<hip>
%{!версия=9} W\т ма'рка
Ст~о'е бл~говjьствова'нiе.
Глава` 1. Зача'ло 1.
Зача'ло <е>=v\глiа i=и~са хр\ста`, сн~а бж~iя,
2. jа='коже <е>='сть пи'сано во пр\оро'цjьхъ: се`,
а='зъ посыла'ю а='гг~ла моего` пред\ъ лице'мъ твои'мъ,
и='же о<у>=гото'витъ пу'ть тво'й пред\ъ тобо'ю.
3. Гла'съ вопiю'щагw въ пусты'ни: о<у>=гото'вайте пу'ть
гд\сень, пра^вы твори'те ст<е>зи` <е>=гw`.
4. Бы'сть i=wа'ннъ крестя'й въ пусты'ни и= проповjь'дая
кр~ще'нiе покая'нiя во w\тпуще'нiе грjьхw'въ.
5. И= и=схожда'ше къ нему` вся` i=уде'йская страна`
и= i=ер\сли'мляне: и= креща'хуся вси` во i=<о>рда'нjь
рjьцjь` w\т негw`, и=сповjь'дающе грjьхи` своя^.
6. Бjь' же i=wа'ннъ w=болче'нъ власы^ вельблу^жди,
и= по'ясъ о<у>=сме'нъ w= чре'слjьхъ <е>=гw`, и= jа=ды'й
а=крi^ды и= ме'дъ ди'вiй.
7. И= проповjь'даше, глаго'ля: гряде'тъ крjь'плiй мен<е>`
в\ъслjь'дъ мен<е>`, <е>=му'же нjь'смь досто'инъ прекло'нься
разрjьши'ти реме'нь сапw'гъ <е>=гw`:
8. а='зъ о<у>='бw крести'хъ вы` водо'ю: то'й же кр\сти'тъ
вы` дх~омъ ст~ы'мъ.
9. (За\ч 2.) И= бы'сть во <о>='нjьхъ дне'хъ, прiи'де
i=и~съ w\т назаре'та галiле'йскагw и= кр\сти'ся w\т
i=wа'нна во i=<о>рда'нjь.
10. И= а='бiе восходя` w\т воды`, ви'дjь разводя^щася
небеса` и= дх~а jа='кw го'лубя, сходя'ща на'нь.
11. И= гла'съ бы'сть съ небесе`: ты` <е>=си` сн~ъ мо'й
возлю'бленный, w= не'мже бл~говоли'хъ.
12. И= а='бiе дх~ъ и=зведе` <е>=го` въ пусты'ню.
13. И= бjь` ту` въ пусты'ни днi'й четы'редесять, и=скуша'емь
сатано'ю, и= бjь` со sвjьрьми`: и= а='гг~ли служа'ху
<е>=му`.
14. По преда'нiи же i=wа'нновjь, прiи'де i=и~съ въ
галiле'ю, проповjь'дая <е>=v\глiе цр\ствiя бж~iя
15. и= гл~я, jа='кw и=спо'лнися вре'мя и= прибли'жися
цр\ствiе бж~iе: пока'йтеся и= вjь'руйте во <е>=v\глiе.
16. (За\ч 3.) Ходя' же при мо'ри галiле'йстjьмъ, ви'дjь
сi'мwна и= а=ндре'а бра'та (тогw`) сi'мwна, вмета^юща
мр<е>'жи въ мо'ре: бjь'ста бо ры^баря.
17. И= рече` и='ма i=и~съ: прiиди'та в\ъслjь'дъ мен<е>`,
и= сотворю` ва'съ бы'ти ловца^ человjь'кwмъ.
18. И= а='бiе w=ста^вльша мр<е>'жи своя^, по не'мъ
и=до'ста.
19. И= преше'дъ ма'лw w\тту'ду, о<у>=зрjь` i=а'кwва
зеведе'ова и= i=wа'нна бра'та <е>=гw`, и= та^ въ корабли`
стрw'яща мр<е>'жа:
20. и= а='бiе воззва` я=`. И= w=ста^вльша <о>=тца`
своего` зеведе'а въ корабли` съ на<е>'мники, по не'мъ
и=до'ста.
21. И= внидо'ша въ капернау'мъ: и= а='бiе въ суббw^ты
вше'дъ въ со'нмище, о<у>=ча'ше.
22. И= дивля'хуся w= о<у>=ч~нiи <е>=гw`: бjь' бо о<у>=чя`
и=`хъ jа='кw вла'сть и=мы'й, и= не jа='кw кни'жницы.
23. (За\ч 4.) И= бjь` въ со'нмищи и='хъ человjь'къ
въ ду'сjь нечи'стjь, и= воззва`,
24. глаго'ля: w=ста'ви, что` на'мъ и= тебjь`, i=и~се
назаряни'не; прише'лъ <е>=си` погуби'ти на'съ: вjь'мъ
тя`, кто` <е>=си`, ст~ы'й бж~iй.
25. И= запрети` <е>=му` i=и~съ, гл~я: о<у>=молчи` и=
и=зы'ди и=з\ъ негw`.
26. И= стрясе` <е>=го` ду'хъ нечи'стый, и= возопи`
гла'сомъ вели'кимъ, и= и=зы'де и=з\ъ негw`.
27. И= о<у>=жасо'шася вси`, jа='коже стяза'тися и=`мъ
къ себjь`, глаго'лющымъ: что` <е>='сть сiе`; (и=) что`
о<у>=ч~нiе но'вое сiе`, jа='кw по w='бласти и= духовw'мъ
нечи^стымъ вели'тъ, и= послу'шаютъ <е>=гw`;
28. И=зы'де же слу'хъ <е>=гw` а='бiе во всю` страну`
галiле'йску.
29. (За\ч 5.) И= а='бiе и=з\ъ со'нмища и=зше'дше, прiидо'ша
въ до'мъ сi'мwновъ и= а=ндре'овъ со i=а'кwвомъ и= i=wа'нномъ.
30. Те'ща же сi'мwнова лежа'ше <о>=гне'мъ жего'ма:
и= а='бiе глаго'лаша <е>=му` w= не'й.
31. И= присту'пль воздви'же ю=`, <е>='мь за ру'ку <е>=я`:
и= w=ста'ви ю=` <о>='гнь а='бiе, и= служа'ше и=`мъ.
32. По'здjь же бы'вшу, <е>=гда` захожда'ше со'лнце,
приноша'ху къ нему` вся^ неду^жныя и= бjьсны^я.
33. И= бjь` ве'сь гра'дъ собра'лся къ две'ремъ.
34. И= и=сцjьли` мнw'ги sлjь` стра'ждущыя разли'чными
неду^ги: и= бjь'сы мнw'ги и=згна`, и= не w=ставля'ше
глаго'лати бjь'сы, jа='кw вjь'дяху <е>=го` хр\ста`
су'ща.
35. (За\ч 6.) И= о<у>='трw, но'щи су'щей sjьлw`, воста'въ
и=зы'де, и= и='де въ пу'сто мjь'сто, и= ту` мл~тву
дjь'яше.
36. И= гна'ша <е>=го` сi'мwнъ и= и=`же съ ни'мъ:
37. и= w=брjь'тше <е>=го`, глаго'лаша <е>=му`, jа='кw
вси` тебе` и='щутъ.
38. И= гл~а и=`мъ: и='демъ въ бли^жнiя в<е>'си и= гра'ды,
да и= та'мw проповjь'мъ: на сiе' бо и=зыдо'хъ.
39. И= бjь` проповjь'дая на со'нмищихъ и='хъ, во все'й
галiле'и, и= бjь'сы и=згоня`.
40. И= прiи'де къ нему` прокаже'нъ, моля` <е>=го` и=
на колjь^ну припа'дая пред\ъ ни'мъ, и= глаго'ля <е>=му`,
jа='кw, а='ще хо'щеши, мо'жеши мя` w=ч\стити.
41. I=и~съ же мл\срдовавъ, просте'ръ ру'ку, косну'ся
<е>=гw`, и= гл~а <е>=му`: хощу`, w=чи'стися.
42. И= ре'кшу <е>=му`, а='бiе w\ти'де w\т негw` прокаже'нiе,
и= чи'стъ бы'сть.
43. И= запре'щь <е>=му`, а='бiе и=згна` <е>=го`:
44. и= гл~а <е>=му`: блюди`, никому'же ничесw'же рцы`:
но ше'дъ покажи'ся i=ере'еви и= принеси` за w=чище'нiе
твое`, jа=`же повелjь` мwv"се'й, во свидjь'тельство
и=`мъ.
45. <О>='нъ же и=зше'дъ нача'тъ проповjь'дати мно'гw
и= проноси'ти сло'во, jа='коже ктому` не мощи` <е>=му`
jа='вjь во гра'дъ вни'ти: но внjь` въ пусты'хъ мjь'стjьхъ
бjь`. И= прихожда'ху къ нему` w\твсю'ду.
Глава` 2. Зача'ло 7.
И= вни'де па'ки въ капернау'мъ по дне'хъ: и= слы'шано
бы'сть, jа='кw въ дому` <е>='сть.
2. И= а='бiе собра'шася мно'зи, jа='коже ктому` не
вмjьща'тися ни при две'рехъ: и= гл~аше и=`мъ сло'во.
3. И= прiидо'ша къ нему` нося'ще разсла'бленна (жи'лами),
носи'ма четы'рьми:
4. и= не могу'щымъ прибли'житися къ нему` наро'да ра'ди,
w\ткры'ша покро'въ, и=дjь'же бjь`, и= прокопа'вше свjь'сиша
<о>='дръ, на не'мже разсла'бленный лежа'ше.
5. Ви'дjьвъ же i=и~съ вjь'ру и='хъ, гл~а разсла'бленному:
ча'до, w\тпуща'ются тебjь` грjьси` твои`.
6. Бя'ху же нjь'цыи w\т кни^жникъ ту` сjьдя'ще и= помышля'юще
въ сердца'хъ свои'хъ:
7. что` се'й та'кw гл~етъ хулы^; кто` мо'жетъ w=ставля'ти
грjьхи`, то'кмw <е>=ди'нъ бг~ъ;
8. И= а='бiе разумjь'въ i=и~съ дх~омъ свои'мъ, jа='кw
та'кw тi'и помышля'ютъ въ себjь`, рече` и=`мъ: что`
сiя^ помышля'ете въ сердца'хъ ва'шихъ;
9. что` <е>='сть о<у>=до'бjье; рещи` разсла'бленному:
w\тпуща'ются тебjь` грjьси`; и=ли` рещи`: воста'ни,
и= возми` <о>='дръ тво'й, и= ходи`;
10. но да о<у>=вjь'сте, jа='кw вла'сть и='мать сн~ъ
чл~вjь'ческiй на земли` w\тпуща'ти грjьхи`: гл~а разсла'бленному:
11. тебjь` гл~ю: воста'ни, и= возми` <о>='дръ тво'й,
и= и=ди` въ до'мъ тво'й.
12. И= воста` а='бiе, и= взе'мъ <о>='дръ, и=зы'де пред\ъ
всjь'ми: jа='кw диви'тися всjь^мъ и= сла'вити бг~а,
глаго'лющымъ, jа='кw николи'же та'кw ви'дjьхомъ.
13. (За\ч 8.) И= и=зы'де па'ки къ мо'рю: и= ве'сь наро'дъ
и=дя'ше къ нему`, и= о<у>=ча'ше и=`хъ.
14. И= мимогряды'й ви'дjь леvi'ю а=лфе'ова, сjьдя'ща
на мы'тницjь, и= гл~а <е>=му`: по мнjь` гряди`. И=
воста'въ в\ъслjь'дъ <е>=гw` и='де.
15. И= бы'сть возлежа'щу <е>=му` въ дому` <е>=гw`,
и= мно'зи мытари^ и= грjь^шницы возлежа'ху со i=и~сомъ
и= со о<у>=чн~ки^ <е>=гw`: бя'ху бо мно'зи, и= по не'мъ
и=до'ша.
16. И= кни'жницы и= фарiсе'<е>, ви'дjьвше <е>=го` jа=ду'ща
съ мытари^ и= грjь^шники, глаго'лаху о<у>=чн~кw'мъ
<е>=гw`: что` jа='кw съ мытари^ и= грjь^шники jа='стъ
и= пiе'тъ;
17. И= слы'шавъ i=и~съ гл~а и=`мъ: не тре'буютъ здра^вiи
врача`, но боля'щiи: не прiидо'хъ призва'ти прв\дники,
но грjь'шники на покая'нiе.
18. (За\ч 9.) И= бя'ху о<у>=ченицы` i=wа'ннwвы и= фарiсе'йстiи
постя'щеся. И= прiидо'ша и= глаго'лаша <е>=му`: почто`
о<у>=ченицы` i=wа'ннwвы и= фарiсе'йстiи постя'тся,
а= твои` о<у>=чн~цы` не постя'тся;
19. И= рече` и=`мъ i=и~съ: <е>=да` мо'гутъ сы'нове
бра'чнiи, до'ндеже жени'хъ съ ни'ми <е>='сть, пости'тися;
<е>=ли'ко вре'мя съ собо'ю и='мутъ жениха`, не мо'гутъ
пости'тися:
20. прiи'дутъ же днi'е, <е>=гда` w\ти'мется w\т ни'хъ
жени'хъ, и= тогда` постя'тся въ ты^я дни^:
21. и= никто'же приложе'нiя пла'та небjь'лена пришива'етъ
къ ри'зjь ве'тсjь: а='ще ли же ни`, во'зметъ коне'цъ
<е>=гw` но'вое w\т ве'тхагw {w\тто'ргнетъ приставле'нiе
<е>=гw` но'вое (нjь'что) w\т ве'тхагw}, и= го'рша дира`
бу'детъ:
22. и= никто'же влива'етъ вiна` но'ва въ мjь'хи в<е>'тхи:
а='ще ли же ни`, просади'тъ вiно` но'вое мjь'хи, и=
вiно` пролiе'тся, и= мjь'си поги'бнутъ: но вiно` но'вое
въ мjь'хи нw'вы влiя'ти {подоба'етъ}.
23. (За\ч 10.) И= бы'сть мимоходи'ти <е>=му` въ суббw^ты
сквозjь` сjь^янiя, и= нача'ша о<у>=чн~цы` <е>=гw` пу'ть
твори'ти, востерза'юще кла'сы.
24. И= фарiсе'<е> глаго'лаху <е>=му`: ви'ждь, что`
творя'тъ въ суббw^ты, <е>=гw'же не досто'итъ;
25. И= то'й гл~аше и=`мъ: нjь'сте ли николи'же чли`,
что` сотвори` дв~дъ, <е>=гда` тре'бованiе и=мjь` и=
взалка` са'мъ и= и=`же съ ни'мъ;
26. ка'кw вни'де въ до'мъ бж~iй при а=вiаfа'рjь а=рхiере'и,
и= хлjь'бы предложе'нiя снjьде`, и='хже не досто'яше
jа='сти то'кмw i=ере'<е>мъ, и= даде` и= су'щымъ съ
ни'мъ;
27. И= гл~аше и=`мъ: суббw'та человjь'ка ра'ди бы'сть,
а= не человjь'къ суббw'ты ра'ди:
28. тjь'мже госпо'дь <е>='сть сн~ъ чл~вjь'ческiй и=
суббw'тjь.
Глава` 3.
И= вни'де па'ки въ со'нмище: и= бjь` та'мw человjь'къ,
су'ху и=мы'й ру'ку.
2. И= назира'ху <е>=го`, а='ще въ суббw^ты и=сцjьли'тъ
<е>=го`, да на'нь возглаго'лютъ.
3. И= гл~а человjь'ку су'ху и=му'щему ру'ку: ста'ни
посредjь`.
4. И= гл~а и=`мъ: досто'итъ ли въ суббw^ты добро` твори'ти,
и=ли` sло` твори'ти; ду'шу спасти`, и=ли` погуби'ти;
<О>=ни' же молча'ху.
5. И= воззрjь'въ на ни'хъ со гнjь'вомъ, скорбя` w=
w=камене'нiи серде'цъ и='хъ, гл~а человjь'ку: простри`
ру'ку твою`. И= простре`: и= о<у>=тверди'ся рука` <е>=гw`
цjьла` jа='кw друга'я.
6. (За\ч 11.) И= и=зше'дше фарiсе'<е>, а='бiе со и=рwдiа^ны
совjь'тъ творя'ху на'нь, ка'кw <е>=го` погубя'тъ.
7. I=и~съ же w\ти'де со о<у>=чн~ки^ свои'ми къ мо'рю:
и= мно'гъ наро'дъ w\т галiле'и по не'мъ и='де, и= w\т
i=уде'и,
8. и= w\т i=ер\сли'ма, и= w\т i=думе'и, и= со <о>='нагw
по'лу i=<о>рда'на. И= w\т тv'ра и= сiдw'на мно'жество
мно'гое, слы'шавше, <е>=ли^ка творя'ше, (и=) прiидо'ша
къ нему`.
9. И= рече` о<у>=чн~кw'мъ свои^мъ, да кора'бль бу'детъ
о<у>= негw` наро'да ра'ди, да не стужа'ютъ <е>=му`.
10. Мнw'ги бо и=сцjьли`, jа='коже напа'дати на него`,
да <е>=му` прико'снутся, <е>=ли'цы и=мjь'яху ра^ны.
11. И= ду'си нечи'стiи, <е>=гда` ви'дяху <е>=го`, припа'даху
къ нему` и= зва'ху, глаго'люще, jа='кw ты` <е>=си`
сн~ъ бж~iй.
12. И= мно'гw преща'ше и=`мъ, да не jа=вле'на <е>=го`
сотворя'тъ.
13. (За\ч 12.) И= взы'де на гору` и= призва`, и=`хже
хотя'ше са'мъ: и= прiидо'ша къ нему`.
14. И= сотвори` двана'десяте, да бу'дутъ съ ни'мъ,
и= да посыла'етъ и=`хъ проповjь'дати,
15. и= и=мjь'ти вла'сть цjьли'ти неду'ги и= и=згони'ти
бjь'сы:
16. и= нарече` сi'мwну и='мя пе'тръ:
17. и= i=а'кwва зеведе'ова и= i=wа'нна бра'та i=а'кwвля:
и= нарече` и='ма и=мена` воанерге'съ, <е>='же <е>='сть
сы^на гро'мwва:
18. и= а=ндре'а, и= фiлi'ппа, и= варfоломе'а, и= матfе'а,
и= fwму`, и= i=а'кwва а=лфе'ова, и= fадде'а, и= сi'мwна
кананi'та,
19. и= i=у'ду i=скарiw'тскаго, и='же и= предаде` <е>=го`.
20. (За\ч 13.) И= прiидо'ша въ до'мъ: и= собра'ся па'ки
наро'дъ, jа='кw не мощи` и=`мъ ни хлjь'ба jа='сти.
21. И= слы'шавше и=`же бя'ху о<у>= негw`, и=зыдо'ша,
да и='мутъ <е>=го`: глаго'лаху бо, jа='кw неи'стовъ
<е>='сть.
22. И= кни'жницы, и=`же w\т i=ер\сли'ма низше'дшiи,
глаго'лаху, jа='кw веельзеву'ла и='мать и= jа='кw w=
кня'зи бjьсо'встjьмъ и=зго'нитъ бjь'сы.
23. И= призва'въ и=`хъ, въ при'тчахъ гл~аше и=`мъ:
ка'кw мо'жетъ сатана` сатану` и=згони'ти;
24. И= а='ще ца'рство на ся` раздjьли'тся, не мо'жетъ
ста'ти ца'рство то`:
25. и= а='ще до'мъ на ся` раздjьли'тся, не мо'жетъ
ста'ти до'мъ то'й:
26. и= а='ще сатана` воста` на ся` са'мъ и= раздjьли'ся,
не мо'жетъ ста'ти, но коне'цъ и='мать.
27. Никто'же мо'жетъ сосу'ды крjь'пкагw, вше'дъ въ
до'мъ <е>=гw`, расхи'тити, а='ще не пе'рвjье крjь'пкаго
свя'жетъ: и= тогда` до'мъ <е>=гw` расхи'титъ.
28. (За\ч 14.) А=ми'нь гл~ю ва'мъ, jа='кw вся^ w\тпу'стятся
согрjьш<е>'нiя сынw'мъ человjь'ч<е>скимъ, и= хул<е>'нiя,
<е>=ли^ка а='ще восху'лятъ:
29. а= и='же восху'литъ на дх~а ст~а'го, не и='мать
w\тпуще'нiя во вjь'ки, но пови'ненъ <е>='сть вjь'чному
суду`.
30. Зане` глаго'лаху: ду'ха нечи'стаго и='мать.
31. Прiидо'ша о<у>='бw мт~и и= бра'тiя <е>=гw`, и=
внjь` стоя'ще посла'ша къ нему`, зову'ще <е>=го`.
32. И= сjьдя'ше наро'дъ w='крестъ <е>=гw`. Рjь'ша же
<е>=му`: се`, мт~и твоя` и= бра'тiя твоя^ (и= с<е>стры`
твоя^) внjь` и='щутъ тебе`.
33. И= w\твjьща` и=`мъ, гл~я: кто` <е>='сть мт~и моя`,
и=ли` бра'тiя моя^;
34. И= согля'давъ w='крестъ себ<е>` сjьдя'щыя, гл~а:
се`, мт~и моя` и= бра'тiя моя^:
35. и='же бо а='ще сотвори'тъ во'лю бж~iю, се'й бра'тъ
мо'й и= сестра` моя` и= мт~и (ми`) <е>='сть.
Глава` 4. Зача'ло 15.
И= па'ки нача'тъ о<у>=чи'ти при мо'ри: и= собра'ся
къ нему` наро'дъ мно'гъ, jа='коже самому` влjь'зшу
въ кора'бль, сjьдjь'ти въ мо'ри: и= ве'сь наро'дъ при
мо'ри на земли` бя'ше.
2. И= о<у>=ча'ше и=`хъ при'тчами мно'гw и= гл~аше и=`мъ
во о<у>=ч~нiи свое'мъ:
3. слы'шите: се`, и=зы'де сjь'яй сjь'яти:
4. и= бы'сть <е>=гда` сjь'яше, <о>='во паде` при пути`,
и= прiидо'ша пти^цы, и= позоба'ша <е>=`:
5. друго'е же паде` при ка'мени, и=дjь'же не и=мя'ше
земли` мно'ги, и= а='бiе прозябе`, зане` не и=мя'ше
глубины` земны'я:
6. со'лнцу же возсiя'вшу присвя'де, и= зане` не и=мя'ше
ко'рене, и='зсше:
7. и= друго'е паде` въ те'рнiи, и= взы'де те'рнiе,
и= подави` <е>=`: и= плода` не даде`:
8. и= друго'е паде` на земли` до'брjьй, и= дая'ше пло'дъ
восходя'щь и= расту'щь, и= припло'доваше на три'десять,
и= на шестьдеся'тъ, и= на сто`.
9. И= гл~аше: и=мjь'яй о<у>='шы слы'шати да слы'шитъ.
10. (За\ч 16.) <Е>=гда' же бы'сть <е>=ди'нъ, вопроси'ша
<е>=го`, и=`же бя'ху съ ни'мъ, со <о>=бjьмана'десяте
w= при'тчи.
11. И= гл~аше и=`мъ: ва'мъ <е>='сть дано` вjь'дати
та^йны цр\ствiя бж~iя: w='нjьмъ же внjь^шнимъ въ при'тчахъ
вся^ быва'ютъ,
12. да ви'дяще ви'дятъ, и= не о<у>='зрятъ: и= слы'шаще
слы'шатъ, и= не разумjь'ютъ: да не когда` w=братя'тся,
и= w=ста'вятся и=`мъ грjьси`.
13. И= гл~а и=`мъ: не вjь'сте ли при'тчи сея`; и= ка'кw
вся^ при^тчи о<у>=разумjь'ете;
14. Сjь'яй, сло'во сjь'етъ.
15. Сi'и же су'ть, и=`же при пути`, и=дjь'же сjь'ется
сло'во, и= <е>=гда` о<у>=слы'шатъ, а='бiе прихо'дитъ
сатана` и= w\те'млетъ сло'во сjь'янное въ сердца'хъ
и='хъ.
16. И= сi'и су'ть та'кожде и=`же на ка'менныхъ сjь'емiи,
и=`же <е>=гда` о<у>=слы'шатъ сло'во, а='бiе съ ра'достiю
прiе'млютъ <е>=`:
17. и= не и='мутъ коре'нiя въ себjь`, но привре'менни
су'ть: та'же бы'вшей печа'ли и=ли` гоне'нiю словесе`
ра'ди, а='бiе соблажня'ются.
18. А= сi'и су'ть, и=`же въ те'рнiи сjь'емiи, слы'шащiи
сло'во:
19. и= печа^ли вjь'ка сегw`, и= ле'сть бога'тства,
и= w= про'чихъ по'хwти входя'щыя подавля'ютъ сло'во,
и= безпло'дно быва'етъ.
20. И= сi'и су'ть, и=`же на земли` до'брjьй сjь'яннiи,
и=`же слы'шатъ сло'во и= прiе'млютъ, и= пло'дствуютъ
на три'десять, и= на шестьдеся'тъ, и= на сто`.
21. И= гл~аше и=`мъ: <е>=да` свjьти'льникъ прихо'дитъ
{вжига'ютъ}, да под\ъ спу'домъ положа'тъ <е>=го` и=ли`
под\ъ <о>=дро'мъ; не да ли на свjь'щницjь положе'нъ
бу'детъ;
22. нjь'сть бо та'йно, <е>='же не jа=ви'тся, ниже`
бы'сть потае'но, но да прiи'детъ въ jа=вле'нiе:
23. а='ще кто` и='мать о<у>='шы слы'шати, да слы'шитъ.
24. (За\ч 17.) И= гл~аше и=`мъ: блюди'те что` слы'шите:
въ ню'же мjь'ру мjь'рите, возмjь'рится ва'мъ, и= приложи'тся
ва'мъ слы'шащымъ:
25. и='же бо а='ще и='мать, да'стся <е>=му`: а= и='же
не и='мать, и= <е>='же и='мать, w\ти'мется w\т негw`.
26. И= гл~аше: та'кw <е>='сть (и=) цр\ствiе бж~iе,
jа='коже человjь'къ вмета'етъ сjь'мя въ зе'млю,
27. и= спи'тъ, и= востае'тъ но'щiю и= днi'ю: и= сjь'мя
прозяба'етъ и= расте'тъ, jа='коже не вjь'сть <о>='нъ:
28. w\т себ<е>' бо земля` плоди'тъ пре'жде траву`,
пото'мъ кла'съ, та'же и=сполня'етъ пшени'цу въ кла'сjь:
29. <е>=гда' же созрjь'етъ пло'дъ, а='бiе по'слетъ
се'рпъ, jа='кw наста` жа'тва.
30. И= гл~аше: чесому` о<у>=подо'бимъ цр\ствiе бж~iе;
и=ли` ко'ей при'тчи приложи'мъ <е>=`;
31. jа='кw зе'рно гору'шично, <е>='же <е>=гда` всjь'яно
бу'детъ въ земли`, мнjь'е всjь'хъ сjь'менъ <е>='сть
земны'хъ:
32. и= <е>=гда` всjь'яно бу'детъ, возраста'етъ, и=
быва'етъ бо'лjье всjь'хъ sе'лiй, и= твори'тъ вjь^тви
в<е>'лiя, jа='кw мощи` под\ъ сjь'нiю <е>=гw` пти'цамъ
неб<е>'снымъ вита'ти.
33. И= таковы'ми при'тчами мно'гими гл~аше и=`мъ сло'во,
jа='коже можа'ху слы'шати.
34. Без\ъ при'тчи же не гл~аше и=`мъ словесе`: w=со'бь
же о<у>=чн~кw'мъ свои^мъ сказа'ше вся^.
35. (За\ч 18.) И= гл~а и=`мъ въ то'й де'нь, ве'черу
бы'вшу: пре'йдемъ на w='нъ по'лъ.
36. И= w\тпу'щше наро'ды, поя'ша <е>=го` jа='коже бjь`
въ корабли`: и= и=нi'и же корабли^ бя'ху съ ни'мъ.
37. И= бы'сть бу'ря вjь'трена вели'ка: вw'лны же влива'хуся
въ кора'бль, jа='кw о<у>=же` погружа'тися <е>=му`.
38. И= бjь` са'мъ на кормjь` на возгла'вницjь спя`.
И= возбуди'ша <е>=го` и= глаго'лаша <е>=му`: о<у>=чт~лю,
не ради'ши ли, jа='кw погиба'емъ;
39. И= воста'въ запрети` вjь'тру и= рече` мо'рю: молчи`,
преста'ни. И= о<у>=ле'же вjь'тръ, и= бы'сть тишина`
ве'лiя.
40. И= рече` и=`мъ: что` та'кw страшли'ви <е>=сте`;
ка'кw не и='мате вjь'ры;
41. И= о<у>=боя'шася стра'хомъ ве'лiимъ и= глаго'лаху
дру'гъ ко дру'гу: кто` о<у>=`бо се'й <е>='сть, jа='кw
и= вjь'тръ и= мо'ре послу'шаютъ <е>=гw`;
Глава` 5. Зача'ло 19.
И= прiидо'ша на w='нъ по'лъ мо'ря, во страну` гадари'нскую.
2. И= и=злjь'зшу <е>=му` и=з\ъ корабля`, а='бiе срjь'те
<е>=го` w\т гробw'въ человjь'къ въ ду'сjь нечи'стjь,
3. и='же жили'ще и=мя'ше во гробjь'хъ, и= ни вери'гами
никто'же можа'ше <е>=го` связа'ти:
4. зане` <е>=му` мно'гажды пу^ты и= о<у>='жы (желjь^зны)
свя'зану су'щу, и= растерза'тися w\т негw` о<у>='ж<е>мъ
(желjь^знымъ) и= пу'тwмъ сокруша'тися: и= никто'же
можа'ше <е>=го` о<у>=му'чити {о<у>=кроти'ти}:
5. и= вы'ну но'щь и= де'нь во гробjь'хъ и= въ гора'хъ
бjь`, вопiя` и= толкi'йся ка'менiемъ.
6. О<у>=зрjь'въ же i=и~са и=здале'ча, тече` и= поклони'ся
<е>=му`,
7. и= возопи'въ гла'сомъ ве'лiимъ, рече`: что` мнjь`
и= тебjь`, i=и~се, сн~е бг~а вы'шнягw; заклина'ю тя`
бг~омъ, не му'чи мен<е>`.
8. Гл~аше бо <е>=му`: и=зы'ди, ду'ше нечи'стый, w\т
человjь'ка.
9. И= вопроша'ше <е>=го`: что' ти <е>='сть и='мя; И=
w\твjьща` глаго'ля: легеw'нъ и='мя мнjь`, jа='кw мно'зи
<е>=смы`.
10. И= моли'ша <е>=го` мно'гw, да не по'слетъ и=`хъ
внjь` страны`.
11. Бjь' же ту` при горjь` ста'до свино'е ве'лiе пасо'мо.
12. И= моли'ша <е>=го` вси` бjь'си, глаго'люще: посли'
ны во свинiя^, да въ ня` вни'демъ.
13. И= повелjь` и=`мъ а='бiе i=и~съ. И= и=зше'дше ду'си
нечи'стiи, внидо'ша во свинiя^: и= о<у>=стреми'ся ста'до
по бре'гу въ мо'ре, бя'ху же jа='кw двjь` ты'сящы,
и= о<у>=топа'ху въ мо'ри.
14. Пасу'щiи же свинiя^ бjьжа'ша и= возвjьсти'ша во
гра'дjь и= въ се'лjьхъ. И= и=зыдо'ша ви'дjьти, что`
<е>='сть бы'вшее.
15. И= прiидо'ша ко i=и~сови, и= ви'дjьша бjьснова'вшагося
сjьдя'ща и= w=болче'на и= смы'сляща, и=мjь'вшаго легеw'нъ:
и= о<у>=боя'шася.
16. Повjь'даша же и=`мъ ви'дjьвшiи, ка'кw бы'сть бjьсно'му,
и= w= свинiя'хъ.
17. И= нача'ша моли'ти <е>=го` w\тити` w\т предjь^лъ
и='хъ.
18. И= влjь'зшу <е>=му` въ кора'бль, моля'ше <е>=го`
бjьснова'выйся, дабы` бы'лъ съ ни'мъ.
19. I=и~съ же не даде` <е>=му`, но рече` <е>=му`: и=ди`
въ до'мъ тво'й ко твои^мъ и= возвjьсти` и=`мъ, <е>=ли^ка
ти` гд\сь сотвори` и= поми'лова тя`.
20. И= и='де и= нача` проповjь'дати въ десяти` градjь'хъ,
<е>=ли^ка сотвори` <е>=му` i=и~съ. И= вси` дивля'хуся.
21. (За\ч 20.) И= преше'дшу i=и~су въ корабли` па'ки
на w='нъ по'лъ, собра'ся наро'дъ мно'гъ w= не'мъ {къ
нему`}. И= бjь` при мо'ри.
22. И= се`, прiи'де <е>=ди'нъ w\т а=рхiсv"нагw^гъ,
и='менемъ i=аi'ръ, и= ви'дjьвъ <е>=го`, паде` при ногу`
<е>=гw`
23. и= моля'ше <е>=го` мно'гw, глаго'ля, jа='кw дщи`
моя` на кончи'нjь <е>='сть: да прише'дъ возложи'ши
на ню` ру'цjь, jа='кw да спасе'тся и= жива` бу'детъ.
24. И= и='де съ ни'мъ: (За\ч 21.) и= по не'мъ и=дя'ху
наро'ди мно'зи и= о<у>=гнета'ху <е>=го`.
25. И= жена` нjь'кая су'щи въ точе'нiи кро'ве лjь'тъ
двана'десяте,
26. и= мно'гw пострада'вши w\т мнw'гъ врач<е>'въ, и=
и=зда'вши своя^ вся^, и= ни <е>=ди'ныя по'льзы w=брjь'тши,
но па'че въ го'ршее прише'дши:
27. слы'шавши w= i=и~сjь, прише'дши въ наро'дjь созади`,
прикосну'ся ри'зjь <е>=гw`:
28. глаго'лаше бо, jа='кw, а='ще прикосну'ся ри'замъ
<е>=гw`, спасе'на бу'ду.
29. И= а='бiе и=зся'кну и=сто'чникъ кро'ве <е>=я`:
и= разумjь` {w=щути`} тjь'ломъ, jа='кw и=сцjьлjь` w\т
ра'ны.
30. И= а='бiе i=и~съ разумjь` въ себjь` си'лу и=зше'дшую
w\т негw`, (и=) w=бра'щься въ наро'дjь, гл~аше: кто`
прикосну'ся ри'замъ мои^мъ;
31. И= глаго'лаху <е>=му` о<у>=чн~цы` <е>=гw`: ви'диши
наро'дъ о<у>=гнета'ющь тя`, и= гл~еши: кто` прикосну'ся
мнjь`;
32. И= w=бгля'даше ви'дjьти сотво'ршую сiе`.
33. Жена' же о<у>=боя'вшися и= трепе'щущи, вjь'дящи,
<е>='же бы'сть <е>='й, прiи'де и= припаде` къ нему`
и= рече` <е>=му` всю` и='стину.
34. <О>='нъ же рече` <е>='й: дщи`, вjь'ра твоя` спасе'
тя: и=ди` въ ми'рjь и= бу'ди цjьла` w\т ра'ны твоея`.
35. <Е>=ще` <е>=му` гл~ющу, (и=) прiидо'ша w\т а=рхiсv"нагw'га,
глаго'люще, jа='кw дщи` твоя` о<у>='мре: что` <е>=ще`
дви'жеши о<у>=чт~ля;
36. I=и~съ же а='бiе слы'шавъ сло'во глаго'лемое, гл~а
а=рхiсv"нагw'гови: не бо'йся, то'кмw вjь'руй.
37. И= не w=ста'ви по себjь` ни <е>=ди'наго и=ти`,
то'кмw петра` и= i=а'кwва и= i=wа'нна бра'та i=а'кwвля.
38. И= прiи'де въ до'мъ а=рхiсv"нагw'говъ и= ви'дjь
молву`, пла'чущыяся и= крича'щыя мно'гw.
39. И= вше'дъ гл~а и=`мъ: что` мо'лвите и= пла'четеся;
<о>=трокови'ца нjь'сть о<у>=мерла`, но спи'тъ.
40. И= руга'хуся <е>=му`. <О>='нъ же и=згна'въ вся^,
поя'тъ <о>=тца` <о>=трокови'цы и= ма'терь, и= и=`же
(бjь'ху) съ ни'мъ, и= вни'де, и=дjь'же бjь` <о>=трокови'ца
лежа'щи.
41. И= <е>='мь за ру'ку <о>=трокови'цу, гл~а <е>='й:
талifа` ку'мi: <е>='же <е>='сть сказа'емо: дjьви'це,
тебjь` гл~ю, воста'ни.
42. И= а='бiе воста` дjьви'ца и= хожда'ше: бjь' бо
лjь'тъ двоюна'десяте. И= о<у>=жасо'шася о<у>='жасомъ
ве'лiимъ.
43. И= запрети` и=`мъ мно'гw, да никто'же о<у>=вjь'сть
сегw`, и= рече`: дади'те <е>='й jа='сти.
Глава` 6. Зача'ло 22.
И= и=зы'де w\тту'ду и= прiи'де во <о>=те'чествiе свое`:
и= по не'мъ и=до'ша о<у>=чн~цы` <е>=гw`.
2. И= бы'вшей суббw'тjь, нача'тъ на со'нмищи о<у>=чи'ти.
И= мно'зи слы'шащiи дивля'хуся, глаго'люще: w\тку'ду
сему` сiя^; и= что` прем\дрость да'нная <е>=му`, и=
си^лы таковы^ рука'ма <е>=гw` быва'ютъ;
3. не се'й ли <е>='сть тектw'нъ, сн~ъ мр~i'инъ, бра'тъ
же i=а'кwву и= i=wсi'и и= i=у'дjь и= сi'мwну; и= не
с<е>стры' ли <е>=гw` здjь` (су'ть) въ на'съ; И= блажня'хуся
w= не'мъ.
4. Гл~аше же и=`мъ i=и~съ, jа='кw нjь'сть пр\оро'къ
без\ъ че'сти, то'кмw во <о>=те'чествiи свое'мъ, и=
въ сро'дствjь и= въ дому` свое'мъ.
5. И= не можа'ше ту` ни <е>=ди'ныя си'лы сотвори'ти,
то'кмw ма'лw неду'жныхъ, возло'жь ру'цjь, и=сцjьли`.
6. И= дивля'шеся за невjь'рствiе и='хъ: и= w=бхожда'ше
в<е>'си w='крестъ о<у>=чя`.
7. (За\ч 23.) И= призва` <о>=бана'десяте, и= нача'тъ
и=`хъ посыла'ти два` два`, и= дая'ше и=`мъ вла'сть
над\ъ ду^хи нечи'стыми.
8. И= заповjь'да и=`мъ, да ничесw'же во'змутъ на пу'ть,
то'кмw же'злъ <е>=ди'нъ: ни пи'ры, ни хлjь'ба, ни при
по'ясjь мjь'ди:
9. но w=буве'ни въ санда^лiя: и= не w=блачи'тися въ
двjь` ри^зjь.
10. И= гл~аше и=`мъ: и=дjь'же а='ще вни'дете въ до'мъ,
ту` пребыва'йте, до'ндеже и=зы'дете w\тту'ду:
11. и= <е>=ли'цы а='ще не прiи'мутъ вы`, ниже` послу'шаютъ
ва'съ, и=сходя'ще w\тту'ду, w\ттряси'те пра'хъ, и='же
под\ъ нога'ми ва'шими, во свидjь'тельство и=`мъ: а=ми'нь
гл~ю ва'мъ, w\тра'днjье бу'детъ содо'мwмъ и= гомо'ррwмъ
въ де'нь су'дный, не'же гра'ду тому`.
12. И= и=зше'дше проповjь'даху, да пока'ются:
13. и= бjь'сы мнw'ги и=згоня'ху: и= ма'заху ма'сломъ
мнw'ги неду^жныя, и= и=сцjьлjьва'ху.
14. (За\ч 24.) И= о<у>=слы'ша ца'рь и='рwдъ: jа='вjь
бо бы'сть и='мя <е>=гw`: и= глаго'лаше, jа='кw i=wа'ннъ
кр\сти'тель w\т ме'ртвыхъ воста`, и= сегw` ра'ди си^лы
дjь'ются w= не'мъ.
15. И=нi'и глаго'лаху, jа='кw и=лiа` <е>='сть: и=нi'и
же глаго'лаху, jа='кw пр\оро'къ <е>='сть, и=ли` jа='кw
<е>=ди'нъ w\т пр\орw'къ.
16. Слы'шавъ же и='рwдъ рече`, jа='кw, <е>=го'же а='зъ
о<у>=сjь'кнухъ i=wа'нна, то'й <е>='сть: то'й воста`
w\т ме'ртвыхъ.
17. То'й бо и='рwдъ посла'въ, jа='тъ i=wа'нна и= связа`
<е>=го` въ темни'цjь, и=рwдiа'ды ра'ди жены` фiлi'ппа
бра'та своегw`, jа='кw w=жени'ся <е>='ю.
18. Глаго'лаше бо i=wа'ннъ и='рwдови: не досто'итъ
тебjь` и=мjь'ти жену` (фiлi'ппа) бра'та твоегw`.
19. И=рwдi'а же гнjь'вашеся на него` и= хотя'ше <е>=го`
о<у>=би'ти: и= не можа'ше.
20. И='рwдъ бо боя'шеся i=wа'нна, вjь'дый <е>=го` му'жа
прв\дна и= ст~а, и= соблюда'ше <е>=го`: и= послу'шавъ
<е>=гw`, мнw'га творя'ше, и= въ сла'дость <е>=гw` послу'шаше.
21. И= приклю'чшуся дню` потре'бну {о<у>=до'бну}, <е>=гда`
и='рwдъ рождеству` своему` ве'черю творя'ше княз<е>'мъ
свои^мъ и= ты'сящникwмъ и= старjь'йшинамъ галiл<е>'йскимъ:
22. и= вше'дши дще'рь тоя` и=рwдiа'ды, и= пляса'вши,
и= о<у>=го'ждши и='рwдови и= возлежа'щымъ съ ни'мъ,
рече` ца'рь дjьви'цjь: проси` о<у>= мен<е>` <е>=гw'же
а='ще хо'щеши, и= да'мъ ти`.
23. И= кля'тся <е>='й: jа='кw <е>=гw'же а='ще попро'сиши
о<у>= мен<е>`, да'мъ ти`, и= до по'лъ ца'рствiя моегw`.
24. <О>=на' же и=зше'дши рече` ма'тери свое'й: чесw`
прошу`; <О>=на' же рече`: главы` i=wа'нна кр\сти'теля.
25. И= вше'дши а='бiе со тща'нiемъ къ царю`, прося'ше,
глаго'лющи: хощу`, да ми` да'си w\т негw` {а='бiе}
на блю'дjь главу` i=wа'нна кр\сти'теля.
26. И= приско'рбенъ бы'въ ца'рь, кля'твы (же) ра'ди
и= за возлежа'щихъ съ ни'мъ не восхотjь` w\трещи` <е>='й.
27. И= а='бiе посла'въ ца'рь спекула'тwра, повелjь`
принести` главу` <е>=гw`.
28. <О>='нъ же ше'дъ о<у>=сjь'кну <е>=го` въ темни'цjь,
и= принесе` главу` <е>=гw` на блю'дjь, и= даде` ю=`
дjьви'цjь: и= дjьви'ца даде` ю=` ма'тери свое'й.
29. И= слы'шавше о<у>=ченицы` <е>=гw`, прiидо'ша и=
взя'ша тру'пъ <е>=гw`, и= положи'ша <е>=го` во гро'бjь.
30. (За\ч 25.) И= собра'шася а=п\сли ко i=и~су и= возвjьсти'ша
<е>=му` вся^, и= <е>=ли^ка сотвори'ша, и= <е>=ли^ка
научи'ша.
31. И= рече` и=`мъ: прiиди'те вы` са'ми въ пу'сто мjь'сто
<е>=ди'ни {w=со'бь} и= почi'йте ма'лw. Бя'ху бо приходя'щiи
и= w\тходя'щiи мно'зи, и= ни jа='сти и=`мъ бjь` когда`.
32. И= и=до'ша въ пу'сто мjь'сто корабле'мъ <е>=ди'ни.
33. И= ви'дjьша и=`хъ и=ду'щихъ наро'ди, и= позна'ша
и=`хъ мно'зи: и= пjь'ши w\т всjь'хъ градw'въ стица'хуся
та'мw, и= предвари'ша и=`хъ, и= снидо'шася къ нему`.
34. И= и=зше'дъ ви'дjь i=и~съ наро'дъ мно'гъ и= мл\срдова
w= ни'хъ, зане` бя'ху jа='кw <о>='вцы не и=му'щыя па'стыря:
и= нача'тъ и=`хъ о<у>=чи'ти мно'гw.
35. И= о<у>=же` часу` мно'гу бы'вшу, присту'пльше къ
нему` о<у>=чн~цы` <е>=гw`, глаго'лаша, jа='кw пу'сто
<е>='сть мjь'сто, и= о<у>=же` ча'съ мно'гъ:
36. w\тпусти` и=`хъ, да ше'дше во w=кре'стныхъ се'лjьхъ
и= ве'сехъ ку'пятъ себjь` хлjь'бы: не и='мутъ бо чесw`
jа='сти.
37. <О>='нъ же w\твjьща'въ рече` и=`мъ: дади'те и=`мъ
вы` jа='сти. И= глаго'лаша <е>=му`: да ше'дше ку'пимъ
двjьма` сто'ма пjь^нязь хлjь'бы и= да'мы и=`мъ jа='сти;
38. <О>='нъ же рече` и=`мъ: коли'кw хлjь'бы и='мате;
и=ди'те и= ви'дите. И= о<у>=вjь'дjьвше глаго'лаша:
пя'ть (хлjь^бъ), и= двjь` ры^бjь.
39. И= повелjь` и=`мъ посади'ти вся^ на спо'ды на спо'ды
{во w=кру'гъ} на травjь` зеленjь`.
40. И= возлего'ша на лjь'хи на лjь'хи {на ку'чы} по
сту` и= по пяти'десятъ.
41. И= прiе'мь пя'ть хлjь^бъ и= двjь` ры^бjь, воззрjь'въ
на не'бо, блг\сви` и= преломи` хлjь'бы, и= дая'ше о<у>=чн~кw'мъ
свои^мъ, да предлага'ютъ пред\ъ ни'ми: и= <о>='бjь
ры^бjь раздjьли` всjь^мъ.
42. И= jа=до'ша вси` и= насы'тишася:
43. и= взя'ша о<у>=кру'хи, двана'десяте ко'шя и=спо'лнь,
и= w\т ры^бу.
44. Бя'ше же jа='дшихъ хлjь'бы jа='кw пя'ть ты'сящъ
муже'й.
45. (За\ч 26.) И= а='бiе пону'ди о<у>=чн~ки` своя^
вни'ти въ кора'бль и= вари'ти {предвари'ти} <е>=го`
на w='нъ по'лъ къ виfсаi'дjь, до'ндеже са'мъ w\тпу'ститъ
наро'ды.
46. И= w\тре'кся и=`мъ {и= w\тпусти'въ я=`}, и='де
въ го'ру помоли'тися.
47. И= ве'черу бы'вшу, бjь` кора'бль посредjь` мо'ря,
и= са'мъ <е>=ди'нъ на земли`.
48. И= ви'дjь и=`хъ стра'ждущихъ въ пла'ванiи: бjь'
бо вjь'тръ проти'венъ и=`мъ: и= w= четве'ртjьй стра'жи
нощнjь'й прiи'де къ ни^мъ, по мо'рю ходя'й, и= хотя'ше
мину'ти и=`хъ.
49. <О>=ни' же ви'дjьвше <е>=го` ходя'ща по мо'рю,
мня'ху призра'къ бы'ти и= возопи'ша.
50. Вси' бо <е>=го` ви'дjьша и= смути'шася. И= а='бiе
гл~а съ ни'ми и= рече` и=`мъ: дерза'йте: а='зъ <е>='смь,
не бо'йтеся.
51. И= вни'де къ ни^мъ въ кора'бль: и= о<у>=ле'же вjь'тръ.
И= sjьлw` и='злиха въ себjь` о<у>=жаса'хуся и= дивля'хуся.
52. Не разумjь'ша бо w= хлjь'бjьхъ: бjь' бо се'рдце
и='хъ w=камене'но.
53. И= преше'дше прiидо'ша въ зе'млю геннисаре'тску
и= приста'ша.
54. (За\ч 27.) И= и=зше'дшымъ и=`мъ и=з\ъ корабля`,
а='бiе позна'ша <е>=го`,
55. w=бте'кше всю` страну` ту`, нача'ша на <о>=дрjь'хъ
приноси'ти боля'щыя, и=дjь'же слы'шаху, jа='кw ту`
<е>='сть.
56. И= а='може а='ще вхожда'ше въ в<е>'си, и=ли` во
гра'ды, и=ли` се'ла, на распу'тiихъ полага'ху неду^жныя
и= моля'ху <е>=го`, да поне` воскри'лiю ри'зы <е>=гw`
прико'снутся: и= <е>=ли'цы а='ще прикаса'хуся <е>=му`,
спаса'хуся.
Глава` 7.
И= собра'шася къ нему` фарiсе'<е> и= нjь'цыи w\т кни^жникъ,
прише'дшiи w\т i=ер\сли'ма:
2. и= ви'дjьвше нjь'кiихъ w\т о<у>=чн~къ <е>=гw` нечи'стыми
рука'ми, си'рjьчь неумове'ными, jа=ду'щихъ хлjь'бы,
руга'хуся.
3. Фарiсе'<е> бо и= вси` i=уде'<е>, а='ще не тры'юще
{до лакw'тъ} о<у>=мы'ютъ ру'къ, не jа=дя'тъ, держа'ще
преда^нiя ста'р<е>цъ:
4. и= w\т то'ржища, а='ще не поку'плются, не jа=дя'тъ.
И= и='на мнw'га су'ть, jа=`же прiя'ша держа'ти: погруж<е>'нiя
сткля'ницамъ и= чва'нwмъ и= котлw'мъ и= <о>=дрw'мъ.
5. (За\ч 28.) Пото'мъ же вопроша'ху <е>=го` фарiсе'<е>
и= кни'жницы: почто` о<у>=чн~цы` твои` не хо'дятъ по
преда'нiю ста'р<е>цъ, но неумове'ными рука'ми jа=дя'тъ
хлjь'бъ;
6. <О>='нъ же w\твjьща'въ рече` и=`мъ, jа='кw до'брjь
пр\оро'чествова и=са'iа w= ва'съ лицемjь'рjьхъ, jа='коже
<е>='сть пи'сано: сi'и лю'дiе о<у>=стна'ми мя` чту'тъ,
се'рдце же и='хъ дале'че w\тстои'тъ w\т мен<е>`,
7. всу'е же чту'тъ мя`, о<у>=ча'ще о<у>=че'нi<е>мъ,
за'повjьдемъ человjь'ч<е>скимъ:
8. w=ста'вльше бо за'повjьдь бж~iю, держите` преда^нiя
человjь'ч<е>ская, крещ<е>'нiя {w=мов<е>'нiя} чва'нwмъ
и= сткля'ницамъ, и= и='на подw'бна такова^ мнw'га творите`.
9. И= гл~аше и=`мъ: до'брjь w\тмета'ете за'повjьдь
бж~iю, да преда'нiе ва'ше соблюдете`:
10. мwv"се'й бо рече`: чти` <о>=тца` твоего` и= ма'терь
твою`: и= и='же sлосло'витъ <о>=тца` и=ли` ма'терь,
сме'ртiю да о<у>='мретъ:
11. вы' же глаго'лете: а='ще рече'тъ человjь'къ <о>=тцу`
и=ли` ма'тери: корва'нъ, <е>='же <е>='сть да'ръ, и='же
а='ще {и='мже бы} по'льзовался <е>=си` w\т мен<е>`:
12. и= не ктому` w=ставля'ете <е>=го` что` сотвори'ти
<о>=тцу` своему` и=ли` ма'тери свое'й,
13. преступа'юще сло'во бж~iе преда'нiемъ ва'шимъ,
<е>='же преда'сте: и= подw'бна такова^ мнw'га творите`.
14. (За\ч 29.) И= призва'въ ве'сь наро'дъ, гл~аше и=`мъ:
послу'шайте мене` вси` и= разумjь'йте:
15. ничто'же <е>='сть внjьу'ду человjь'ка входи'мо
во'нь, <е>='же мо'жетъ w=скверни'ти <е>=го`: но и=сходя^щая
w\т негw`, та^ су'ть скверня^щая человjь'ка:
16. а='ще кто` и='мать о<у>='шы слы'шати, да слы'шитъ.
17. И= <е>=гда` вни'де въ до'мъ w\т наро'да, вопроша'ху
<е>=го` о<у>=чн~цы` <е>=гw` w= при'тчи.
18. И= гл~а и=`мъ: та'кw ли и= вы` неразу'мливи <е>=сте`;
не разумjь'ете ли, jа='кw все`, <е>='же и=звнjь` входи'мое
въ человjь'ка, не мо'жетъ w=скверни'ти <е>=го`;
19. jа='кw не вхо'дитъ <е>=му` въ се'рдце, но во чре'во:
и= а=федрw'номъ и=схо'дитъ, и=стребля'я вся^ бра^шна.
20. Гл~аше же, jа='кw и=сходя'щее w\т человjь'ка, то`
скверни'тъ человjь'ка:
21. и=звну'трь бо w\т се'рдца человjь'ческа помышл<е>'нiя
sла^я и=схо'дятъ, прелюбодjья^нiя, любодjья^нiя, о<у>=бi^йства,
22. татьбы^, лихои^мства, (w=би^ды,) лука^вствiя, ле'сть,
студодjья^нiя, <о>='ко лука'во, хула`, горды'ня, безу'мство:
23. вся^ сiя^ sла^я и=звну'трь и=схо'дятъ и= скверня'тъ
человjь'ка.
24. (За\ч 30.) И= w\тту'ду воста'въ, и='де въ предjь'лы
тv^рски и= сiдw^нски: и= вше'дъ въ до'мъ, никого'же
хотя'ше, дабы` <е>=го` чу'лъ: и= не мо'же о<у>=таи'тися.
25. Слы'шавши бо жена` w= не'мъ, <е>=я'же дщи` и=мя'ше
ду'ха нечи'ста, прише'дши припаде` къ нога'ма <е>=гw`:
26. жена' же бjь` <е>='ллинска, сv"рофiнiкi'сса ро'домъ:
и= моля'ше <е>=го`, да бjь'са и=зжене'тъ и=з\ъ дще'ре
<е>=я`.
27. I=и~съ же рече` <е>='й: w=ста'ви, да пе'рвjье насы'тятся
ча^да: нjь'сть бо добро` w\тя'ти хлjь'бъ ча'дwмъ и=
поврещи` псw'мъ.
28. <О>=на' же w\твjьща'вши глаго'ла <е>=му`: <е>='й,
гд\си: и='бо и= пси` под\ъ трапе'зою jа=дя'тъ w\т крупи'цъ
дjьте'й.
29. И= рече` <е>='й: за сiе` сло'во, и=ди`: и=зы'де
бjь'съ и=з\ъ дще'ре твоея`.
30. И= ше'дши въ до'мъ сво'й, w=брjь'те бjь'са и=зше'дша
и= дще'рь лежа'щу на <о>=дрjь`.
31. (За\ч 31.) И= па'ки и=зше'дъ i=и~съ w\т предjь^лъ
тv'рскихъ и= сiдw'нскихъ, прiи'де на мо'ре галiле'йско,
между` предjь^лы декапw'льски.
32. И= приведо'ша къ нему` глу'ха и= гугни'ва, и= моля'ху
<е>=го`, да возложи'тъ на'нь ру'ку.
33. И= пое'мь <е>=го` w\т наро'да <е>=ди'наго {w=со'бь},
вложи` пе'рсты своя^ во о<у>='шы <е>=гw` и= плю'нувъ
косну'ся я=зы'ка <е>=гw`:
34. и= воззрjь'въ на не'бо, воздохну` и= гл~а <е>=му`:
<е>=ффаfа`, <е>='же <е>='сть разве'рзися.
35. И= а='бiе разверзо'стася слу^ха <е>=гw`, и= разрjьши'ся
о<у>='за я=зы'ка <е>=гw`, и= глаго'лаше пра'вw.
36. И= запрети` и=`мъ, да никому'же повjь'дятъ: <е>=ли'кw
же и=`мъ то'й запреща'ше, па'че и='злиха проповjь'даху.
37. И= преи'злиха дивля'хуся, глаго'люще: до'брjь все`
твори'тъ: и= глухi^я твори'тъ слы'шати, и= нjьмы^я
глаго'лати.
Глава` 8. Зача'ло 32.
Въ ты^я дни^, sjьлw` мно'гу наро'ду су'щу, и= не и=му'щымъ
чесw` jа='сти, призва'въ i=и~съ о<у>=чн~ки` своя^,
гл~а и=`мъ:
2. мл\срдую w= наро'дjь, jа='кw о<у>=же` три` дни^
присjьдя'тъ мнjь` и= не и='мутъ чесw` jа='сти:
3. и= а='ще w\тпущу` и=`хъ не jа='дшихъ въ до'мы своя^,
w=слабjь'ютъ на пути`: мно'зи бо w\т ни'хъ и=здале'ча
пришли` су'ть.
4. И= w\твjьща'ша <е>=му` о<у>=чн~цы` <е>=гw`: w\тку'ду
си'хъ возмо'жетъ кто` здjь` насы'тити хлjь^бы въ пусты'ни;
5. И= вопроси` и=`хъ: коли'кw и='мате хлjь'бwвъ; <О>=ни'
же рjь'ша: се'дмь.
6. И= повелjь` наро'ду возлещи` на земли`: и= прiе'мь
се'дмь хлjь'бwвъ, хвалу` возда'въ, преломи` и= дая'ше
о<у>=чн~кw'мъ свои^мъ, да предлага'ютъ: и= предложи'ша
пред\ъ наро'домъ.
7. И= и=мя'ху ры'бицъ ма'лw: и= (сiя^) блг\сви'въ,
рече` предложи'ти и= ты^я.
8. Jа=до'ша же и= насы'тишася: и= взя'ша и=збы'тки
о<у>=кру^хъ, се'дмь ко'шницъ.
9. Бя'ху же jа='дшихъ jа='кw четы'ре ты'сящы. И= w\тпусти`
и=`хъ.
10. И= а='бiе влjь'зъ въ кора'бль со о<у>=чн~ки^ свои'ми,
прiи'де во страны^ далмануfа^нски.
11. (За\ч 33.) И= и=зыдо'ша фарiсе'<е> и= нача'ша стяза'тися
съ ни'мъ, и='щуще w\т негw` зна'менiя съ нб~се`, и=скуша'юще
<е>=го`.
12. И= воздохну'въ дх~омъ свои'мъ, гл~а: что` ро'дъ
се'й зна'менiя и='щетъ; а=ми'нь гл~ю ва'мъ, а='ще да'стся
ро'ду сему` зна'менiе.
13. И= w=ста'вль и=`хъ, влjь'зъ па'ки въ кора'бль,
(и=) и='де на w='нъ по'лъ.
14. И= забы'ша о<у>=чн~цы` <е>=гw` взя'ти хлjь'бы и=
ра'звjь <е>=ди'нагw хлjь'ба не и=мя'ху съ собо'ю въ
корабли`.
15. И= преща'ше и=`мъ, гл~я: зри'те, блюди'теся w\т
ква'са фарiсе'йска и= w\т ква'са и='рwдова.
16. И= помышля'ху, дру'гъ ко дру'гу глаго'люще, jа='кw
хлjь'бы не и='мамы.
17. И= разумjь'въ i=и~съ, гл~а и=`мъ: что` помышля'ете,
jа='кw хлjь'бы не и='мате; не о<у>=` ли чу'вствуете,
ниже` разумjь'ете; <е>=ще' ли w=камене'но се'рдце ва'ше
и='мате;
18. <о>='чи и=му'ще не ви'дите; и= о<у>='шы и=му'ще
не слы'шите; и= не по'мните ли,
19. <е>=гда` пя'ть хлjь'бы преломи'хъ въ пя'ть ты'сящъ,
коли'кw кw'шъ и=спо'лнь о<у>=кру^хъ прiя'сте; Глаго'лаша
<е>=му`: двана'десять.
20. <Е>=гда' же се'дмь въ четы'ре ты'сящы, коли'кw ко'шницъ
и=сполн<е>'нiя о<у>=кру^хъ взя'сте; <О>=ни' же рjь'ша:
се'дмь.
21. И= гл~а и=`мъ: ка'кw не разумjь'ете;
22. (За\ч 34.) И= прiи'де въ виfсаi'ду: и= приведо'ша
къ нему` слjь'па, и= моля'ху <е>=го`, да <е>=гw` ко'снется.
23. И= <е>='мь за ру'ку слjьпа'го, и=зведе` <е>=го`
во'нъ и=з\ъ ве'си: и= плю'нувъ на <о>='чи <е>=гw`,
(и=) возло'жь ру'цjь на'нь, вопроша'ше <е>=го`, а='ще
что` ви'дитъ;
24. И= воззрjь'въ глаго'лаше: ви'жу человjь'ки jа='кw
дре'вiе ходя'щя.
25. Пото'мъ (же) па'ки возложи` ру'цjь на <о>='чи <е>=гw`
и= сотвори` <е>=го` прозрjь'ти: и= о<у>=твори'ся {и=
и=сцjьлjь`} и= о<у>=зрjь` свjь'тлw все`.
26. И= посла` <е>=го` въ до'мъ <е>=гw`, гл~я: ни въ
ве'сь вни'ди, ни повjь'ждь кому` въ ве'си.
27. (За\ч 35.) И= и=зы'де i=и~съ и= о<у>=чн~цы` <е>=гw`
въ в<е>'си кесарi'и фiлi'пповы: и= на пути` вопроша'ше
о<у>=чн~ки` своя^, гл~я и=`мъ: кого' мя глаго'лютъ
человjь'цы бы'ти;
28. <О>=ни' же w\твjьща'ша: i=wа'нна кр\сти'теля: и=
и=нi'и и=лiю`: друзi'и же <е>=ди'наго w\т пр\орw'къ.
29. И= то'й гл~а и=`мъ: вы' же кого' мя глаго'лете
бы'ти; W\твjьща'въ же пе'тръ глаго'ла <е>=му`: ты`
<е>=си` хр\сто'съ.
30. (За\ч 36.) И= запрети` и=`мъ, да никому'же глаго'лютъ
w= не'мъ.
31. И= нача'тъ о<у>=чи'ти и=`хъ, jа='кw подоба'етъ
сн~у чл~вjь'ческому мно'гw пострада'ти, и= и=скуше'ну
бы'ти w\т ста'р<е>цъ и= а=рхiер<е>'й и= кни^жникъ,
и= о<у>=бiе'ну бы'ти, и= въ тре'тiй де'нь воскр\снути.
32. И= не w=бину'яся сло'во гл~аше. И= прiе'мь <е>=го`
пе'тръ, нача'тъ прети'ти <е>=му`.
33. <О>='нъ же w=бра'щься и= воззрjь'въ на о<у>=чн~ки`
своя^, запрети` петро'ви, гл~я: и=ди` за мно'ю, сатано`:
jа='кw не мы'слиши, jа=`же (су'ть) бж~iя, но jа=`же
человjь'ч<е>ска.
34. И= призва'въ наро'ды со о<у>=чн~ки^ свои'ми, рече`
и=`мъ: (За\ч 37.) и='же хо'щетъ по мнjь` и=ти`, да
w\тве'ржется себ<е>`, и= во'зметъ кре'стъ сво'й, и=
по мнjь` гряде'тъ:
35. и='же бо а='ще хо'щетъ ду'шу свою` спасти`, погуби'тъ
ю=`: а= и='же погуби'тъ ду'шу свою` мен<е>` ра'ди и=
<е>=v\глiа, то'й спасе'тъ ю=`:
36. ка'я бо по'льза человjь'ку, а='ще приwбря'щетъ
мi'ръ ве'сь, и= w=тщети'тъ ду'шу свою`;
37. и=ли` что` да'стъ человjь'къ и=змjь'ну на души`
свое'й;
38. и='же бо а='ще постыди'тся мен<е>` и= мои'хъ слове'съ
въ ро'дjь се'мъ прелюбодjь'йнjьмъ и= грjь'шнjьмъ, и=
сн~ъ чл~вjь'ческiй постыди'тся <е>=гw`, <е>=гда` прiи'детъ
во сла'вjь <о>=ц~а` своегw` со а='гг~лы ст~ы'ми.
Глава` 9.
И= гл~аше и=`мъ: а=ми'нь гл~ю ва'мъ, jа='кw су'ть нjь'цыи
w\т здjь` стоя'щихъ, и=`же не и='мутъ вкуси'ти сме'рти,
до'ндеже ви'дятъ цр\ствiе бж~iе прише'дшее въ си'лjь.
2. (За\ч 38.) И= по шести` дне'хъ поя'тъ i=и~съ петра`
и= i=а'кwва и= i=wа'нна, и= возведе` и=`хъ на гору`
высоку` w=со'бь <е>=ди^ны: и= преwбрази'ся пред\ъ ни'ми.
3. И= ри^зы <е>=гw` бы'ша блеща'щяся, бjьлы^ sjьлw`
jа='кw снjь'гъ, jа=цjь'хже не мо'жетъ бjьли'льникъ
о<у>=бjьли'ти на земли`.
4. И= jа=ви'ся и=`мъ и=лiа` съ мwv"се'емъ: и= бjь'ста
со i=и~сомъ глагw'люща.
5. И= w\твjьща'въ пе'тръ глаго'ла i=и~сови: раввi`,
добро` <е>='сть на'мъ здjь` бы'ти: и= сотвори'мъ кро'вы
три`, тебjь` <е>=ди'нъ, и= мwv"се'еви <е>=ди'нъ, и=
и=лiи` <е>=ди'нъ.
6. Не вjь'дяше бо, что` рещи`: бя'ху бо пристра'шни.
7. И= бы'сть w='блакъ w=сjьня'я и=`хъ: и= прiи'де гла'съ
и=з\ъ w='блака, гл~я: се'й <е>='сть сн~ъ мо'й возлю'бленный,
тогw` послу'шайте.
8. И= внеза'пу воззрjь'вше, ктому` никого'же ви'дjьша,
то'кмw i=и~са <е>=ди'наго съ собо'ю.
9. Сходя'щымъ же и=`мъ съ горы`, запрети` и=`мъ, да
никому'же повjь'дятъ, jа=`же ви'дjьша, то'кмw <е>=гда`
сн~ъ чл~вjь'ческiй и=з\ъ ме'ртвыхъ воскр\снетъ.
10. (За\ч 39.) И= сло'во о<у>=держа'ша въ себjь`, стяза'ющеся,
что` <е>='сть, <е>='же и=з\ъ ме'ртвыхъ воскр\снути.
11. И= вопроша'ху <е>=го` глаго'люще: ка'кw глаго'лютъ
кни'жницы, jа='кw и=лiи` подоба'етъ прiити` пре'жде;
12. <О>='нъ же w\твjьща'въ рече` и=`мъ: и=лiа` о<у>='бw
прише'дъ пре'жде, о<у>=стро'итъ вся^: и= ка'кw <е>='сть
пи'сано w= сн~jь чл~вjь'честjьмъ, да мно'гw постра'ждетъ
и= о<у>=ничиже'нъ бу'детъ:
13. но гл~ю ва'мъ, jа='кw и= и=лiа` прiи'де, и= сотвори'ша
<е>=му`, <е>=ли^ка хотjь'ша, jа='коже <е>='сть пи'сано
w= не'мъ.
14. И= прише'дъ ко о<у>=чн~кw'мъ, ви'дjь наро'дъ мно'гъ
w= ни'хъ {w='крестъ и='хъ} и= кни'жники стяза'ющяся
съ ни'ми.
15. И= а='бiе ве'сь наро'дъ ви'дjьвъ <е>=го` о<у>=жасе'ся,
и= прири'щуще цjьлова'ху <е>=го`.
16. И= вопроси` кни'жники: что` стяза'етеся къ себjь`
{съ ни'ми};
17. (За\ч 40.) И= w\твjьща'въ <е>=ди'нъ w\т наро'да
рече`: о<у>=чт~лю, приведо'хъ сы'на моего` къ тебjь`,
и=му'ща ду'ха нjь'ма:
18. и= и=дjь'же коли'ждо и='метъ <е>=го`, разбива'етъ
<е>=го`, и= пjь^ны тещи'тъ, и= скреже'щетъ зубы` свои'ми,
и= w=цjьпенjьва'етъ: и= рjь'хъ о<у>=чн~кw'мъ твои^мъ,
да и=зжену'тъ <е>=го`, и= не возмого'ша.
19. <О>='нъ же w\твjьща'въ <е>=му` гл~а: <w>, ро'де
невjь'ренъ, доко'лjь въ ва'съ бу'ду; доко'лjь терплю'
вы; приведи'те <е>=го` ко мнjь`.
20. И= приведо'ша <е>=го` къ нему`. И= ви'дjьвъ <е>=го`,
а='бiе ду'хъ стрясе` <е>=го`: и= па'дъ на земли`, валя'шеся,
пjь^ны тещя`.
21. И= вопроси` <о>=тца` <е>=гw`: коли'кw лjь'тъ <е>='сть,
w\тне'лjьже сiе` бы'сть <е>=му`; <О>='нъ же рече`:
и=здjь'тска:
22. и= мно'гажды во <о>='гнь вве'рже <е>=го` и= въ
во'ды, да погуби'тъ <е>=го`: но а='ще что` мо'жеши,
помози` на'мъ, мл\срдовавъ w= на'съ.
23. I=и~съ же рече` <е>=му`: <е>='же а='ще что` мо'жеши
вjь'ровати, вся^ возмw'жна вjь'рующему.
24. И= а='бiе возопи'въ <о>=те'цъ <о>=троча'те, со
слеза'ми глаго'лаше: вjь'рую, гд\си: помози` моему`
невjь'рiю.
25. Ви'дjьвъ же i=и~съ, jа='кw сри'щется наро'дъ, запрети`
ду'ху нечи'стому, гл~я <е>=му`: ду'ше нjьмы'й и= глухi'й,
а='зъ ти` повелjьва'ю: и=зы'ди и=з\ъ негw` и= ктому`
не вни'ди въ него`.
26. И= возопи'въ и= мно'гw пружа'вся, и=зы'де: и= бы'сть
jа='кw ме'ртвъ, jа='коже мнw'зjьмъ глаго'лати, jа='кw
о<у>='мре.
27. I=и~съ же <е>='мь <е>=го` за ру'ку, воздви'же <е>=го`:
и= воста`.
28. И= вше'дшу <е>=му` въ до'мъ, о<у>=чн~цы` <е>=гw`
вопроша'ху <е>=го` <е>=ди'наго: jа='кw мы` не возмого'хомъ
и=згна'ти <е>=го`;
29. И= рече` и=`мъ: се'й ро'дъ ничи'мже мо'жетъ и=зы'ти,
то'кмw моли'твою и= посто'мъ.
30. И= w\тту'ду и=зше'дше, и=дя'ху сквозjь` галiле'ю:
и= не хотя'ше, да кто` о<у>=вjь'сть.
31. О<у>=ча'ше бо о<у>=чн~ки` своя^ и= гл~аше и=`мъ,
jа='кw сн~ъ чл~вjь'ческiй пре'данъ бу'детъ въ ру'цjь
человjь'ч<е>стjь, и= о<у>=бiю'тъ <е>=го`: и= о<у>=бiе'нъ
бы'въ, въ тре'тiй де'нь воскр\снетъ.
32. <О>=ни' же не разумjьва'ху гл~го'ла и= боя'хуся
<е>=го` вопроси'ти.
33. (За\ч 41.) И= прiи'де въ капернау'мъ: и= въ дому`
бы'въ, вопроша'ше и=`хъ: что` на пути` въ себjь` помышля'сте;
34. <О>=ни' же молча'ху: дру'гъ ко дру'гу бо стяза'шася
на пути`, кто` (<е>='сть) бо'лiй.
35. И= сjь'дъ пригласи` <о>=бана'десяте и= гл~а и=`мъ:
а='ще кто` хо'щетъ ста'рjьй бы'ти, да бу'детъ всjь'хъ
ме'ньшiй и= всjь'мъ слуга`.
36. И= прiи'мь <о>=троча`, поста'ви <е>=` посредjь`
и='хъ: и= w=б\ъе'мь <е>=`, рече` и=`мъ:
37. и='же а='ще <е>=ди'но таковы'хъ <о>=троча'тъ прiи'метъ
во и='мя мое`, мене` прiе'млетъ: и= и='же мене` прiе'млетъ,
не мене` прiе'млетъ, но посла'вшаго мя`.
38. W\твjьща` <е>=му` i=wа'ннъ, глаго'ля: о<у>=чт~лю,
ви'дjьхомъ нjь'коего и='менемъ твои'мъ и=згоня'ща бjь'сы,
и='же не хо'дитъ по на'съ: и= возбрани'хомъ <е>=му`,
jа='кw не послjь'дуетъ на'мъ.
39. I=и~съ же рече`: не брани'те <е>=му`: никто'же
бо <е>='сть, и='же сотвори'тъ си'лу w= и='мени мое'мъ,
и= возмо'жетъ вско'рjь sлосло'вити мя`.
40. И='же бо нjь'сть на вы`, по ва'съ <е>='сть.
41. И='же бо а='ще напои'тъ вы` ча'шею воды` во и='мя
мое`, jа='кw хр\стw'вы <е>=сте`, а=ми'нь гл~ю ва'мъ,
не погуби'тъ мзды` своея`.
42. (За\ч 42.) И= и='же а='ще соблазни'тъ <е>=ди'наго
w\т ма'лыхъ си'хъ вjь'рующихъ въ мя`, до'брjье <е>='сть
<е>=му` па'че, а='ще w=блjьжи'тъ ка'мень же'рновный
w= вы'и <е>=гw`, и= вве'рженъ бу'детъ въ мо'ре.
43. И= а='ще соблажня'етъ тя` рука` твоя`, w\тсjьцы`
ю=`: до'брjье ти` <е>='сть бjь'днику {без\ъ руки`}
въ живо'тъ вни'ти, не'же <о>='бjь ру'цjь и=му'щу вни'ти
въ гее'нну, во <о>='гнь неугаса'ющiй,
44. и=дjь'же че'рвь и='хъ не о<у>=мира'етъ, и= <о>='гнь
не о<у>=гаса'етъ.
45. И= а='ще нога` твоя` соблажня'етъ тя`, w\тсjьцы`
ю=`: до'брjье ти` <е>='сть вни'ти въ живо'тъ хро'му,
не'же двjь` но'зjь и=му'щу вве'ржену бы'ти въ гее'нну,
во <о>='гнь неугаса'ющiй,
46. и=дjь'же че'рвь и='хъ не о<у>=мира'етъ, и= <о>='гнь
не о<у>=гаса'етъ.
47. И= а='ще <о>='ко твое` соблажня'етъ тя`, и=сткни`
<е>=`: до'брjье ти` <е>='сть со <е>=ди'нjьмъ <о>='комъ
вни'ти въ цр\ствiе бж~iе, не'же двjь` w='цjь и=му'щу
вве'ржену бы'ти въ гее'нну <о>='гненную,
48. и=дjь'же че'рвь и='хъ не о<у>=мира'етъ, и= <о>='гнь
не о<у>=гаса'етъ.
49. Вся'къ бо <о>=гне'мъ w=соли'тся, и= вся'ка же'ртва
со'лiю w=соли'тся.
50. Добро` со'ль: а='ще же со'ль не слана` бу'детъ,
чи'мъ w=соли'тся; И=мjь'йте со'ль въ себjь`, и= ми'ръ
и=мjь'йте между` собо'ю.
Глава` 10.
И= w\тту'ду воста'въ пре'йде въ предjь'лы i=уд<е>'йскiя,
{чрез\ъ страну`, jа='же} w=б\ъ w='нъ по'лъ i=<о>рда'на.
И= снидо'шася па'ки наро'ди къ нему`: и= jа='кw w=бы'чай
и=мjь`, па'ки о<у>=ча'ше и=`хъ.
2. (За\ч 43.) И= присту'пльше фарiсе'<е> вопроси'ша
<е>=го`: а='ще досто'итъ му'жу жену` пусти'ти; и=скуша'юще
<е>=го`.
3. <О>='нъ же w\твjьща'въ рече` и=`мъ: что` ва'мъ заповjь'да
мwv"се'й;
4. <О>=ни' же рjь'ша: мwv"се'й повелjь` кни'гу распу'стную
написа'ти, и= пусти'ти.
5. И= w\твjьща'въ i=и~съ рече` и=`мъ: по жестосе'рдiю
ва'шему написа` ва'мъ за'повjьдь сiю`:
6. w\т нача'ла же созда'нiя, му'жа и= жену` сотвори'лъ
я=` <е>='сть бг~ъ:
7. сегw` ра'ди w=ста'витъ человjь'къ <о>=тца` своего`
и= ма'терь
8. и= прилjьпи'тся къ женjь` свое'й, и= бу'дета <о>='ба
въ пло'ть <е>=ди'ну: тjь'мже о<у>=же` нjь'ста два`,
но пло'ть <е>=ди'на:
9. <е>='же о<у>=`бо бг~ъ сочета`, человjь'къ да не
разлуча'етъ.
10. И= въ дому` па'ки о<у>=чн~цы` <е>=гw` w= се'мъ
вопроси'ша <е>=го`.
11. И= гл~а и=`мъ: (За\ч 44.) и='же а='ще пу'ститъ
жену` свою` и= w=же'нится и=но'ю, прелюбы` твори'тъ
на ню`:
12. и= а='ще жена` пу'ститъ му'жа {му'жа своего`} и=
пося'гнетъ за и=но'го, прелюбы` твори'тъ.
13. И= приноша'ху къ нему` дjь'ти, да ко'снется и='хъ:
о<у>=чн~цы' же преща'ху принося'щымъ.
14. Ви'дjьвъ же i=и~съ негодова` и= рече` и=`мъ: w=ста'вите
дjьте'й приходи'ти ко мнjь` и= не брани'те и=`мъ, тацjь'хъ
бо <е>='сть цр\ствiе бж~iе:
15. а=ми'нь гл~ю ва'мъ: и='же а='ще не прiи'метъ цр\ствiя
бж~iя jа='кw <о>=троча`, не и='мать вни'ти въ не`.
16. И= w=б\ъе'мь и=`хъ, возло'жь ру'цjь на ни'хъ, блг\свля'ше
и=`хъ.
17. (За\ч 45.) И= и=сходя'щу <е>=му` на пу'ть, прите'къ
нjь'кiй и= покло'нься на колjь^ну <е>=му`, вопроша'ше
<е>=го`: о<у>=чт~лю бл~гi'й, что` сотворю`, да живо'тъ
вjь'чный наслjь'дствую;
18. I=и~съ же рече` <е>=му`: что` мя` глаго'леши бл~га;
никто'же бл~гъ, то'кмw <е>=ди'нъ бг~ъ.
19. За'пwвjьди вjь'си: не прелюбы` сотвори'ши: не о<у>=бi'й:
не о<у>=кра'ди: не лжесвидjь'тельствуй: не w=би'ди:
чти` <о>=тца` твоего` и= ма'терь.
20. <О>='нъ же w\твjьща'въ рече` <е>=му`: о<у>=чт~лю,
сiя^ вся^ сохрани'хъ w\т ю='ности моея`.
21. I=и~съ же воззрjь'въ на'нь, возлюби` <е>=го` и=
рече` <е>=му`: <е>=ди'нагw <е>=си` не доконча'лъ: и=ди`,
<е>=ли^ка и='маши, прода'ждь и= да'ждь ни'щымъ, и=
и=мjь'ти и='маши сокро'вище на нб~си`: и= прiиди` (и=)
ходи` в\ъслjь'дъ мен<е>`, взе'мъ кре'стъ.
22. <О>='нъ же дря'хлъ бы'въ w= словеси` {w= словеси`
се'мъ}, w\ти'де скорбя`: бjь' бо и=мjь'я стяжа^нiя
мнw'га.
23. И= воззрjь'въ i=и~съ гл~а о<у>=чн~кw'мъ свои^мъ:
(За\ч 46.) ка'кw неудо'бь и=му'щiи бога'тство въ цр\ствiе
бж~iе вни'дутъ.
24. О<у>=чн~цы' же о<у>=жаса'хуся w= словесjь'хъ <е>=гw`.
I=и~съ же па'ки w\твjьща'въ гл~а и=`мъ: ча^да, ка'кw
неудо'бь о<у>=пова'ющымъ на бога'тство въ цр\ствiе
бж~iе вни'ти:
25. о<у>=до'бjье бо <е>='сть вельбу'ду сквозjь` и=глинjь^
о<у>='шы проити`, не'же бога'ту въ цр\ствiе бж~iе вни'ти.
26. <О>=ни' же и='злиха дивля'хуся, глаго'люще къ себjь`:
то` кто` мо'жетъ спасе'нъ бы'ти;
27. Воззрjь'въ же на ни'хъ i=и~съ гл~а: о<у>= человjь^къ
невозмо'жно, но не о<у>= бг~а: вся^ бо возмw'жна су'ть
о<у>= бг~а.
28. Нача'тъ же пе'тръ глаго'лати <е>=му`: се`, мы`
w=ста'вихомъ вся^ и= в\ъслjь'дъ теб<е>` и=до'хомъ.
29. W\твjьща'въ же i=и~съ рече`: а=ми'нь гл~ю ва'мъ:
никто'же <е>='сть, и='же w=ста'вилъ <е>='сть до'мъ,
и=ли` бра'тiю, и=ли` с<е>стры`, и=ли` <о>=тца`, и=ли`
ма'терь, и=ли` жену`, и=ли` ча^да, и=ли` се'ла, мен<е>`
ра'ди и= <е>=v\глiа ра'ди:
30. а='ще не прiи'метъ стори'цею нн~jь во вре'мя сiе`,
домw'въ, и= бра'тiй, и= се'стръ, и= <о>=тца`, и= ма'тере,
и= ча^дъ, и= се'лъ, во и=згна'нiи, и= въ вjь'къ гряду'щiй
живо'тъ вjь'чный:
31. мно'зи же бу'дутъ пе'рвiи послjь'дни, и= послjь'днiи
пе'рви.
32. Бя'ху же на пути`, восходя'ще во i=ер\сли'мъ: и=
бjь` варя'я и=`хъ i=и~съ, и= о<у>=жаса'хуся, и= в\ъслjь'дъ
и=ду'ще, боя'хуся. (За\ч 47.) И= пое'мь па'ки <о>=бана'десять,
нача'тъ и=`мъ гл~ати, jа=`же хотя'ху <е>=му` бы'ти:
33. jа='кw, се`, восхо'димъ во i=ер\сли'мъ, и= сн~ъ
чл~вjь'ческiй пре'данъ бу'детъ а=рхiере'wмъ и= кни'жникwмъ,
и= w=су'дятъ <е>=го` на сме'рть, и= предадя'тъ <е>=го`
jа=зы'кwмъ:
34. и= поруга'ются <е>=му`, и= о<у>=я'звятъ <е>=го`,
и= w=плю'ютъ <е>=го`, и= о<у>=бiю'тъ <е>=го`: и= въ
тре'тiй де'нь воскр\снетъ.
35. И= пред\ъ него` прiидо'ста i=а'кwвъ и= i=wа'ннъ,
сы^на зеведе'<е>ва, глагw'люща: о<у>=чт~лю, хо'щева,
да, <е>='же а='ще про'сива, сотвори'ши на'ма.
36. <О>='нъ же рече` и='ма: что` хо'щета, да сотворю`
ва'ма;
37. W='на же рjь'ста <е>=му`: да'ждь на'мъ, да <е>=ди'нъ
w=десну'ю теб<е>` и= <е>=ди'нъ w=шу'юю теб<е>` ся'дева
во сла'вjь твое'й.
38. I=и~съ же рече` и='ма: не вjь'ста, чесw` про'сита:
мо'жета ли пи'ти ча'шу, ю='же а='зъ пiю`, и= кр~ще'нiемъ,
и='мже а='зъ кр~ща'юся, кр\сти'тися;
39. W='на же рjь'ста <е>=му`: мо'жева. I=и~съ же рече`
и='ма: ча'шу о<у>='бw, ю='же а='зъ пiю`, и=спiе'та,
и= кр~ще'нiемъ, и='мже а='зъ кр~ща'юся, кр\сти'тася:
40. а= <е>='же сjь'сти w=десну'ю мен<е>` и= w=шу'юю,
нjь'сть мнjь` да'ти, но и=`мже о<у>=гото'вано <е>='сть.
41. И= слы'шавше де'сять, нача'ша негодова'ти w= i=а'кwвjь
и= i=wа'ннjь.
42. I=и~съ же призва'въ и=`хъ, гл~а и=`мъ: вjь'сте,
jа='кw мня'щiися владjь'ти jа=зы^ки, соwдолjьва'ютъ
и=`мъ, и= вели'цыи и='хъ w=блада'ютъ и='ми:
43. не та'кw же бу'детъ въ ва'съ: но и='же а='ще хо'щетъ
въ ва'съ вя'щшiй бы'ти, да бу'детъ ва'мъ слуга`:
44. и= и='же а='ще хо'щетъ въ ва'съ бы'ти ста'рjьй,
да бу'детъ всjь^мъ ра'бъ:
45. и='бо сн~ъ чл~вjь'чь не прiи'де, да послу'жатъ
<е>=му`, но да послу'житъ и= да'стъ ду'шу свою` и=збавле'нiе
за мнw'ги.
46. (За\ч 48.) И= прiидо'ша во i=ерiхw'нъ. И= и=сходя'щу
<е>=му` w\т i=ерiхw'на, и= о<у>=чн~кw'мъ <е>=гw`, и=
наро'ду мно'гу, сы'нъ тiме'овъ вартi'мей слjьпы'й сjьдя'ше
при пути`, прося`.
47. И= слы'шавъ, jа='кw i=и~съ назwряни'нъ <е>='сть,
нача'тъ зва'ти и= глаго'лати: сн~е дв~довъ i=и~се,
поми'луй мя`.
48. И= преща'ху <е>=му` мно'зи, да о<у>=молчи'тъ: <о>='нъ
же мно'жае па'че зва'ше: сн~е дв~довъ, поми'луй мя`.
49. И= ста'въ i=и~съ, рече` <е>=го` возгласи'ти. И=
возгласи'ша слjьпца`, глаго'люще <е>=му`: дерза'й,
воста'ни, зове'тъ тя`.
50. <О>='нъ же w\тве'ргъ ри^зы своя^, воста'въ прiи'де
ко i=и~сови.
51. И= w\твjьща'въ гл~а <е>=му` i=и~съ: что` хо'щеши,
да сотворю` тебjь`; Слjьпы'й же глаго'ла <е>=му`: о<у>=чт~лю,
да прозрю`.
52. I=и~съ же рече` <е>=му`: и=ди`: вjь'ра твоя` сп~се'
тя. И= а='бiе прозрjь` и= по i=и~сjь и='де въ пу'ть.
Глава` 11. Зача'ло 49.
И= <е>=гда` прибли'жи[ша]ся во i=ер\сли'мъ, въ виfсфагi'ю
и= виfа'нiю, къ горjь` <е>=леw'нстjьй, посла` два`
w\т о<у>=чн~къ свои'хъ
2. и= гл~а и='ма: и=ди'та въ ве'сь, jа='же <е>='сть
пря'мw ва'ма: и= а='бiе вхwдя'ща въ ню`, w=бря'щета
жребя` привя'зано, на не'же никто'же w\т человjь^къ
всjь'де: w\трjь^шша <е>=`, приведи'та:
3. и= а='ще кто` ва'ма рече'тъ: что` твори'та сiе`;
рцы'та, jа='кw гд\сь тре'буетъ <е>=`: и= а='бiе по'слетъ
<е>=` сjь'мw.
4. И=до'ста же, и= w=брjьто'ста жребя` привя'зано при
две'рехъ внjь` на распу'тiи, и= w\трjьши'ста <е>=`.
5. И= нjь'цыи w\т стоя'щихъ ту` глаго'лаху и='ма: что`
дjь'ета w\трjьша^юща жребя`;
6. W='на же рjь'ста и=`мъ, jа='коже заповjь'да и='ма
i=и~съ: и= w=ста'виша я=`.
7. И= приведо'ста жребя` ко i=и~сови: и= возложи'ша
на не` ри^зы своя^, и= всjь'де на не`.
8. Мно'зи же ри^зы своя^ постла'ша по пути`: друзi'и
же ва^iа рjь'заху w\т дре'вiя и= постила'ху по пути`.
9. И= предходя'щiи и= в\ъслjь'дъ гряду'щiи вопiя'ху,
глаго'люще: w=са'нна, блг\све'нъ гряды'й во и='мя гд\сне,
10. блг\све'но гряду'щее цр\ство во и='мя гд\са <о>=тца`
на'шегw дв~да: w=са'нна въ вы'шнихъ.
11. (За\ч 50.) И= вни'де во i=ер\сли'мъ i=и~съ и= въ
це'рковь: и= согля'давъ вся^, по'здjь о<у>=же` су'щу
часу`, и=зы'де въ виfа'нiю со <о>=бjьмана'десяте.
12. И= нау'трiе и=зше'дшымъ и=`мъ w\т виfа'нiи, взалка`:
13. и= ви'дjьвъ смоко'вницу и=здале'ча, и=му'щу ли'ствiе,
прiи'де, а='ще о<у>='бw что` w=бря'щетъ на не'й: и=
прише'дъ къ не'й, ничесw'же w=брjь'те, то'кмw ли'ствiе:
не о<у>=` бо бjь` вре'мя смо'квамъ.
14. И= w\твjьща'въ i=и~съ рече` <е>='й: да не ктому`
w\т теб<е>` во вjь'ки никто'же плода` снjь'сть. И=
слы'шаху о<у>=чн~цы` <е>=гw`.
15. И= прiидо'ша (па'ки) во i=ер\сли'мъ. И= вше'дъ
i=и~съ въ це'рковь, нача'тъ и=згони'ти продаю'щыя и=
купу'ющыя въ це'ркви: и= трап<е>'зы торжникw'мъ и=
сjьда^лища продаю'щихъ гw'луби и=спрове'рже:
16. и= не дая'ше, да кто` мимонесе'тъ сосу'дъ сквозjь`
це'рковь.
17. И= о<у>=ча'ше, гл~я и=`мъ: нjь'сть ли пи'сано,
jа='кw хра'мъ мо'й хра'мъ моли'твы нарече'тся всjь^мъ
jа=зы'кwмъ; вы' же сотвори'сте <е>=го` верте'пъ разбо'йникwмъ.
18. И= слы'шаша кни'жницы и= а=рхiере'<е>, и= и=ска'ху,
ка'кw <е>=го` погубя'тъ: боя'хубося <е>=гw`, jа='кw
ве'сь наро'дъ дивля'шеся w= о<у>=ч~нiи <е>=гw`.
19. И= jа='кw по'здjь бы'сть, и=схожда'ше во'нъ и=з\ъ
гра'да.
20. И= о<у>='трw мимоходя'ще, ви'дjьша смоко'вницу
и=зсо'хшу и=з\ъ коре'нiя.
21. И= воспомяну'въ пе'тръ глаго'ла <е>=му`: раввi`,
ви'ждь, смоко'вница, ю='же прокля'лъ <е>=си`, о<у>='сше.
22. И= w\твjьща'въ i=и~съ гл~а и=`мъ:
23. (За\ч 51.) и=мjь'йте вjь'ру бж~iю: а=ми'нь бо гл~ю
ва'мъ, jа='кw, и='же а='ще рече'тъ горjь` се'й: дви'гнися
и= ве'рзися въ мо'ре: и= не размы'слитъ въ се'рдцы
свое'мъ, но вjь'ру и='метъ, jа='кw <е>='же глаго'летъ,
быва'етъ: бу'детъ <е>=му`, <е>='же а='ще рече'тъ:
24. сегw` ра'ди гл~ю ва'мъ: вся^ <е>=ли^ка а='ще моля'щеся
про'сите, вjь'руйте, jа='кw прiе'млете: и= бу'детъ
ва'мъ:
25. и= <е>=гда` стоите` моля'щеся, w\тпуща'йте, а='ще
что` и='мате на кого`, да и= <о>=ц~ъ ва'шъ, и='же <е>='сть
на нб~сjь'хъ, w\тпу'ститъ ва'мъ согрjьш<е>'нiя ва^ша:
26. а='ще ли же вы` не w\тпуща'ете, ни <о>=ц~ъ ва'шъ,
и='же <е>='сть на нб~сjь'хъ, w\тпу'ститъ ва'мъ согрjьше'нiй
ва'шихъ.
27. (За\ч 52.) И= прiидо'ша па'ки во i=ер\сли'мъ. И=
въ це'ркви ходя'щу <е>=му`, прiидо'ша къ нему` а=рхiере'<е>
и= кни'жницы и= ста'рцы
28. и= глаго'лаша <е>=му`: ко'ею w='бластiю сiя^ твори'ши;
и= кто` ти` w='бласть сiю` даде`, да сiя^ твори'ши;
29. I=и~съ же w\твjьща'въ рече` и=`мъ: вопрошу' вы
и= а='зъ словесе` <е>=ди'нагw, и= w\твjьща'йте ми`:
и= реку` ва'мъ, ко'ею w='бластiю сiя^ творю`:
30. кр~ще'нiе i=wа'нново съ нб~се' ли бjь`, и=ли` w\т
человjь^къ; w\твjьща'йте ми`.
31. И= мы'сляху въ себjь`, глаго'люще: а='ще рече'мъ,
съ нб~се`, рече'тъ: почто` о<у>=`бо не вjь'ровасте
<е>=му`;
32. но а='ще рече'мъ, w\т человjь^къ: боя'хуся людi'й:
вси' бо и=мjь'яху i=wа'нна, jа='кw вои'стинну пр\оро'къ
бjь`.
33. И= w\твjьща'вше глаго'лаша i=и~сови: не вjь'мы.
И= w\твjьща'въ i=и~съ гл~а и=`мъ: ни а='зъ гл~ю ва'мъ,
ко'ею w='бластiю сiя^ творю`.
Глава` 12. Зача'ло 53.
И= нача'тъ и=`мъ въ при'тчахъ гл~ати: вiногра'дъ насади`
человjь'къ, и= w=гради` w=пло'томъ, и= и=скопа` точи'ло,
и= созда` сто'лпъ, и= предаде` <е>=го` тяжа'тел<е>мъ
{дjь'лател<е>мъ}, и= w\ти'де.
2. И= посла` къ тяжа'тел<е>мъ во вре'мя раба`, да w\т
тяжа'т<е>ль прiи'метъ w\т плода` вiногра'да:
3. <о>=ни' же <е>='мше <е>=го` би'ша и= w=тосла'ша
тща`.
4. И= па'ки посла` къ ни^мъ друга'го раба`: и= того`
ка'менiемъ би'вше, проби'ша главу` <е>=му` и= посла'ша
безче'стна.
5. И= па'ки и=но'го посла`: и= того` о<у>=би'ша: и=
мнw'ги и='ны, w='вы о<у>='бw бiю'ще, w='вы же о<у>=бива'юще.
6. <Е>=ще` о<у>=`бо <е>=ди'наго сы'на и=мjь` возлю'бленнаго
своего`, посла` и= того` къ ни^мъ послjьди`, глаго'ля,
jа='кw о<у>=срамя'тся сы'на моегw`.
7. <О>='ни же тяжа'тел<е> рjь'ша къ себjь`, jа='кw
се'й <е>='сть наслjь'дникъ: прiиди'те, о<у>=бiе'мъ
<е>=го`, и= на'ше бу'детъ наслjь'дствiе.
8. И= <е>='мше <е>=го` о<у>=би'ша и= и=зверго'ша <е>=го`
во'нъ и=з\ъ вiногра'да.
9. Что` о<у>=`бо сотвори'тъ госпо'дь вiногра'да; Прiи'детъ
и= погуби'тъ тяжа'т<е>ли и= да'стъ вiногра'дъ и=нjь^мъ.
10. Ни писа'нiя ли сегw` чли` <е>=сте`: ка'мень, <е>=го'же
не въ ряду` сотвори'ша зи'ждущiи, се'й бы'сть во главу`
о<у>='гла:
11. w\т гд\са бы'сть сiе`, и= <е>='сть ди'вно во <о>='чiю
на'ш<е>ю;
12. И= и=ска'ху <е>=го` jа='ти, и= о<у>=боя'шася наро'да:
разумjь'ша бо, jа='кw къ ни^мъ при'тчу рече`: и= w=ста'вльше
<е>=го` w\тидо'ша.
13. (За\ч 54.) И= посла'ша къ нему` нjь^кiя w\т фарiс<е>'й
и= и=рwдiа'нъ, да <е>=го` w=больстя'тъ сло'вомъ.
14. <О>=ни' же прише'дше глаго'лаша <е>=му`: о<у>=чт~лю,
вjь'мы, jа='кw и='стиненъ <е>=си` и= не ради'ши ни
w= ко'мже: не зри'ши бо на лице` человjь'кwвъ, но вои'стинну
пути` бж~iю о<у>=чи'ши: досто'итъ ли кинсо'нъ ке'сареви
да'ти, и=ли` ни`; да'мы ли, и=ли` не да'мы;
15. <О>='нъ же вjь'дый и='хъ лицемjь'рiе, рече` и=`мъ:
что' мя и=скуша'ете; принеси'те ми` пjь'нязь, да ви'жу.
16. <О>=ни' же принесо'ша. И= гл~а и=`мъ: чi'й w='бразъ
сi'й и= написа'нiе; <О>=ни' же рjь'ша <е>=му`: ке'саревъ.
17. И= w\твjьща'въ i=и~съ рече` и=`мъ: воздади'те ке'сар<е>ва
ке'сареви и= бж~iя бг~ови. И= чуди'шася w= не'мъ.
18. (За\ч 55.) И= прiидо'ша саддуке'<е> къ нему`, и=`же
глаго'лютъ воскр\снiю не бы'ти: и= вопроси'ша <е>=го`,
глаго'люще:
19. о<у>=чт~лю, мwv"се'й написа` на'мъ, jа='кw а='ще
кому` бра'тъ о<у>='мретъ и= w=ста'витъ жену`, а= ча^дъ
не w=ста'витъ: да по'йметъ бра'тъ <е>=гw` жену` <е>=гw`
и= воскреси'тъ сjь'мя бра'ту своему`.
20. Се'дмь бра'тiй бjь`: и= пе'рвый поя'тъ жену` и=
о<у>=мира'я не w=ста'ви сjь'мене:
21. и= вторы'й поя'тъ ю=` и= о<у>='мре, и= ни то'й
w=ста'ви сjь'мене: и= тре'тiй та'кожде:
22. и= поя'ша ю=` се'дмь и= не w=ста'виша сjь'мене:
послjьди' же всjь'хъ о<у>='мре и= жена`.
23. Въ воскр\снiе о<у>=`бо, <е>=гда` воскре'снутъ,
кото'рому и='хъ бу'детъ жена`: се'дмь бо и=мjь'ша ю=`
жену`.
24. И= w\твjьща'въ i=и~съ рече` и=`мъ: не сегw' ли
ра'ди прельща'етеся, не вjь'дуще писа'нiя, ни си'лы
бж~iя;
25. <е>=гда' бо и=з\ъ ме'ртвыхъ воскре'снутъ, ни же'нятся,
ни посяга'ютъ, но су'ть jа='кw а='гг~ли на нб~сjь'хъ:
26. w= ме'ртвыхъ же, jа='кw востаю'тъ, нjь'сте ли чли`
въ кни'гахъ мwv"се'овыхъ, при купинjь` jа='кw рече`
<е>=му` бг~ъ, гл~я: а='зъ бг~ъ а=враа'мовъ и= бг~ъ
i=саа'ковъ и= бг~ъ i=а'кwвль;
27. нjь'сть бг~ъ ме'ртвыхъ, но бг~ъ живы'хъ: вы` о<у>=`бо
мно'гw прельща'етеся.
28. (За\ч 56.) И= присту'пль <е>=ди'нъ w\т кни^жникъ,
слы'шавъ и=`хъ стяза'ющихся и= ви'дjьвъ, jа='кw до'брjь
w\твjьща` и=`мъ, вопроси` <е>=го`: ка'я <е>='сть пе'рвая
всjь'хъ за'повjьдiй;
29. I=и~съ же w\твjьща` <е>=му`: jа='кw пе'рвjьйши
всjь'хъ за'повjьдiй: слы'ши, i=и~лю, гд\сь бг~ъ ва'шъ
гд\сь <е>=ди'нъ <е>='сть:
30. и= возлю'биши гд\са бг~а твоего` всjь'мъ се'рдцемъ
твои'мъ, и= все'ю душе'ю твое'ю, и= всjь'мъ о<у>=мо'мъ
твои'мъ, и= все'ю крjь'постiю твое'ю: сiя` <е>='сть
пе'рвая за'повjьдь.
31. И= втора'я подо'бна <е>='й: возлю'биши бли'жняго
своего` jа='кw са'мъ себе`. Бо'льшая сею` и='на за'повjьдь
нjь'сть.
32. И= рече` <е>=му` кни'жникъ: до'брjь, о<у>=чт~лю,
вои'стинну ре'клъ <е>=си`, jа='кw <е>=ди'нъ <е>='сть
бг~ъ, и= нjь'сть и='нъ ра'звjь <е>=гw`:
33. и= <е>='же люби'ти <е>=го` всjь'мъ се'рдцемъ, и=
всjь'мъ ра'зумомъ, и= все'ю душе'ю, и= все'ю крjь'постiю:
и= <е>='же люби'ти бли'жняго jа='кw себе`, бо'лjь <е>='сть
всjь'хъ всесожже'нiй и= же'ртвъ.
34. I=и~съ же ви'дjьвъ, jа='кw смы'сленнw w\твjьща`,
рече` <е>=му`: не дале'че <е>=си` w\т цр\ствiя бж~iя.
И= никто'же смjь'яше ктому` <е>=го` вопроси'ти.
35. И= w\твjьща'въ i=и~съ гл~аше, о<у>=чя` въ це'ркви:
ка'кw глаго'лютъ кни'жницы, jа='кw хр\сто'съ сн~ъ <е>='сть
дв~довъ;
36. То'й бо дв~дъ рече` дх~омъ ст~ы'мъ: гл~а гд\сь
гд\севи моему`: сjьди` w=десну'ю мен<е>`, до'ндеже
положу` враги` твоя^ подно'жiе нога'ма твои'ма.
37. Са'мъ о<у>=`бо дв~дъ глаго'летъ <е>=го` гд\са:
и= w\тку'ду сн~ъ <е>=му` <е>='сть; И= мно'гъ наро'дъ
послу'шаше <е>=го` въ сла'дость.
38. (За\ч 57.) И= гл~аше и=`мъ во о<у>=ч~нiи свое'мъ:
блюди'теся w\т кни^жникъ, хотя'щихъ во w=дjья'нiихъ
ходи'ти, и= цjьлова^нiя на то'ржищихъ,
39. и= преждесjьда^нiя на со'нмищихъ, и= первовозлежа^нiя
на ве'черяхъ:
40. пояда'юще до'мы вдови'цъ и= непщева'нiемъ надо'лзjь
моля'щеся, сi'и прiи'мутъ ли'шшее w=сужде'нiе.
41. И= сjь'дъ i=и~съ пря'мw сокро'вищному храни'лищу,
зря'ше, ка'кw наро'дъ ме'щетъ мjь'дь въ сокро'вищное
храни'лище. И= мно'зи бога'тiи вмета'ху мнw'га.
42. И= прише'дши <е>=ди'на вдови'ца о<у>=бо'га, вве'рже
л<е>'птjь двjь`, <е>='же <е>='сть кодра'нтъ.
43. И= призва'въ о<у>=чн~ки` своя^, рече` и=`мъ: а=ми'нь
гл~ю ва'мъ, jа='кw вдови'ца сiя` о<у>=бо'гая мно'жае
всjь'хъ вве'рже вмета'ющихъ въ сокро'вищное храни'лище:
44. вси' бо w\т и=збы'тка своегw` вверго'ша: сiя' же
w\т лише'нiя своегw` вся^, <е>=ли^ка и=мjь'яше, вве'рже,
все` житiе` свое`.
Глава` 13. Зача'ло 58.
И= и=сходя'щу <е>=му` w\т це'ркве, глаго'ла <е>=му`
<е>=ди'нъ w\т о<у>=чн~къ <е>=гw`: о<у>=чт~лю, ви'ждь,
каково` ка'менiе и= какова^ зда^нiя.
2. И= w\твjьща'въ i=и~съ рече` <е>=му`: ви'диши ли
сiя^ вели^кая зда^нiя; не и='мать w=ста'ти здjь` ка'мень
на ка'мени, и='же не разори'тся.
3. И= сjьдя'щу <е>=му` на горjь` <е>=леw'нстjьй пря'мw
це'ркве, вопроша'ху <е>=го` <е>=ди'наго пе'тръ и= i=а'кwвъ,
и= i=wа'ннъ и= а=ндре'й:
4. рцы` на'мъ, когда` сiя^ бу'дутъ; и= ко'е (бу'детъ)
зна'менiе, <е>=гда` и='мутъ вся^ сiя^ сконча'тися;
5. I=и~съ же w\твjьща'въ и=`мъ, нача'тъ гл~ати: блюди'теся,
да не кто` ва'съ прельсти'тъ.
6. Мно'зи бо прiи'дутъ во и='мя мое`, глаго'люще, jа='кw
а='зъ <е>='смь: и= мнw'ги прельстя'тъ.
7. <Е>=гда' же о<у>=слы'шите бра^ни и= слы^шанiя бра'немъ,
не о<у>=жаса'йтеся: подоба'етъ бо бы'ти: но не о<у>=`
кончи'на.
8. Воста'нетъ бо jа=зы'къ на jа=зы'къ, и= ца'рство
на ца'рство: и= бу'дутъ тру'си по мjь'стwмъ, и= бу'дутъ
гла^ди и= мят<е>'жи. Нача'ло болjь'знемъ сiя^.
9. (За\ч 59.) Блюди'теся же вы` са'ми: предадя'тъ бо
вы` въ сw'нмища, и= на собо'рищихъ бiе'ни бу'дете:
и= пред\ъ воевw'ды и= цари^ веде'ни бу'дете мен<е>`
ра'ди, во свидjь'тельство и=`мъ.
10. И= во всjь'хъ jа=зы'цjьхъ подоба'етъ пре'жде проповjь'датися
<е>=v\глiю.
11. <Е>=гда' же поведу'тъ вы` предаю'ще, не пре'жде
пецы'теся, что` возглаго'лете, ни поуча'йтеся: но <е>='же
а='ще да'стся ва'мъ въ то'й ча'съ, се` глаго'лите:
не вы' бо бу'дете глаго'лющiи, но дх~ъ ст~ы'й.
12. Преда'стъ же бра'тъ бра'та на сме'рть, и= <о>=те'цъ
ча'до: и= воста'нутъ ча^да на роди'т<е>ли и= о<у>=бiю'тъ
и=`хъ.
13. И= бу'дете ненави'дими всjь'ми и='мене моегw` ра'ди:
претерпjь'вый же до конца`, то'й спасе'нъ бу'детъ.
14. (За\ч 60.) <Е>=гда' же о<у>='зрите ме'рзость запустjь'нiя,
рече'нную данiи'ломъ пр\оро'комъ, стоя'щу, и=дjь'же
не подоба'етъ: чты'й да разумjь'етъ: тогда` су'щiи
во i=уде'и да бjьжа'тъ на го'ры:
15. и= и='же на кро'вjь, да не сла'зитъ въ до'мъ, ни
да вни'детъ взя'ти чесw` w\т до'му своегw`:
16. и= и='же на селjь` сы'й, да не возврати'тся вспя'ть
взя'ти ри'зу свою`.
17. Го'ре же непра^зднымъ и= доя'щымъ въ ты^я дни^.
18. Моли'теся же, да не бу'детъ бjь'гство ва'ше въ
зимjь`.
19. Бу'дутъ бо днi'е тi'и ско'рбь, jа=кова` не бы'сть
такова` w\т нача'ла созда'нiя, <е>='же созда` бг~ъ,
донн~jь, и= не бу'детъ.
20. И= а='ще не бы` гд\сь прекрати'лъ днi'й, не бы`
о<у>='бw спасла'ся вся'ка пло'ть: но и=збра'нныхъ ра'ди,
и=`хже и=збра`, прекрати'тъ дни^.
21. Тогда` а='ще кто` рече'тъ ва'мъ: се`, здjь` хр\сто'съ,
и=ли`: се`, <о>='ндjь: не и=ми'те вjь'ры.
22. Воста'нутъ бо лжехрi'сти и= лжепроро'цы и= дадя'тъ
зна'м<е>нiя и= чудеса`, <е>='же прельсти'ти, а='ще
возмо'жно, и= и=збра^нныя.
23. Вы' же блюди'теся: се`, пре'жде рjь'хъ ва'мъ вся^.
24. (За\ч 61.) Но въ ты^я дни^, по ско'рби то'й, со'лнце
поме'ркнетъ, и= луна` не да'стъ свjь'та своегw`,
25. и= sвjь'зды бу'дутъ съ небесе` спа'дающя, и= си^лы,
jа=`же на небесjь'хъ, подви'жутся.
26. И= тогда` о<у>='зрятъ сн~а чл~вjь'ческаго гряду'ща
на w='блацjьхъ съ си'лою и= сла'вою мно'гою.
27. И= тогда` по'слетъ а='гг~лы своя^ и= собере'тъ
и=збра^нныя своя^ w\т четы'рехъ вjь^тръ, w\т конца`
земли` до конца` не'ба.
28. W\т смоко'вницы же научи'теся при'тчи: <е>=гда`
о<у>=же` вjь'твiе <е>=я` бу'детъ мла'до и= и=зраща'етъ
ли'ствiе, вjь'дите, jа='кw бли'з\ъ <е>='сть жа'тва:
29. та'кw и= вы`, <е>=гда` сiя^ ви'дите быва^юща, вjь'дите,
jа='кw бли'з\ъ <е>='сть, при две'рехъ.
30. А=ми'нь гл~ю ва'мъ, jа='кw не и='мать прейти` ро'дъ
се'й, до'ндеже вся^ сiя^ бу'дутъ.
31. (За\ч 62.) Не'бо и= земля` пре'йдутъ, словеса'
же моя^ не пре'йдутъ.
32. W= дни' же то'мъ и=ли` w= часjь` никто'же вjь'сть,
ни а='гг~ли, и=`же су'ть на нб~сjь'хъ, ни сн~ъ, то'кмw
<о>=ц~ъ.
33. Блюди'те, бди'те и= моли'теся: не вjь'сте бо, когда`
вре'мя бу'детъ.
34. Jа='коже человjь'къ w\тходя` w=ста'вль до'мъ сво'й,
и= да'въ рабw'мъ свои^мъ вла'сть, и= кому'ждо дjь'ло
свое`, и= вратарю` повелjь`, да бди'тъ.
35. Бди'те о<у>=`бо: не вjь'сте бо, когда` госпо'дь
до'му прiи'детъ, ве'черъ, и=ли` полу'нощи, и=ли` въ
пjьтлоглаше'нiе, и=ли` о<у>='трw:
36. да не прише'дъ внеза'пу, w=бря'щетъ вы` спя'щя.
37. А= jа=`же ва'мъ гл~ю, всjь^мъ гл~ю: бди'те.
Глава` 14.
Бjь' же па'сха и= w=прjьсно'цы по двою` днi'ю: и= и=ска'ху
а=рхiере'<е> и= кни'жницы, ка'кw <е>=го` ле'стiю <е>='мше
о<у>=бiю'тъ:
2. глаго'лаху же: (но) не въ пра'здникъ, <е>=да` {да
не} ка'кw молва` бу'детъ лю'дска.
3. (За\ч 63.) И= су'щу <е>=му` въ виfа'нiи, въ дому`
сi'мwна прокаже'ннагw, возлежа'щу <е>=му`, прiи'де
жена`, и=му'щи а=лава'стръ мv'ра на'рднагw пiстiкi'а
многоцjь'нна: и= сокру'шши а=лава'стръ, возлива'ше
<е>=му` на главу`.
4. Бя'ху же нjь'цыи негоду'юще въ себjь` и= глаго'люще:
почто` ги'бель сiя` мv'рная бы'сть;
5. можа'ше бо сiе` продано` бы'ти вя'щше трiе'хъ сw'тъ
пjь^нязь и= да'тися ни'щымъ. И= преща'ху <е>='й.
6. I=и~съ же рече`: w=ста'вите ю=`: что` <е>='й труды`
даете`; добро` дjь'ло содjь'ла w= мнjь`.
7. Всегда' бо ни'щыя и='мате съ собо'ю, и= <е>=гда`
хо'щете, мо'жете и=`мъ добро` твори'ти: мене' же не
всегда` и='мате.
8. <Е>='же и=мjь` {возмо'же} сiя`, сотвори`: предвари`
пома'зати мое` тjь'ло на погребе'нiе.
9. А=ми'нь гл~ю ва'мъ: и=дjь'же а='ще проповjь'стся
<е>=v\глiе сiе` во все'мъ мi'рjь, и= <е>='же сотвори`
сiя`, глаго'лано бу'детъ въ па'мять <е>=я`.
10. (За\ч 64.) И= i=у'да i=скарiw'тскiй, <е>=ди'нъ
w\т <о>=боюна'десяте, и='де ко а=рхiере'<е>мъ, да преда'стъ
<е>=го` и=`мъ.
11. <О>=ни' же слы'шавше возра'довашася и= w=бjьща'ша
<е>=му` сре'бреники да'ти. И= и=ска'ше, ка'кw <е>=го`
въ о<у>=до'бно вре'мя преда'стъ.
12. И= въ пе'рвый де'нь w=прjьснw'къ, <е>=гда` па'сху
жря'ху, глаго'лаша <е>=му` о<у>=чн~цы` <е>=гw`: гдjь`
хо'щеши, ше'дше о<у>=гото'ваемъ, да jа='си па'сху;
13. И= посла` два` w\т о<у>=чн~къ свои'хъ и= гл~а и='ма:
и=ди'та во гра'дъ: и= сря'щетъ ва'съ человjь'къ въ
скуде'льницjь во'ду нося`: по не'мъ и=ди'та,
14. и= и=дjь'же а='ще вни'детъ, рцы'та господи'ну до'му,
jа='кw о<у>=чт~ль гл~етъ: гдjь` <е>='сть вита'льница,
и=дjь'же па'сху со о<у>=чн~ки^ мои'ми снjь'мъ;
15. и= то'й ва'ма пока'жетъ го'рницу ве'лiю, по'стлану,
гото'ву: ту` о<у>=гото'вайта на'мъ.
16. И= и=зыдо'ста о<у>=чн~ка^ <е>=гw`, и= прiидо'ста
во гра'дъ, и= w=брjьто'ста, jа='коже рече` и='ма: и=
о<у>=гото'васта па'сху.
17. И= ве'черу бы'вшу прiи'де со <о>=бjьмана'десяте.
18. И= возлежа'щымъ и=`мъ и= jа=ду'щымъ, рече` i=и~съ:
а=ми'нь гл~ю ва'мъ, jа='кw <е>=ди'нъ w\т ва'съ преда'стъ
мя`, jа=ды'й со мно'ю.
19. <О>=ни' же нача'ша скорбjь'ти и= глаго'лати <е>=му`
<е>=ди'нъ по <е>=ди'ному: <е>=да` а='зъ; И= другi'й:
<е>=да` а='зъ;
20. <О>='нъ же w\твjьща'въ рече` и=`мъ: <е>=ди'нъ w\т
<о>=боюна'десяте, w=мочи'вый со мно'ю въ соли'ло.
21. Сн~ъ о<у>='бw чл~вjь'ческiй и='детъ, jа='коже <е>='сть
пи'сано w= не'мъ: го'ре же человjь'ку тому`, и='мже
сн~ъ чл~вjь'ческiй преда'стся: до'брjье бы'ло бы <е>=му`,
а='ще не бы` роди'лся человjь'къ то'й.
22. И= jа=ду'щымъ и=`мъ, прiе'мь i=и~съ хлjь'бъ, (и=)
блг\сви'въ, преломи` и= даде` и=`мъ, и= рече`: прiими'те,
jа=ди'те: сiе` <е>='сть тjь'ло мое`.
23. И= прiи'мъ ча'шу, хвалу` возда'въ, даде` и=`мъ:
и= пи'ша w\т нея` вси`.
24. И= рече` и=`мъ: сiя` <е>='сть кро'вь моя` но'вагw
завjь'та, за мнw'ги и=злива'ема:
25. а=ми'нь гл~ю ва'мъ, jа='кw ктому` не и='мамъ пи'ти
w\т плода` ло'знагw до дне` тогw`, <е>=гда` <е>=` пiю`
но'во во цр\ствiи бж~iи.
26. И= воспjь'вше и=зыдо'ша въ го'ру <е>=леw'нскую.
27. И= гл~а и=`мъ i=и~съ, jа='кw вси` соблазните'ся
w= мнjь` въ но'щь сiю`: пи'сано бо <е>='сть: поражу`
па'стыря, и= разы'дутся <о>='вцы.
28. Но пото'мъ, <е>=гда` воскр\сну, варя'ю вы` въ галiле'и.
29. Пе'тръ же рече` <е>=му`: а='ще и= вси` соблазня'тся,
но не а='зъ.
30. И= гл~а <е>=му` i=и~съ: а=ми'нь гл~ю тебjь`, jа='кw
ты` дне'сь въ но'щь сiю`, пре'жде да'же втори'цею пjь'тель
не возгласи'тъ, трикра'ты w\тве'ржешися мен<е>`.
31. <О>='нъ же мно'жае глаго'лаше па'че: а='ще (же)
ми` <е>='сть съ тобо'ю и= о<у>=мре'ти, не w\тве'ргуся
теб<е>`. Та'кожде и= вси` глаго'лаху.
32. И= прiидо'ша въ ве'сь, <е>='йже и='мя геfсима'нiа:
и= гл~а о<у>=чн~кw'мъ свои^мъ: сjьди'те здjь`, до'ндеже
ше'дъ помолю'ся.
33. И= поя'тъ петра` и= i=а'кwва и= i=wа'нна съ собо'ю:
и= нача'тъ о<у>=жаса'тися и= тужи'ти.
34. И= гл~а и=`мъ: приско'рбна <е>='сть дш~а` моя`
до сме'рти: бу'дите здjь` и= бди'те.
35. И= преше'дъ ма'лw, паде` на земли` и= моля'шеся,
да, а='ще возмо'жно <е>='сть, мимои'детъ w\т негw`
ча'съ:
36. и= гл~аше: а='вва <о>='ч~е, вся^ возмw'жна тебjь`:
мимонеси` w\т мен<е>` ча'шу сiю`: но не <е>='же а='зъ
хощу`, но <е>='же ты`.
37. И= прiи'де, и= w=брjь'те и=`хъ спя'щихъ, и= гл~а
петро'ви: сi'мwне, спи'ши ли; не возмо'глъ <е>=си`
<е>=ди'нагw часа` побдjь'ти;
38. бди'те и= моли'теся, да не вни'дете въ напа'сть:
ду'хъ о<у>='бw бо'дръ, пло'ть же немощна`.
39. И= па'ки ше'дъ помоли'ся, то'жде сло'во ре'къ.
40. И= возвра'щься w=брjь'те я=` па'ки спя'щя: бя'ху
бо <о>=чеса` и=`мъ тя'гwтна: и= не вjь'дяху, что` бы'ша
<е>=му` w\твjьща'ли.
41. И= прiи'де трети'цею и= гл~а и=`мъ: спи'те про'чее
и= почива'йте: приспjь` коне'цъ, прiи'де ча'съ: се`,
предае'тся сн~ъ чл~вjь'ческiй въ ру'ки грjь'шникwмъ:
42. воста'ните, и='демъ: се`, предая'й мя` прибли'жися.
43. (За\ч 65.) И= а='бiе, <е>=ще` <е>=му` гл~ющу, прiи'де
i=у'да, <е>=ди'нъ сы'й w\т <о>=боюна'десяте, и= съ
ни'мъ наро'дъ мно'гъ со <о>=ру'жiемъ и= дреко'льми,
w\т а=рхiер<е>'й и= кни^жникъ и= ста'р<е>цъ.
44. Даде' же предая'й <е>=го` зна'менiе и=`мъ, глаго'ля:
<е>=го'же а='ще лобжу`, то'й <е>='сть: и=ми'те <е>=го`
и= веди'те (<е>=го`) сохра'ннw.
45. И= прише'дъ, а='бiе присту'пль къ нему`, глаго'ла
(<е>=му`): раввi`, раввi`. И= w=блобыза` <е>=го`.
46. <О>=ни' же возложи'ша ру'цjь свои` на него` и=
jа='ша <е>=го`.
47. <Е>=ди'нъ же нjь'кто w\т стоя'щихъ и=звле'къ но'жъ,
о<у>=да'ри раба` а=рхiере'ова и= о<у>=рjь'за <е>=му`
о<у>='хо.
48. И= w\твjьща'въ i=и~съ рече` и=`мъ: jа='кw на разбо'йника
ли и=зыдо'сте со <о>=ру'жiемъ и= дреко'льми jа='ти
мя`;
49. по вся^ дни^ бjь'хъ при ва'съ въ це'ркви о<у>=чя`,
и= не jа='сте мене`: но да сбу'дется писа'нiе.
50. И= w=ста'вльше <е>=го`, вси` бjьжа'ша.
51. И= <е>=ди'нъ нjь'кто ю='ноша и='де по не'мъ, w=дjь'янъ
въ плащани'цу по на'гу: и= jа='ша того` ю='ношу.
52. <О>='нъ же w=ста'вль плащани'цу, на'гъ бjьжа` w\т
ни'хъ.
53. И= ведо'ша i=и~са ко а=рхiере'ю: и= снидо'шася
къ нему` вси` а=рхiере'<е> и= кни'жницы и= ста'рцы.
54. И= пе'тръ и=здале'ча в\ъслjь'дъ <е>=гw` и='де до
вну'трь во дво'ръ а=рхiере'овъ: и= бjь` сjьдя` со слуга'ми
и= грjь'яся при свjьщи` {при <о>=гни`}.
55. А=рхiере'<е> же и= ве'сь со'нмъ и=ска'ху на i=и~са
свидjь'тельства, да о<у>=мертвя'тъ <е>=го`: и= не w=брjьта'ху.
56. Мно'зи бо лжесвидjь'тельствоваху на него`, и= ра^вна
свидjь'т<е>льства не бя'ху.
57. И= нjь'цыи воста'вше лжесвидjь'тельствоваху на
него`, глаго'люще:
58. jа='кw мы` слы'шахомъ <е>=го` гл~юща, jа='кw а='зъ
разорю` це'рковь сiю` рукотворе'ную и= треми` де'ньми
и='ну нерукотворе'ну сози'жду.
59. И= ни та'кw ра'вно бjь` свидjь'тельство и='хъ.
60. И= воста'въ а=рхiере'й посредjь`, вопроси` i=и~са,
глаго'ля: не w\твjьщава'еши ли ничесw'же; что` сi'и
на тя` свидjь'тельствуютъ;
61. <О>='нъ же молча'ше и= ничто'же w\твjьщава'ше.
Па'ки а=рхiере'й вопроси` <е>=го` и= глаго'ла <е>=му`:
ты' ли <е>=си` хр\сто'съ, сн~ъ блг\све'ннагw;
62. I=и~съ же рече`: а='зъ <е>='смь: и= о<у>='зрите
сн~а чл~вjь'ческаго w=десну'ю сjьдя'ща си'лы и= гряду'ща
со w='блаки небе'сными.
63. А=рхiере'й же растерза'въ ри^зы своя^, глаго'ла:
что` <е>=ще` тре'буемъ свидjь'телей;
64. слы'шасте хулу`: что` ва'мъ мни'тся; <О>=ни' же
вси` w=суди'ша <е>=го` бы'ти пови'нна сме'рти.
65. И= нача'ша нjь'цыи плюва'ти на'нь, и= прикрыва'ти
лице` <е>=гw`, и= му'чити <е>=го`, и= глаго'лати <е>=му`:
прорцы`. И= слуги^ по лани'тома <е>=го` бiя'ху.
66. И= су'щу петро'ви во дворjь` ни'зу, прiи'де <е>=ди'на
w\т рабы'нь а=рхiере'овыхъ,
67. и= ви'дjьвши петра` грjь'ющася, воззрjь'вши на
него`, глаго'ла: и= ты` съ назаряни'номъ i=и~сомъ бы'лъ
<е>=си`.
68. <О>='нъ же w\тве'ржеся, глаго'ля: не вjь'мъ, ниже`
зна'ю, что` ты` глаго'леши. И= и=зы'де во'нъ на преддво'рiе:
и= а=ле'ктwръ возгласи`.
69. И= рабы'ня ви'дjьвши <е>=го` па'ки, нача'тъ глаго'лати
предстоя'щымъ, jа='кw се'й w\т ни'хъ <е>='сть.
70. <О>='нъ же па'ки w\тмета'шеся. И= пома'лjь па'ки
предстоя'щiи глаго'лаху петро'ви: вои'стинну w\т ни'хъ
<е>=си`: и='бо галiле'анинъ <е>=си`, и= бесjь'да твоя`
подо'бится.
71. <О>='нъ же нача` роти'тися и= кля'тися, jа='кw
не вjь'мъ чл~вjь'ка сегw`, <е>=го'же вы` глаго'лете.
72. И= второ'е а=ле'ктwръ возгласи`. И= помяну` пе'тръ
гл~го'лъ, <е>=го'же рече` <е>=му` i=и~съ, jа='кw пре'жде
да'же пjь'тель не возгласи'тъ двакра'ты, w\тве'ржешися
мен<е>` трикра'ты. И= наче'нъ пла'кашеся.
Глава` 15. Зача'ло 66.
И= а='бiе нау'трiе совjь'тъ сотвори'ша а=рхiере'<е>
со ста^рцы и= кни^жники, и= ве'сь со'нмъ, связа'вше
i=и~са ведо'ша и= преда'ша (<е>=го`) пiла'ту.
2. И= вопроси` <е>=го` пiла'тъ: ты' ли <е>=си` цр~ь
i=уде'йскiй; <О>='нъ же w\твjьща'въ рече` <е>=му`:
ты` глаго'леши.
3. И= глаго'лаху на него` а=рхiере'<е> мно'гw.
4. Пiла'тъ же па'ки вопроси` <е>=го`, глаго'ля: не
w\твjьщава'еши ли ничто'же; ви'ждь, коли^ка на тя`
свидjь'тельствуютъ.
5. I=и~съ же ктому` ничто'же w\твjьща`, jа='кw диви'тися
пiла'ту.
6. На (вся'къ) же пра'здникъ w\тпуща'ше и=`мъ <е>=ди'наго
свя'зня, <е>=го'же проша'ху.
7. Бjь' же нарица'емый вара'вва со скw'вники свои'ми
свя'занъ, и=`же въ ко'вjь о<у>=бi'йство сотвори'ша.
8. И= возопи'въ наро'дъ нача` проси'ти, jа='коже всегда`
творя'ше и=`мъ.
9. Пiла'тъ же w\твjьща` и=`мъ, глаго'ля: хо'щете ли,
пущу` ва'мъ цр~я` i=уде'йска;
10. Вjь'дяше бо, jа='кw за'висти ра'ди преда'ша <е>=го`
а=рхiере'<е>.
11. А=рхiере'<е> же поману'ша наро'ду, да па'че вара'вву
пу'ститъ и=`мъ.
12. Пiла'тъ же w\твjьща'въ па'ки рече` и=`мъ: что`
о<у>=`бо хо'щете сотворю`, <е>=го'же глаго'лете цр~я`
i=уде'йска;
13. <О>=ни' же па'ки возопи'ша (глаго'люще): пропни`
<е>=го`.
14. Пiла'тъ же глаго'лаше и=`мъ: что' бо sло` сотвори`;
<О>=ни' же и='злиха вопiя'ху: пропни` <е>=го`.
15. Пiла'тъ же хотя` наро'ду хотjь'нiе сотвори'ти,
пусти` и=`мъ вара'вву: и= предаде` i=и~са, би'въ, да
про'пнутъ <е>=го`.
16. (За\ч 67.) Во'ини же ведо'ша <е>=го` вну'трь двора`,
<е>='же <е>='сть претw'ръ: и= созва'ша всю` спi'ру,
17. и= w=блеко'ша <е>=го` въ препря'ду, и= возложи'ша
на него` спле'тше терно'въ вjьне'цъ,
18. и= нача'ша цjьлова'ти <е>=го` (и= глаго'лати):
ра'дуйся, цр~ю` i=уде'йскiй.
19. И= бiя'ху <е>=го` по главjь` тро'стiю, и= плюва'ху
на него`, и= прегиба'юще колjь^на покланя'хуся <е>=му`.
20. И= <е>=гда` поруга'шася <е>=му`, совлеко'ша съ
негw` препря'ду и= w=блеко'ша <е>=го` въ ри^зы своя^:
и= и=зведо'ша <е>=го`, да про'пнутъ <е>=го`.
21. И= задjь'ша мимоходя'щу нjь'коему сi'мwну кv"рине'ю,
гряду'щу съ села`, <о>=тцу` а=ле<кс>а'ндрову и= ру'фову,
да во'зметъ кр\стъ <е>=гw`.
22. (За\ч 68.) И= приведо'ша <е>=го` на голго'fу мjь'сто,
<е>='же <е>='сть сказа'емо ло'бное мjь'сто.
23. И= дая'ху <е>=му` пи'ти <е>=смv"рнiсме'но вiно`:
<о>='нъ же не прiя'тъ.
24. И= распе'ншiи <е>=го` раздjьли'ша ри^зы <е>=гw`,
мета'юще жре'бiй w= ни'хъ, кто` что` во'зметъ.
25. Бjь' же ча'съ тре'тiй, и= распя'ша <е>=го`.
26. И= бjь` написа'нiе вины` <е>=гw` напи'сано: цр~ь
i=уде'йскъ.
27. И= съ ни'мъ распя'ша два` разбw'йника, <е>=ди'наго
w=десну'ю и= <е>=ди'наго w=шу'юю <е>=гw`.
28. И= сбы'стся писа'нiе, <е>='же глаго'летъ: и= со
беззако'нными вмjьни'ся.
29. И= мимоходя'щiи ху'ляху <е>=го`, покива'юще глава'ми
свои'ми и= глаго'люще: о<у>=а`, разоря'яй це'рковь
и= треми` де'ньми созида'яй,
30. сп~си'ся са'мъ и= сни'ди со кр\ста`.
31. Та'кожде и= а=рхiере'<е> руга'ющеся, дру'гъ ко
дру'гу съ кни^жники глаго'лаху: и='ны сп~се`, себе'
ли не мо'жетъ сп\сти`;
32. хр\сто'съ, цр~ь i=и~левъ, да сни'детъ нн~jь со
кр\ста`, да ви'димъ и= вjь'ру и='мемъ <е>=му`. И= распя^тая
съ ни'мъ поноша'ста <е>=му`.
33. Бы'вшу же часу` шесто'му, тьма` бы'сть по все'й
земли` до часа` девя'тагw.
34. И= въ ча'съ девя'тый возопи` i=и~съ гла'сомъ ве'лiимъ,
гл~я: <е>=лwi`, <е>=лwi`, лама` савахfанi`; <е>='же
<е>='сть сказа'емо: бж~е мо'й, бж~е мо'й, почто` мя`
w=ста'вилъ <е>=си`;
35. И= нjь'цыи w\т предстоя'щихъ слы'шавше, глаго'лаху:
се`, и=лiю` гласи'тъ.
36. Те'къ же <е>=ди'нъ, и= напо'лнивъ гу'бу <о>='цта,
и= возло'жь на тро'сть, напая'ше <е>=го`, глаго'ля:
w=ста'вите, да ви'димъ, а='ще прiи'детъ и=лiа` сня'ти
<е>=го`.
37. I=и~съ же пу'щь гла'съ ве'лiй, и='здше.
38. И= завjь'са церко'вная раздра'ся на дво'е, свы'ше
до ни'зу.
39. Ви'дjьвъ же со'тникъ стоя'й пря'мw <е>=му`, jа='кw
та'кw возопи'въ и='здше, рече`: вои'стинну чл~вjь'къ
се'й сн~ъ бjь` бж~iй.
40. Бя'ху же и= ж<е>ны` и=здале'ча зря'щя, въ ни'хже
бjь` марi'а магдали'на, и= марi'а i=а'кwва ма'лагw
и= i=wсi'и ма'ти, и= салwмi'а,
41. jа=`же, и= <е>=гда` бjь` въ галiле'и, хожда'ху
по не'мъ и= служа'ху <е>=му`: и= и='ны мнw'гiя, jа=`же
взыдо'ша съ ни'мъ во i=ер\сли'мъ.
42. И= о<у>=же` по'здjь бы'вшу, поне'же бjь` пято'къ,
<е>='же <е>='сть къ суббw'тjь,
43. (За\ч 69.) прiи'де i=w'сифъ, и='же w\т а=рiмаfе'а,
благоwбра'зенъ совjь'тникъ, и='же и= то'й бjь` ча'я
цр\ствiя бж~iя, дерзну'въ вни'де къ пiла'ту, и= проси`
тjьлесе` i=и~сова.
44. Пiла'тъ же диви'ся, а='ще о<у>=же` о<у>='мре: и=
призва'въ со'тника, вопроси` <е>=го`: а='ще о<у>=же`
о<у>='мре;
45. И= о<у>=вjь'дjьвъ w\т со'тника, даде` тjь'ло i=w'сифови.
46. И= купи'въ плащани'цу и= сне'мь <е>=го`, w=бви'тъ
плащани'цею: и= положи` <е>=го` во гро'бъ, и='же бjь`
и=зсjь'ченъ w\т ка'мене: и= привали` ка'мень над\ъ
дв<е>'ри гро'ба.
47. Марi'а же магдали'на и= марi'а i=wсi'ева зря'стjь,
гдjь` <е>=го` полага'ху.
Глава` 16. Зача'ло 70.
И= мину'вшей суббw'тjь, марi'а магдали'на и= марi'а
i=а'кwвля и= салwмi'а купи'ша а=рwма'ты, да прише'дшя
пома'жутъ i=и~са.
2. И= sjьлw` зау'тра во <е>=ди'ну w\т суббw'тъ прiидо'ша
на гро'бъ, возсiя'вшу со'лнцу,
3. и= глаго'лаху къ себjь`: кто` w\твали'тъ на'мъ ка'мень
w\т две'рiй гро'ба;
4. И= воззрjь'вшя ви'дjьша, jа='кw w\твале'нъ бjь`
ка'мень: бjь' бо ве'лiй sjьлw`.
5. И= вше'дшя во гро'бъ, ви'дjьша ю='ношу сjьдя'ща
въ десны'хъ, w=дjь'яна во <о>=де'жду бjьлу`: и= о<у>=жасо'шася.
6. <О>='нъ же глаго'ла и=`мъ: не о<у>=жаса'йтеся: i=и~са
и='щете назаряни'на распя'таго: воста`, нjь'сть здjь`:
се`, мjь'сто, и=дjь'же положи'ша <е>=го`:
7. но и=ди'те, рцы'те о<у>=чн~кw'мъ <е>=гw` и= петро'ви,
jа='кw варя'етъ вы` въ галiле'и: та'мw <е>=го` ви'дите,
jа='коже рече` ва'мъ.
8. И= и=зше'дшя бjьжа'ша w\т гро'ба: и=мя'ше {w=держа'ше}
же и=`хъ тре'петъ и= о<у>='жасъ: и= никому'же ничто'же
рjь'ша: боя'хубося.
9. (За\ч 71.) Воскр~съ же (i=и~съ) зау'тра въ пе'рвую
суббw'ту, jа=ви'ся пре'жде марi'и магдали'ни, и=з\ъ
нея'же и=згна` се'дмь бjьсw'въ.
10. <О>=на' (же) ше'дши возвjьсти` съ ни'мъ бы'вшымъ,
пла'чущымся и= рыда'ющымъ:
11. и= <о>=ни` слы'шавше, jа='кw жи'въ <е>='сть и=
ви'дjьнъ бы'сть w\т нея`, не jа='ша вjь'ры.
12. По си'хъ же двjьма` w\т ни'хъ гряду'щема jа=ви'ся
и=нjь'мъ w='бразомъ, и=ду'щема на село`.
13. И= та^ ш<е>'дша возвjьсти'ста про'чымъ: и= ни тjь'ма
вjь'ры jа='ша.
14. Послjьди' (же) возлежа'щымъ и=`мъ <е>=диномуна'десяте
jа=ви'ся, и= поноси` невjь'рствiю и='хъ и= жестосе'рдiю,
jа='кw ви'дjьвшымъ <е>=го` воста'вша не jа='ша вjь'ры.
15. И= рече` и=`мъ: ше'дше въ мi'ръ ве'сь, проповjь'дите
<е>=v\глiе все'й тва'ри.
16. И='же вjь'ру и='метъ и= кр\сти'тся, сп~се'нъ бу'детъ:
а= и='же не и='метъ вjь'ры, w=сужде'нъ бу'детъ.
17. Зна'м<е>нiя же вjь'ровавшымъ сiя^ послjь'дуютъ:
и='менемъ мои'мъ бjь'сы и=ждену'тъ: я=зы^ки возглаго'лютъ
нw'вы:
18. sмiя^ во'змутъ: а='ще и= что` сме'ртно и=спiю'тъ,
не вреди'тъ и='хъ: на неду^жныя ру'ки возложа'тъ, и=
здра'ви бу'дутъ.
19. Гд\сь же о<у>=`бо, по гл~го'ланiи (<е>=гw`) къ
ни^мъ, вознесе'ся на нб~о и= сjь'де w=десну'ю бг~а.
20. <О>=ни' же и=зше'дше проповjь'даша всю'ду, гд\су
поспjь'шствующу и= сло'во о<у>=твержда'ющу послjь'дствующими
зна'меньми. А=ми'нь.
Коне'цъ <е>='же w\т ма'рка ст~а'гw <е>=v\глiа: и='мать
въ себjь` гла'въ 16, зача^лъ же церко'вныхъ 71.
</hip>
