли во ст~ы'ни гд\сни жерца` и= проро'ка; %(Ши'нъ.%) 21. О<у>=спо'ша на и=схо'дищихъ <о>='трокъ и= ста'рецъ: дjьви^цы моя^ и= ю='нwты мои` w\тидо'ша въ плjь'нъ, мече'мъ и= гла'домъ и=зби'лъ <е>=си`, въ де'нь гнjь'ва твоегw` свари'лъ <е>=си`, не пощадjь'лъ. %(Fа'vъ.%) 22. Призва'лъ <е>=си` jа='кw де'нь пра'здника приш<е>'льствiя моя^ w='крестъ, и= не бы'сть въ де'нь гнjь'ва гд\сня о<у>=цjьлjь'вый и= w=ста'выйся, jа='кw сотвори'хъ возмощи` и= о<у>=мно'жихъ враги` моя^ вся^. Глава` 3. %(А='лефъ.%) А='зъ му'жъ ви'дя нищету` (мою`) въ жезлjь` jа='рости <е>=гw` на мя`: 2. поя'тъ мя` и= w\тведе' мя во тьму`, а= не во свjь'тъ. 3. <О>=ба'че на мя` w=брати` ру'ку свою` ве'сь де'нь, %(Бе'fъ.%) 4. w=бетши` пло'ть мою` и= ко'жу мою`, кw'сти моя^ сокруши`: 5. согради` на мя` и= w=б\ъя` главу` мою` и= о<у>=труди`, 6. въ те'мныхъ посади' мя, jа='коже м<е>'ртвыя вjь'ка: %(Гi'мель.%) 7. согради` на мя`, и= не и=зы'ду, w=тяготи` w=кw'вы моя^, 8. и= <е>=гда` воскричу` и= возопiю`, загради` моли'тву мою`: 9. возгради` пути^ моя^, загради` ст<е>зи` моя^, возмяте`. %(Да'леfъ.%) 10. Бы'сть jа='кw медвjь'дь ловя'й, (присjьдя'й ми`) jа='кw ле'въ въ сокрове'нныхъ, 11. гна` w\тступи'вшаго, и= о<у>=поко'и мя`, положи' мя поги'бша: 12. напряже` лу'къ сво'й, и= поста'ви мя` jа='кw зна'менiе на стрjьля'нiе, %(Ге`.%) 13. пусти` въ ля'двiя моя^ стрjь'лы ту'ла своегw`. 14. Бы'хъ въ смjь'хъ всjь^мъ лю'демъ мои^мъ, пjь'снь и='хъ ве'сь де'нь. 15. Насы'ти мя` го'рести, напои' мя же'лчи %(Ва'vъ.%) 16. и= и=з\ъя` ка'менемъ зу'бы моя^, напита' мя пе'пеломъ 17. и= w\три'ну w\т ми'ра ду'шу мою`. Забы'хъ благwты` 18. и= рjь'хъ: поги'бе побjь'да моя` и= наде'жда моя` w\т гд\са. %(За'iнъ.%) 19. Помяни` нищету` мою` и= гоне'нiе мое`. 20. Го'ресть и= же'лчь мою` помяну`, и= стужи'тъ во мнjь` душа` моя`. 21. Сiя^ положу` въ се'рдцы мое'мъ, сегw` ра'ди потерплю`. %(И='fъ.%) 22. Мл\сть гд\сня, jа='кw не w=ста'ви мене`, не сконча'шася бо щедрw'ты <е>=гw`: пребыва'яй во о<у>='трiихъ, поми'луй, гд\си, jа='кw не погибо'хомъ, не сконча'шася бо щедрw'ты твоя^. 23. Нw'вая во о<у>='трiихъ, мно'га <е>='сть вjь'ра твоя`. 24. Ча'сть моя` гд\сь, рече` душа` моя`: сегw` ра'ди пожду` <е>=гw`. %(Те'fъ.%) 25. Бл~гъ гд\сь надjь'ющымся на'нь: 26. души` и='щущей <е>=гw` бла'го (<е>='сть), и= надjь'ющейся съ молча'нiемъ сп\снiя бж~iя. 27. Бла'го <е>='сть му'жу, <е>=гда` во'зметъ jа=ре'мъ въ ю='ности свое'й: %(I=w'дъ.%) 28. ся'детъ на <е>=ди'нjь и= о<у>=мо'лкнетъ, jа='кw воздви'гну на ся`: 29. положи'тъ во пра'хjь о<у>=ста` своя^, не'гли ка'кw бу'детъ наде'жда: 30. пода'стъ лани'ту свою` бiю'щему, насы'тится о<у>=кори'знъ. %(Ка'фъ.%) 31. Jа='кw не во вjь'къ w\три'нетъ гд\сь, 32. jа='кw смири'вый поми'луетъ по мно'жеству мл\сти своея`, 33. не w\три'ну w\т ср\дца своегw` и= смири` сы'ны му'жескiя. %(Ла'медъ.%) 34. <Е>='же смири'ти под\ъ но'зjь <е>=гw` вся^ о<у>='зники земны^я, 35. <е>='же о<у>=клони'ти су'дъ му'жа пред\ъ лице'мъ вы'шнягw, 36. w=суди'ти человjь'ка, внегда` суди'тися <е>=му`, гд\сь не рече`. %(Ме'мъ.%) 37. Кто' <е>=сть то'й, и='же рече`, и= бы'ти, гд\су не повелjь'вшу; 38. И=з\ъ о<у>='стъ вы'шнягw не и=зы'детъ sло` и= добро`. 39. Что` возро'пщетъ человjь'къ живу'щь, му'жъ w= грjьсjь` свое'мъ; %(Ну'нъ.%) 40. И=зыска'ся пу'ть на'шъ и= и=спыта'ся, и= w=брати'мся ко гд\су. 41. Воздви'гнемъ сердца` на^ша съ рука'ми къ бг~у высо'кому на нб~си`. 42. Мы` согрjьши'хомъ и= нече'ствовахомъ, сегw` ра'ди не поми'ловалъ <е>=си`: %(Са'мехъ.%) 43. покры'лъ <е>=си` jа='ростiю и= w\тгна'лъ <е>=си` на'съ, о<у>=би'лъ и= не пощадjь'лъ <е>=си`: 44. покры'лся <е>=си` w='блакомъ, да не до'йдетъ къ тебjь` моли'тва, 45. сомжи'ти <о>='чи мои` и= w\три'нути, положи'лъ <е>=си` на'съ посредjь` людi'й. %(А='iнъ.%) 46. W\тверзо'ша на ны` о<у>=ста` своя^ вси` врази` на'ши. 47. Стра'хъ и= о<у>='жасъ бы'сть на'мъ, надме'нiе и= сокруше'нiе: 48. и=схw'дища вwдна'я и=злiе'тъ <о>='ко мое` w= сокруше'нiи дще'ре людi'й мои'хъ. %(Фи`.%) 49. <О>='ко мое` погря'зну: и= не о<у>=мо'лкну, <е>='же не бы'ти w=слабле'нiю, 50. до'ндеже приклони'тся и= о<у>=ви'дитъ гд\сь съ нб~се`. 51. <О>='ко мое` закрыва'ется w= души` мое'й, па'че всjь'хъ дще'рей гра'да. %(Ца'ди.%) 52. Ловя'ще о<у>=лови'ша мя` jа='кw вра'бiя врази` мои` ту'не: 53. о<у>=мори'ша въ ро'вjь жи'знь мою` и= возложи'ша на мя` ка'мень. 54. Возлiя'ся вода` вы'ше главы` моея`: рjь'хъ: w\тринове'нъ <е>='смь. %(Кw'фъ.%) 55. Призва'хъ и='мя твое`, гд\си, и=з\ъ ро'ва преиспо'днягw: 56. гла'съ мо'й о<у>=слы'шалъ <е>=си`: не покры'й о<у>=ше'съ твои'хъ на мольбу` мою`: 57. на по'мощь мою` прибли'жился <е>=си`, въ де'нь, во'ньже призва'хъ тя`, ре'клъ ми` <е>=си`: не бо'йся. %(Ре'шъ.%) 58. Суди'лъ <е>=си`, гд\си, прю` души` моея`, и=зба'вилъ <е>=си` жи'знь мою`: 59. ви'дjьлъ <е>=си`, гд\си, смят<е>'нiя моя^, разсуди'лъ <е>=си` су'дъ мо'й: 60. вjь'си все` w\тмще'нiе и='хъ и= вся^ помышл<е>'нiя и='хъ на мя`. %(Ши'нъ.%) 61. Слы'шалъ <е>=си` о<у>=кwри'зны и='хъ, вся^ совjь'ты и='хъ на мя`, 62. о<у>=стнjь` востаю'щихъ на мя` и= поуче'нiе и='хъ на мя` ве'сь де'нь, 63. сjьдjь'нiе и='хъ и= воста'нiе и='хъ: при'зри на <о>='чи и='хъ {<Е>=вр.: а='зъ <е>='смь пjь'снь и='хъ.}. %(Fа'vъ.%) 64. Возда'си и=`мъ, гд\си, воздая'нiе по дjьлw'мъ руку` и='хъ: 65. возда'си и=`мъ заступле'нiе, сердца` моегw` тру'дъ. 66. Ты` и=`хъ прожене'ши во гнjь'вjь и= потреби'ши и=`хъ под\ъ небесе'мъ, гд\си. Глава` 4. %(А='лефъ.%) Ка'кw потемнjь` зла'то, и=змjьни'ся сребро` до'брое! разсы'пашася камы'цы ст~ы'ни въ нача'лjь всjь'хъ и=схо'дwвъ. %(Бе'fъ.%) 2. Сы'нове сiw^ни честнi'и, w=дjь'янiи зла'томъ чи'стымъ, ка'кw вмjьни'шася въ сосу'ды гли^няны, дjьла` ру'къ скуде'льничихъ! %(Гi'мель.%) 3. <Е>=ще' же sмi'еве w=бнажи'ша сосцы`, воздои'ша скv'мни и='хъ дще'рей людi'й мои'хъ въ неисцjьле'нiе, jа='коже пти'ца во пусты'ни. %(Да'леfъ.%) 4. Прильпе` я=зы'къ ссу'щагw къ горта'ни <е>=гw` въ жа'жди, младе'нцы проси'ша хлjь'ба, и= нjь'сть и=`мъ разломля'ющагw. %(Ге`.%) 5. Jа=ду'ще сла'дwстная погибо'ша во и=схо'дjьхъ, пита'емiи на багряни'цахъ w=дjь'яшася въ гно'й. %(Ва'vъ.%) 6. И= возвели'чися беззако'нiе дще'ре людi'й мои'хъ па'че беззако'нiя содо'мска, превраще'нныя во <о>=комгнове'нiи, и= не поболjь'ша w= не'й рука'ми. %(За'iнъ.%) 7. W=чи'стишася назwре'<е> <е>=я` па'че снjь'га и= просвjьти'шася па'че млека`, че'рмни бы'ша, па'че ка'мене сапфi'ра о<у>=сjьче'нiе и='хъ. %(И='fъ.%) 8. Потемнjь` па'че са'жи ви'дъ и='хъ, не позна'ни бы'ша во и=схо'дjьхъ: прильпе` ко'жа и='хъ косте'мъ и='хъ, и=зсхо'ша, бы'ша jа='кw дре'во. %(Те'fъ.%) 9. Лу'чше бы'ша jа='звенiи мече'мъ, не'жели погубле'ни гла'домъ: сi'и бо и=стлjь'ша w\т непло'дности земли`. %(I=w'дъ.%) 10. Ру'цjь же'нъ милосе'рдыхъ свари'ша дjь'ти своя^, бы'ша въ jа='дь и=`мъ, въ сокруше'нiи дще'ре людi'й мои'хъ. %(Ка'фъ.%) 11. Сконча` гд\сь jа='рость свою`, и=злiя` jа='рость гнjь'ва своегw` и= возжже` <о>='гнь въ сiw'нjь, и= пояде` w=снова^нiя <е>=гw`. %(Ла'медъ.%) 12. Не вjь'роваша ца'рiе зе'мстiи и= вси` живу'щiи во вселе'ннjьй, jа='кw вни'детъ вра'гъ и= стужа'яй сквозjь` врата` i=ер\сли^мская, %(Ме'мъ.%) 13. ра'ди грjь^хъ проро'кwвъ <е>=гw` и= непра'вдъ жерц<е>'въ <е>=гw`, пролива'ющихъ кро'вь пра'ведну посредjь` <е>=гw`. %(Ну'нъ.%) 14. Поколеба'шася бо'дрiи <е>=гw` на сто'гнахъ, w=скверни'шася въ кро'ви, внегда` немощи` и=`мъ, прикосну'шася <о>=де'ждъ свои'хъ. %(Са'мехъ.%) 15. W\тступи'те w\т нечи'стыхъ, призови'те и=`хъ: w\тступи'те, w\тступи'те, не прикаса'йтеся, jа='кw возжго'шася и= восколеба'шася: рцы'те во jа=зы'цjьхъ: не приложа'тъ, <е>='же w=бита'ти (съ ни'ми). %(А='iнъ.%) 16. Лице` гд\сне ча'сть и='хъ, не приложи'тъ призрjь'ти на ни'хъ: лица` жре'ческа не о<у>=стыдjь'шася, ста'рыхъ не поми'ловаша. %(Фи`.%) 17. <Е>=ще` су'щымъ на'мъ w=скудjь'ша <о>='чи на'ши, на по'мощь на'шу всу'е смотря'щымъ на'мъ, внегда` надjь'яхомся на jа=зы'къ не спаса'ющь. %(Ца'ди.%) 18. О<у>=лови'ша ма'лыхъ на'шихъ <е>='же не ходи'ти на сто'гнахъ на'шихъ, прибли'жися вре'мя на'ше, и=спо'лнишася днi'е на'ши, настои'тъ коне'цъ на'шъ. %(Кw'фъ.%) 19. Скорjь'йшiи бы'ша гоня'щiи ны` па'че <о>=рлw'въ небе'сныхъ, на гора'хъ гоня'ху на'съ, въ пусты'ни присjьдо'ша на'мъ. %(Ре'шъ.%) 20. Ду'хъ лица` на'шегw, пома'занный гд\сь jа='тъ бы'сть въ растлjь'нiихъ и='хъ, w= не'мже рjь'хомъ: въ сjь'ни <е>=гw` поживе'мъ во jа=зы'цjьхъ. %(Ши'нъ.%) 21. Ра'дуйся и= весели'ся, дщи` i=думе'йска, живу'щая на земли`, и= на тебе` прiи'детъ ча'ша гд\сня, и= о<у>=пiе'шися и= и=злiе'ши. %(Fа'vъ.%) 22. Сконча'ся беззако'нiе твое`, дщи` сiw'ня, не приложи'тъ ктому` пресели'ти тя`: посjьти'лъ <е>='сть беззакw'нiя твоя^, дщи` <е>=дw'мля, w\ткры` неч<е>'стiя твоя^. Глава` 5. %(Мл~тва i=еремi'и пр\оро'ка.%) Помяни`, гд\си, что` бы'сть на'мъ: при'зри и= ви'ждь о<у>=кори'зну на'шу: 2. достоя'нiе на'ше w=брати'ся къ чужди^мъ и= до'мы на'шя ко и=ноплеме'нникwмъ: 3. си'ри бы'хомъ, нjь'сть <о>=тца`, ма'т<е>ри на'шя jа='кw вдwвы`. 4. Во'ду на'шу за сребро` пи'хомъ, дрова` на^ша за цjь'ну купова'хомъ: 5. на вы^я на'шя гони'ми бы'хомъ, труди'хомся, не почи'хомъ. 6. <Е>=гv'петъ даде` ру'ку, а=ссу'ръ въ насыще'нiе и='хъ. 7. <О>=тцы` на'ши согрjьши'ша, и= нjь'сть и='хъ, мы' же беззакw'нiя и='хъ под\ъя'хомъ. 8. Раби` w=блада'ша на'ми, и=збавля'ющагw нjь'сть w\т руку` и='хъ. 9. Въ душа'хъ на'шихъ носи'хомъ хлjь'бъ на'шъ, w\т лица` меча` въ пусты'ни. 10. Ко'жа на'ша а='ки пе'щь w=бгорjь`, разсjьдо'шася w\т лица` бу'рей гла'да. 11. Же'нъ въ сiw'нjь смири'ша, дjьви'цъ во градjь'хъ i=у'диныхъ. 12. Кня^зи въ рука'хъ и='хъ повjь'шени бы'ша, старjь^йшины не просла'вишася. 13. И=збра'ннiи пла'чь под\ъя'ша, и= ю='нwши въ кла'дjь и=знемого'ша. 14. И= ста'рцы w\т вра'тъ w=скудjь'ша, и=збра'ннiи w\т пjь'сней свои'хъ о<у>=молко'ша. 15. Разсы'пася ра'дость серде'цъ на'шихъ, w=брати'ся въ пла'чь ли'къ на'шъ, 16. спаде` вjьне'цъ со главы` на'шея: го'ре на'мъ, jа='кw согрjьши'хомъ. 17. W= се'мъ смути'ся се'рдце на'ше, w= се'мъ поме'ркнуша <о>='чи на'ши. 18. На горjь` сiw'нjь, jа='кw поги'бе, лиси^цы ходи'ша. 19. Ты' же, гд\си, во вjь'ки всели'шися, пр\сто'лъ тво'й въ ро'дъ и= ро'дъ. 20. Вску'ю во вjь'ки забыва'еши на'съ, w=ста'виши ли на'съ въ продолже'нiе днi'й; 21. W=брати' ны, гд\си, къ тебjь`, и= w=брати'мся, и= вознови` дни^ на'шя jа='коже пре'жде. 22. Jа='кw w\трjьва'я w\три'нулъ <е>=си` на'съ, разгнjь'вался <е>=си` на ны` sjьлw`. Коне'цъ кни'зjь пла'ча i=еремi'ина: и='мать въ себjь` гла'въ 5. </hip>