<hip>
%{!версия=9} Собо'рное посла'нiе i=а'кwвле.
Глава` 1. Зача'ло 50.
I=а'кwвъ, бг~у и= гд\су i=и~су хр\сту` ра'бъ, <о>=бjьмана'десяте
колjь'нома, и=`же въ разсjь'янiи, ра'доватися.
2. Вся'ку ра'дость и=мjь'йте, бра'тiе моя^, <е>=гда`
во и=скуш<е>'нiя впа'даете разли^чна,
3. вjь'дяще, jа='кw и=скуше'нiе ва'шея вjь'ры содjь'ловаетъ
терпjь'нiе:
4. терпjь'нiе же дjь'ло соверше'нно да и='мать, jа='кw
да бу'дете соверше'нни и= всецjь'ли, ни въ че'мже лише'ни.
5. А='ще же кто` w\т ва'съ лише'нъ <е>='сть прему'дрости,
да про'ситъ w\т даю'щагw бг~а всjь^мъ нелицепрiе'мнjь
и= не поноша'ющагw, и= да'стся <е>=му`.
6. Да про'ситъ же вjь'рою, ничто'же сумня'ся: сумня'йся
бо о<у>=подо'бися волне'нiю морско'му, вjь^тры возмета'ему
и= развjьва'ему.
7. Да не мни'тъ бо человjь'къ w='нъ, jа='кw прiи'метъ
что` w\т бг~а.
8. Му'жъ двоеду'шенъ неустро'енъ во всjь'хъ путе'хъ
свои'хъ.
9. Да хва'лится же бра'тъ смире'нный въ высотjь` свое'й,
10. бога'тый же во смире'нiи свое'мъ, зане` jа='коже
цвjь'тъ травны'й мимои'детъ:
11. возсiя' бо со'лнце со зно'емъ, и= и=зсуши` траву`,
и= цвjь'тъ <е>=я` w\тпаде`, и= благолjь'пiе лица` <е>=я`
поги'бе: си'це и= бога'тый въ хожде'нiи свое'мъ о<у>=вяда'етъ.
12. Бл~же'нъ му'жъ, и='же претерпи'тъ и=скуше'нiе:
зане` и=ску'сенъ бы'въ, прiи'метъ вjьне'цъ жи'зни,
<е>=го'же w=бjьща` бг~ъ лю'бящымъ <е>=го`.
13. Никто'же и=скуша'емь да глаго'летъ, jа='кw w\т
бг~а и=скуша'емь <е>='смь: бг~ъ бо нjь'сть и=скуси'тель
sлы^мъ {и=скуша'емь sлы'ми}, не и=скуша'етъ же то'й
никого'же,
14. кi'йждо же и=скуша'ется, w\т своея` по'хоти влеко'мь
и= прельща'емь:
15. та'же по'хоть заче'нши ражда'етъ грjь'хъ, грjь'хъ
же содjь'янъ ражда'етъ сме'рть.
16. Не льсти'теся, бра'тiе моя^ возлю'бленная:
17. вся'ко дая'нiе бл~го и= вся'къ да'ръ соверше'нъ
свы'ше <е>='сть, сходя'й w\т <о>=ц~а` свjь'тwвъ, о<у>=
негw'же нjь'сть премjьне'нiе, и=ли` преложе'нiя стjь'нь.
18. Восхотjь'въ бо породи` на'съ сло'вомъ и='стины,
во <е>='же бы'ти на'мъ нача'токъ нjь'кiй созда'нi<е>мъ
<е>=гw`.
19. (За\ч 51.) Тjь'мже, бра'тiе моя^ возлю'бленная,
да бу'детъ вся'къ человjь'къ ско'ръ о<у>=слы'шати,
(и=) ко'сенъ глаго'лати, ко'сенъ во гнjь'въ,
20. гнjь'въ бо му'жа пра'вды бж~iя не содjь'ловаетъ.
21. Сегw` ра'ди w\тло'жше вся'ку скве'рну и= и=збы'токъ
sло'бы, въ кро'тости прiими'те всажде'нное сло'во,
могу'щее сп\сти` ду'шы ва'шя.
22. Быва'йте же творцы` сло'ва, а= не то'чiю слы'шат<е>ли,
прельща'юще себе` самjь'хъ.
23. Зане` а='ще кто` <е>='сть слы'шатель сло'ва, а=
не творе'цъ, таковы'й о<у>=подо'бися му'жу смотря'ющу
лице` бытiя` своегw` въ зерца'лjь:
24. о<у>=смотри' бо себе` и= w\ти'де, и= а='бiе забы`,
како'въ бjь`.
25. Прини'кiй же въ зако'нъ соверше'нъ свобо'ды, и=
пребы'въ, се'й не слы'шатель забы'тливъ бы'въ, но творе'цъ
дjь'ла, се'й бл~же'нъ въ дjь'ланiи свое'мъ бу'детъ.
26. А='ще кто` мни'тся вjь'ренъ бы'ти въ ва'съ, и=
не w=буздова'етъ я=зы'ка своегw`, но льсти'тъ се'рдце
свое`, сегw` су'етна (<е>='сть) вjь'ра.
27. Вjь'ра бо чт\са` и= нескве'рна пред\ъ бг~омъ и=
<о>=ц~е'мъ сiя` <е>='сть, <е>='же посjьща'ти си'рыхъ
и= вдови'цъ въ ско'рбехъ и='хъ, (и=) нескве'рна себе`
блюсти` w\т мi'ра.
Глава` 2. Зача'ло 52.
Бра'тiе моя^, не на лица^ зря'ще и=мjь'йте вjь'ру гд\са
на'шегw i=и~са хр\ста` сла'вы.
2. А='ще бо вни'детъ въ со'нмище ва'ше му'жъ, зла'тъ
пе'рстень нося`, въ ри'зjь свjь'тлjь, вни'детъ же и=
ни'щь въ ху'дjь w=де'жди,
3. и= воззрите` на нося'щаго ри'зу свjь'тлу, и= рече'те
<е>=му`: ты` ся'ди здjь` до'брjь: и= ни'щему рече'те:
ты` ста'ни та'мw, и=ли` ся'ди здjь` на подно'жiи мое'мъ:
4. и= не разсмотри'сте въ себjь`, и= бы'сте судiи^
помышле'нiй sлы'хъ.
5. Слы'шите, бра'тiе моя^ возлю'бленная, не бг~ъ ли
и=збра` ни'щыя мi'ра сегw` бога^ты въ вjь'рjь и= наслjь'дники
цр\ствiя, <е>='же w=бjьща` лю'бящымъ <е>=го`;
6. вы' же о<у>=кори'сте ни'щаго. Не бога'тiи ли наси'луютъ
ва'мъ, и= тi'и влеку'тъ вы` на суди^ща;
7. не тi'и ли ху'лятъ до'брое и='мя нарече'нное на
ва'съ;
8. А='ще о<у>='бw зако'нъ соверша'ете ца'рскiй, по
писа'нiю: возлю'биши и='скренняго своего` jа='коже
себе` сама'го, до'брjь творите`:
9. а='ще же на лица^ зрите`, то` грjь'хъ содjьва'ете,
w=блича'еми w\т зако'на jа='коже престу^пницы.
10. И='же бо ве'сь зако'нъ соблюде'тъ, согрjьши'тъ
же во <е>=ди'нjьмъ, бы'сть всjь'мъ пови'ненъ.
11. Рекi'й бо: не прелюбы` сотвори'ши, ре'клъ <е>='сть
и=: не о<у>=бiе'ши. А='ще же не прелюбы` сотвори'ши,
о<у>=бiе'ши же, бы'лъ <е>=си` престу'пникъ зако'на.
12. Та'кw глаго'лите и= та'кw твори'те, jа='кw зако'номъ
свобо'днымъ и=му'щiи су'дъ прiя'ти.
13. Су'дъ бо без\ъ ми'лости не сотво'ршему ми'лости:
и= хва'лится ми'лость на судjь`.
14. (За\ч 53.) Ка'я по'льза, бра'тiе моя^, а='ще вjь'ру
глаго'летъ кто` и=мjь'ти, дjь'лъ же не и='мать; <е>=да`
мо'жетъ вjь'ра сп\сти` <е>=го`;
15. А='ще же бра'тъ и=ли` сестра` на^га бу'дета и=
лиш<е>'на бу'дета дневны'я пи'щи,
16. рече'тъ же и='ма кто` w\т ва'съ: и=ди'та съ ми'ромъ,
грjь'йтася и= насыща'йтася: не да'стъ же и='ма тре'бованiя
тjьле'снагw: ка'я по'льза;
17. Та'кожде и= вjь'ра, а='ще дjь'лъ не и='мать, мертва`
<е>='сть w= себjь`.
18. Но рече'тъ кто`: ты` вjь'ру и='маши, а='зъ же дjьла`
и='мамъ: покажи` ми` вjь'ру твою` w\т дjь'лъ твои'хъ,
и= а='зъ тебjь` покажу` w\т дjь'лъ мои'хъ вjь'ру мою`.
19. Ты` вjь'руеши, jа='кw бг~ъ <е>=ди'нъ <е>='сть:
до'брjь твори'ши: и= бjь'си вjь'руютъ, и= трепе'щутъ.
20. Хо'щеши же ли разумjь'ти, <w>, человjь'че су'етне,
jа='кw вjь'ра без\ъ дjь'лъ мертва` <е>='сть;
21. А=враа'мъ <о>=те'цъ на'шъ не w\т дjь'лъ ли w=правда'ся,
возне'съ i=саа'ка сы'на своего` на же'ртвенникъ;
22. Ви'диши ли, jа='кw вjь'ра поспjь'шествоваше дjьлw'мъ
<е>=гw`, и= w\т дjь'лъ соверши'ся вjь'ра;
23. И= соверши'ся писа'нiе глаго'лющее: вjь'рова же
а=враа'мъ бг~ови, и= вмjьни'ся <е>=му` въ пра'вду,
и= дру'гъ бж~iй нарече'ся.
24. Зрите' ли о<у>=`бо, jа='кw w\т дjь'лъ w=правда'ется
человjь'къ, а= не w\т вjь'ры <е>=ди'ныя;
25. Та'кожде же и= раа'въ блудни'ца не w\т дjь'лъ ли
w=правда'ся, прiе'мши схо'дники и= и=ны'мъ путе'мъ
и=зве'дши и=`хъ;
26. Jа='коже бо тjь'ло без\ъ ду'ха мертво` <е>='сть,
та'кw и= вjь'ра без\ъ дjь'лъ мертва` <е>='сть.
Глава` 3. Зача'ло 54.
Не мно'зи о<у>=чи'телiе быва'йте, бра'тiе моя^, вjь'дяще,
jа='кw бо'льшее w=сужде'нiе прiи'мемъ,
2. мно'гw бо согрjьша'емъ вси`. А='ще кто` въ сло'вjь
не согрjьша'етъ, се'й соверше'нъ му'жъ, си'ленъ w=бузда'ти
и= все` тjь'ло.
3. Се' (бо и=) ко'н<е>мъ о<у>=зды^ во о<у>=ста` влага'емъ,
да повину'ются на'мъ, и= все` тjь'ло и='хъ w=браща'емъ:
4. се`, и= корабли^ вели'цы су'ще и= w\т же'стокихъ
вjь'трwвъ заточа'еми, w=браща'ются ма'лымъ корми'льцемъ,
а='може стремле'нiе пра'вящагw хо'щетъ:
5. та'кожде же и= я=зы'къ ма'лъ о<у>='дъ <е>='сть,
и= вельми` хва'лится. Се`, ма'лъ <о>='гнь, (и=) ко'ль
вели^ки в<е>'щи сожига'етъ.
6. И= я=зы'къ <о>='гнь, лjь'пота непра'вды: си'це и=
я=зы'къ водворя'ется во о<у>='дjьхъ на'шихъ, скверня`
все` тjь'ло, и= паля` ко'ло рожде'нiя на'шегw, и= w=паля'яся
w\т гее'нны:
7. вся'ко бо <е>=стество` sвjьре'й же и= пти'цъ, га^дъ
же и= ры'бъ, о<у>=кроща'ется и= о<у>=кроти'тся <е>=стество'мъ
человjь'ческимъ,
8. я=зы'ка же никто'же мо'жетъ w\т человjь^къ о<у>=кроти'ти:
не о<у>=держи'мо (бо) sло`, и=спо'лнь jа='да смертоно'сна.
9. Тjь'мъ благословля'емъ бг~а и= <о>=ц~а`, и= тjь'мъ
клене'мъ человjь'ки бы'вшыя по подо'бiю бж~iю:
10. w\т тjь'хже о<у>='стъ и=схо'дитъ благослове'нiе
и= кля'тва. Не подоба'етъ, бра'тiе моя^ возлю'бленная,
си^мъ та'кw быва'ти.
11. (За\ч 55.) <Е>=да' ли и=сто'чникъ w\т <е>=ди'нагw
о<у>='стiя и=сточа'етъ сла'дкое и= го'рькое;
12. <Е>=да` мо'жетъ, бра'тiе моя^, смоко'вница ма^слины
твори'ти, и=ли` вiногра'дная лоза` смw'квы; та'кожде
ни <е>=ди'нъ и=сто'чникъ сла'ну и= сла'дку твори'тъ
во'ду.
13. Кто` прему'дръ и= худо'гъ въ ва'съ, да пока'жетъ
w\т до'брагw житiя` дjьла` своя^ въ кро'тости и= прему'дрости.
14. А='ще же за'висть го'рьку и='мате и= рве'нiе въ
сердца'хъ ва'шихъ, не хвали'теся, ни лжи'те на и='стину:
15. нjь'сть сiя` прему'дрость свы'ше низходя'щи, но
зе'мна, душе'вна, бjьсо'вска:
16. и=дjь'же бо за'висть и= рве'нiе, ту` нестрое'нiе
и= вся'ка sла` ве'щь.
17. А= jа='же свы'ше прем\дрость, пе'рвjье о<у>='бw
чт\са` <е>='сть, пото'мъ же ми'рна, кротка`, бл~гопокорли'ва,
и=спо'лнь ми'лости и= плодw'въ бл~ги'хъ, несумjь'нна
и= нелицемjь'рна.
18. Пло'дъ же пра'вды въ ми'рjь сjь'ется творя'щымъ
ми'ръ.
Глава` 4.
W\тку'ду бра^ни и= сва^ры въ ва'съ; не w\тсю'ду ли,
w\т сласте'й ва'шихъ, вою'ющихъ во о<у>='дjьхъ ва'шихъ;
2. Жела'ете, и= не и='мате: о<у>=бива'ете и= зави'дите,
и= не мо'жете о<у>=лучи'ти: сваря'етеся и= бо'рете,
и= не и='мате, зане` не про'сите:
3. про'сите, и= не прiе'млете, зане` sлjь` про'сите,
да въ сласте'хъ ва'шихъ и=ждиве'те.
4. Прелюбодjь'<е> и= прелюбодjь^йцы, не вjь'сте ли,
jа='кw любы` мi'ра сегw` вражда` бг~у <е>='сть, и='же
бо восхо'щетъ дру'гъ бы'ти мi'ру, вра'гъ бж~iй быва'етъ.
5. И=ли` мните`, jа='кw всу'е писа'нiе глаго'летъ:
къ за'висти жела'етъ ду'хъ, и='же всели'ся въ ны`;
6. Бо'льшую же дае'тъ блг\дть: тjь'мже глаго'летъ:
гд\сь гw'рдымъ проти'вится, смир<е>'ннымъ же дае'тъ
блг\дть.
7. (За\ч 56.) Повини'теся о<у>=`бо бг~у, проти'витеся
же дiа'волу, и= бjьжи'тъ w\т ва'съ.
8. Прибли'житеся бг~у, и= прибли'жится ва'мъ: w=чи'стите
ру'цjь, грjь^шницы, и=спра'вите сердца` ва^ша, двоеду'шнiи:
9. постражди'те и= слези'те и= пла'читеся: смjь'хъ
ва'шъ въ пла'чь да w=брати'тся, и= ра'дость въ сjь'тованiе:
10. смири'теся пред\ъ гд\семъ, и= вознесе'тъ вы`.
11. Не w=клевета'йте дру'гъ дру'га, бра'тiе: w=клевета'яй
бо бра'та, и=ли` w=сужда'яй бра'та своего`, w=клевета'етъ
зако'нъ и= w=сужда'етъ зако'нъ: а='ще же зако'нъ w=сужда'еши,
нjь'си творе'цъ зако'на, но судiя`.
12. <Е>=ди'нъ <е>='сть законополо'жникъ и= судiя`, могi'й
спасти` и= погуби'ти: ты' же кто` <е>=си` w=сужда'яй
дру'га;
13. Слы'шите нн~jь, глаго'лющiи: дне'сь и=ли` о<у>='трjь
по'йдемъ во w='нъ гра'дъ, и= сотвори'мъ ту` лjь'то
<е>=ди'но, и= ку'плю дjь'емъ и= приwбрjь'тенiе:
14. и=`же не вjь'сте, что` о<у>='трjь случи'тся: ка'я
бо жи'знь ва'ша, па'ра бо <е>='сть, jа='же вма'лjь
jа=вля'ется, пото'мъ же и=счеза'етъ.
15. Вмjь'стw <е>='же бы глаго'лати ва'мъ: а='ще гд\сь
восхо'щетъ, и= жи'ви бу'демъ, и= сотвори'мъ сiе` и=ли`
<о>='но:
16. нн~jь же хва'литеся въ горды'нехъ ва'шихъ: вся'ка
хвала` такова` sла` <е>='сть.
17. Вjь'дущему о<у>=`бо добро` твори'ти, и= не творя'щему,
грjь'хъ <е>=му` <е>='сть.
Глава` 5.
Прiиди'те нн~jь, бога'тiи, пла'читеся и= рыда'йте w=
лю'тыхъ ско'рбехъ ва'шихъ гряду'щихъ на вы`.
2. Бога'тство ва'ше и=згни`, и= ри^зы ва'шя мо'лiе
поядо'ша.
3. Зла'то ва'ше и= сребро` и=зоржа'вjь, и= ржа` и=`хъ
въ послу'шество на ва'съ бу'детъ, и= снjь'сть плw'ти
ва'шя а='ки <о>='гнь: <е>=го'же сниска'сте въ послjь^днiя
дни^.
4. Се`, мзда` дjь'лателей дjь'лавшихъ ни^вы ва'шя,
о<у>=держа'ная w\т ва'съ, вопiе'тъ, и= вопi<е>'нiя
жа'вшихъ во о<у>='шы гд\са саваw'fа внидо'ша.
5. Возвесели'стеся на земли`, и= наслади'стеся: о<у>=пита'сте
сердца` ва^ша а='ки въ де'нь заколе'нiя.
6. W=суди'сте, о<у>=би'сте прв\днаго: не проти'вится
ва'мъ.
7. Долготерпи'те о<у>=`бо, бра'тiе моя^, до прише'ствiя
гд\сня. Се` земледjь'лецъ жде'тъ честна'гw плода` w\т
земли`, долготерпя` w= не'мъ, до'ндеже прiи'метъ до'ждь
ра'нъ и= по'зденъ:
8. долготерпи'те о<у>=`бо и= вы`, о<у>=тверди'те сердца`
ва^ша, jа='кw прише'ствiе гд\сне прибли'жися.
9. Не воздыха'йте дру'гъ на дру'га, бра'тiе, да не
w=сужде'ни бу'дете: се`, судiя` пред\ъ две'рьми стои'тъ.
10. (За\ч 57.) W='бразъ прiими'те, бра'тiе моя^, sлострада'нiя
и= долготерпjь'нiя пр\оро'ки, и=`же глаго'лаша и='менемъ
гд\снимъ.
11. Се`, блажи'мъ терпя'щыя. Терпjь'нiе i='wвле слы'шасте,
и= кончи'ну гд\сню ви'дjьсте, jа='кw многомл\стивъ
<е>='сть гд\сь и= ще'дръ.
12. Пре'жде же всjь'хъ, бра'тiе моя^, не клени'теся
ни нб~омъ, ни земле'ю, ни и=но'ю ко'ею кля'твою: бу'ди
же ва'мъ <е>='же <е>='й, <е>='й, и= <е>='же ни`, ни`:
да не въ лицемjь'рiе впаде'те.
13. Sлостра'ждетъ ли кто` въ ва'съ; да моли'тву дjь'етъ:
благоду'шствуетъ ли кто`; да пое'тъ.
14. Боли'тъ ли кто` въ ва'съ, да призове'тъ пресвv'теры
церкw'вныя, и= да моли'тву сотворя'тъ над\ъ ни'мъ,
пома'завше <е>=го` <е>=ле'емъ во и='мя гд\сне:
15. и= моли'тва вjь'ры спасе'тъ боля'щаго, и= воздви'гнетъ
<е>=го` гд\сь: и= а='ще грjьхи` сотвори'лъ <е>='сть,
w\тпу'стятся <е>=му`.
16. И=сповjь'дайте о<у>=`бо дру'гъ дру'гу согрjьш<е>'нiя
и= моли'теся дру'гъ за дру'га, jа='кw да и=сцjьлjь'ете:
мно'гw бо мо'жетъ моли'тва прв\днагw поспjьшеству'ема.
17. И=лiа` человjь'къ бjь` подобостра'стенъ на'мъ,
и= моли'твою помоли'ся, да не бу'детъ до'ждь, и= не
w=дожди` по земли` лjь^та три` и= мц\съ ше'сть:
18. и= па'ки помоли'ся, и= не'бо до'ждь даде`, и= земля`
прозябе` пло'дъ сво'й.
19. Бра'тiе, а='ще кто` въ ва'съ заблу'дитъ w\т пути`
и='стины, и= w=брати'тъ кто` <е>=го`,
20. да вjь'сть, jа='кw w=брати'вый грjь'шника w\т заблужде'нiя
пути` <е>=гw` спасе'тъ ду'шу w\т сме'рти и= покры'етъ
мно'жество грjьхw'въ.
Коне'цъ i=а'кwвлю собо'рному посла'нiю: и='мать въ
себjь` гла'въ 5, зача^лъ же церко'вныхъ 8.
</hip>
