<hip>
%{!версия=9} Посла'нiе пе'рвое къ тiмоfе'ю
Ст~а'гw а=п\сла па'vла.
Глава` 1. Зача'ло 278.
Па'vелъ, посла'нникъ i=и~съ хр\сто'въ по повелjь'нiю
бг~а сп~са на'шегw и= гд\са i=и~са хр\ста` о<у>=пова'нiя
на'шегw,
2. тiмоfе'ю пр\сному ча'ду въ вjь'рjь: блг\дть, мл\сть,
ми'ръ w\т бг~а <о>=ц~а` на'шегw и= хр\ста` i=и~са гд\са
на'шегw.
3. Jа='коже о<у>=моли'хъ тя` пребы'ти во <е>=фе'сjь,
и=ды'й въ македо'нiю, да завjьща'еши нjь^кимъ не и='накw
о<у>=чи'ти,
4. ниже` внима'ти ба'снемъ и= родосло'вi<е>мъ безкон<е>'чнымъ,
jа=`же стяза^нiя творя'тъ па'че, не'жели бж~iе строе'нiе,
<е>='же въ вjь'рjь.
5. Коне'цъ же завjьща'нiя <е>='сть любы` w\т чи'ста
се'рдца и= со'вjьсти бл~гi'я и= вjь'ры нелицемjь'рныя,
6. въ ни'хже нjь'цыи погрjьши'вше, о<у>=клони'шася
въ суеслw'вiя,
7. хотя'ще бы'ти законоучи'тел<е>, не разумjь'юще ни
jа=`же глаго'лютъ, ни w= ни'хже о<у>=твержда'ютъ.
8. (За\ч 279.) Вjь'мы же, jа='кw до'бръ зако'нъ (<е>='сть),
а='ще кто` <е>=го` зако'ннjь твори'тъ,
9. вjь'дый сiе`, jа='кw прв\днику зако'нъ не лежи'тъ
{не положе'нъ}, но беззакw'ннымъ и= непокори^вымъ,
нечести^вымъ (же) и= грjь'шникwмъ, непра'в<е>днымъ
и= скв<е>'рнымъ, <о>=тца` и= ма'тере досади'тел<е>мъ,
мужеубi'йцамъ,
10. блудникw'мъ, мужело'жникwмъ, разбо'йникwмъ, (клеветникw'мъ,
скотоло'жникwмъ,) лжи^вымъ, клятвопресту'пникwмъ, и=
а='ще что` и='но здра'вому о<у>=че'нiю проти'вится,
11. по бл~говjь'стiю сла'вы бл~же'ннагw бг~а, <е>='же
мнjь` о<у>=вjь'рено бы'сть.
12. (За\ч 280.) И= благодарю` о<у>=крjьпля'ющаго мя`
хр\ста` i=и~са гд\са на'шего, jа='кw вjь'рна мя` непщева`,
положи'въ (мя`) въ слу'жбу,
13. бы'вша мя` и=ногда` ху'льника и= гони'теля и= досади'теля:
но поми'лованъ бы'хъ, jа='кw невjь'дый сотвори'хъ въ
невjь'рствiи:
14. о<у>=преумно'жися же блг\дть гд\са на'шегw (i=и~са
хр\ста`) съ вjь'рою и= любо'вiю jа='же w= хр\стjь`
i=и~сjь.
15. (За\ч.) Вjь'рно сло'во и= вся'кагw прiя'тiя досто'йно,
jа='кw хр\сто'съ i=и~съ прiи'де въ мi'ръ грjь'шники
сп\сти`, w\т ни'хже пе'рвый <е>='смь а='зъ.
16. Но сегw` ра'ди поми'лованъ бы'хъ, да во мнjь` пе'рвjьмъ
пока'жетъ i=и~съ хр\сто'съ все` долготерпjь'нiе, за
w='бразъ хотя'щихъ вjь'ровати <е>=му` въ жи'знь вjь'чную.
17. Цр~ю' же вjькw'въ нетлjь'нному, неви'димому, <е>=ди'ному
прем\дрому бг~у, чт\сь и= сла'ва во вjь'ки вjькw'въ.
А=ми'нь.
18. (За\ч 281.) Сiе' же завjьща'нiе предаю' ти, ча'до
тiмоfе'е, по бы'вшихъ на тя` пре'жде пр\оро'чествiихъ,
да во'инствуеши въ ни'хъ до'брое во'инство,
19. и=мjь'я вjь'ру и= бл~гу'ю со'вjьсть, ю='же нjь'цыи
w\три'нувше, w\т вjь'ры w\тпадо'ша:
20. w\т ни'хже <е>='сть v=мене'й и= а=ле<кс>а'ндръ,
и=`хже преда'хъ сатанjь`, да нака'жутся не ху'лити.
Глава` 2. Зача'ло 282.
Молю` о<у>=`бо пре'жде всjь'хъ твори'ти моли^твы, мол<е>'нiя,
прош<е>'нiя, благодар<е>'нiя за вся^ человjь'ки,
2. за царя` и= за всjь'хъ, и=`же во вла'сти су'ть,
да ти'хое и= безмо'лвное житiе` поживе'мъ во вся'цjьмъ
бл~гоче'стiи и= чт\сотjь`:
3. сiе' бо добро` и= прiя'тно пред\ъ сп~си'телемъ на'шимъ
бг~омъ,
4. и='же всjь^мъ человjь'кwмъ хо'щетъ спасти'ся и=
въ ра'зумъ и='стины прiити`.
5. <Е>=ди'нъ бо <е>='сть бг~ъ, и= <е>=ди'нъ хода'тай
бг~а и= человjь'кwвъ, чл~вjь'къ хр\сто'съ i=и~съ,
6. да'вый себе` и=збавле'нiе за всjь'хъ: свидjь'тельство
времены` свои'ми,
7. въ не'же поста'вленъ бы'хъ а='зъ проповjь'дникъ
и= а=п\слъ, и='стину глаго'лю w= хр\стjь`, не лгу`,
о<у>=чи'тель jа=зы'кwвъ въ вjь'рjь и= и='стинjь.
8. Хощу` о<у>=`бо, да моли^твы творя'тъ му'жiе на вся'цjьмъ
мjь'стjь, воздjь'юще прп\дбныя ру'ки без\ъ гнjь'ва
и= размышле'нiя:
9. та'кожде и= ж<е>ны` во о<у>=краше'нiи лjь'потнjьмъ,
со стыдjь'нiемъ и= цjьлому'дрiемъ да о<у>=краша'ютъ
себе` не въ плете'нiихъ, ни зла'томъ, и=ли` би'серми,
и=ли` ри'зами многоцjь'нными,
10. но, <е>='же подоба'етъ жена'мъ w=бjьщава'ющымся
бл~гоче'стiю, дjь'лы бл~ги'ми.
11. Жена` въ безмо'лвiи да о<у>=чи'тся со вся'кимъ
покоре'нiемъ:
12. женjь' же о<у>=чи'ти не повелjьва'ю, ниже` владjь'ти
му'жемъ, но бы'ти въ безмо'лвiи.
13. А=да'мъ бо пре'жде со'зданъ бы'сть, пото'мъ же
<е>='vа:
14. и= а=да'мъ не прельсти'ся, жена' же прельсти'вшися,
въ преступле'нiи бы'сть:
15. спасе'тся же чадоро'дiя ра'ди {чрез\ъ чадоро'дiе},
а='ще пребу'детъ въ вjь'рjь и= любви` и= во ст~ы'ни
съ цjьлому'дрiемъ.
Глава` 3. Зача'ло 283.
Вjь'рно сло'во: а='ще кто` <е>=пi'скопства хо'щетъ,
добра` дjь'ла жела'етъ.
2. Подоба'етъ о<у>=`бо <е>=пi'скопу бы'ти непоро'чну,
<е>=ди'ныя жены` му'жу, тре'звену, цjьлому'дру, (благоговjь'йну,)
че'стну, страннолюби'ву, о<у>=чи'тельну,
3. не пiя'ницjь, не бi'йцjь, не сварли'ву, не мшелои'мцу,
но кро'тку, (не зави'стливу,) не сребролю'бцу,
4. сво'й до'мъ до'брjь пра'вящу, ча^да и=му'щу въ послуша'нiи
со вся'кою чистото'ю {че'стностiю}:
5. а='ще же кто` своегw` до'му не о<у>=мjь'етъ пра'вити,
ка'кw w= цр~кви бж~iей прилjьжа'ти возмо'жетъ;
6. не новокреще'нну, да не разгордjь'вся въ су'дъ впаде'тъ
дiа'воль.
7. Подоба'етъ же <е>=му` и= свидjь'тельство добро`
и=мjь'ти w\т внjь'шнихъ, да не въ поноше'нiе впаде'тъ
и= въ сjь'ть непрiя'знену.
8. Дiа'конwмъ та'кожде чи^стымъ {ч<е>'стнымъ}, не двоязы^чнымъ,
не вiну` мно'гу внима'ющымъ, не скверностяжа'т<е>льнымъ,
9. и=му'щымъ та'инство вjь'ры въ чи'стjьй со'вjьсти.
10. И= сi'и о<у>='бw да и=скуша'ются пре'жде, пото'мъ
же да слу'жатъ, непоро'чни су'ще.
11. Жена'мъ та'кожде чи^стымъ {ч<е>'стнымъ}, не клевети^вымъ,
(не нава'дницамъ,) тре'зв<е>ннымъ, вjь^рнымъ во все'мъ.
12. Дiа'кони да быва'ютъ <е>=ди'ныя жены` му'жiе, ча^да
до'брjь пра'вяще и= своя^ до'мы:
13. и='бо служи'вшiи до'брjь степе'нь себjь` до'бръ
сниска'ютъ и= мно'гое дерзнове'нiе въ вjь'рjь, jа='же
w= хр\стjь` i=и~сjь.
14. (За\ч 284.) Сiя^ пишу` тебjь`, о<у>=пова'я прiити`
къ тебjь` ско'рw:
15. а='ще же заме'длю, да о<у>=вjь'си, ка'кw подоба'етъ
въ дому` бж~iи жи'ти, jа='же <е>='сть цр~ковь бг~а
жи'ва, сто'лпъ и= о<у>=твержде'нiе и='стины.
16. И= и=сповjь'дуемw ве'лiя <е>='сть бл~гоче'стiя
та'йна: бг~ъ jа=ви'ся во пл~ти, w=правда'ся въ дс~jь,
показа'ся а='гг~лwмъ, проповjь'данъ бы'сть во jа=зы'цjьхъ,
вjь'ровася въ мi'рjь, вознесе'ся во сла'вjь.
Глава` 4.
Дх~ъ же jа='вственнjь гл~етъ, jа='кw въ послjь^дняя
времена` w\тсту'пятъ нjь'цыи w\т вjь'ры, вне'млюще
духовw'мъ ле'стчымъ и= о<у>=че'нi<е>мъ бjьсw'вскимъ,
2. въ лицемjь'рiи лжеслов<е>'сникъ, сожже'нныхъ свое'ю
со'вjьстiю,
3. возбраня'ющихъ жени'тися, о<у>=даля'тися w\т бра'шенъ,
jа=`же бг~ъ сотвори` въ снjьде'нiе со благодаре'нiемъ
вjь^рнымъ и= позна'вшымъ и='стину.
4. (За\ч 285.) Зане` вся'кое созда'нiе бж~iе добро`,
и= ничто'же w\тме'тно, со благодаре'нiемъ прiе'млемо,
5. w=сщ~а'ется бо сло'вомъ бж~iимъ и= моли'твою.
6. Сiя^ вся^ сказу'я бра'тiи, до'бръ бу'деши служи'тель
i=и~са хр\ста`, пита'емь словесы` вjь'ры и= до'брымъ
о<у>=че'нiемъ, <е>=му'же послjь'довалъ <е>=си`.
7. Скве'рныхъ же и= ба'бiихъ ба'сней w\трица'йся, w=буча'й
же себе` ко бл~гоч\стiю:
8. тjьле'сное бо w=буче'нiе вма'лjь <е>='сть поле'зно,
а= бл~гоч\стiе на все` поле'зно <е>='сть, w=бjьтова'нiе
и=мjь'ющее живота` нн~jьшнягw и= гряду'щагw.
9. (За\ч.) Вjь'рно сло'во и= вся'кагw прiя'тiя досто'йно.
10. На сiе' бо и= тружда'емся и= поноша'еми <е>=смы`,
jа='кw о<у>=пова'хомъ на бг~а жи'ва, и='же <е>='сть
сп~си'тель всjь^мъ человjь'кwмъ, па'че же вjь^рнымъ.
11. Завjьщава'й сiя^ и= о<у>=чи`.
12. Никто'же w= ю='ности твое'й да неради'тъ: но w='бразъ
бу'ди вjь^рнымъ сло'вомъ, житiе'мъ, любо'вiю, ду'хомъ,
вjь'рою, чт\сото'ю.
13. До'ндеже прiиду`, внемли` чте'нiю, о<у>=тjьше'нiю,
о<у>=че'нiю.
14. Не неради` w= свое'мъ дарова'нiи живу'щемъ въ тебjь`,
<е>='же дано` тебjь` бы'сть пр\оро'чествомъ съ возложе'нiемъ
ру'къ свяще'нничества.
15. Въ си'хъ поуча'йся, въ си'хъ пребыва'й, (въ си'хъ
разумjьва'й,) да преспjь'янiе твое` jа=вле'но бу'детъ
во всjь'хъ.
16. Внима'й себjь` и= о<у>=че'нiю и= пребыва'й въ ни'хъ:
сiя^ бо творя`, и= са'мъ спасе'шися и= послу'шающiи
теб<е>`.
Глава` 5. Зача'ло 285.
Ста'рцу не твори` па'кости, но о<у>=тjьша'й {ста'рца
не о<у>=коря'й, но о<у>=моля'й} jа='коже <о>=тца`:
ю='ношы, jа='коже бра'тiю:
2. ста^рицы, jа='коже ма'т<е>ри: ю='ныя, jа='коже с<е>стры`,
со вся'кою чистото'ю.
3. Вдови^цы чти` су'щыя и='стинныя вдови^цы.
4. А='ще же ка'я вдови'ца ча^да и=ли` вну'чата и='мать,
да о<у>=ча'тся пре'жде сво'й до'мъ бл~гоч\сти'вw о<у>=стро'ити
и= взае'мъ воздая'ти роди'тел<е>мъ: сiе' бо <е>='сть
бл~гоуго'дно пред\ъ бг~омъ.
5. А= су'щая и='стинная вдови'ца и= о<у>=едине'на,
о<у>=пова'етъ на бг~а и= пребыва'етъ въ моли'твахъ
и= моле'нiихъ де'нь и= но'щь:
6. пита'ющаяся же простра'ннw, жива` о<у>=мерла`.
7. И= сiя^ завjьщава'й, да непоро'чни бу'дутъ.
8. А='ще же кто` w= свои'хъ, па'че же w= пр\сныхъ {w=
дома'шнихъ} не промышля'етъ, вjь'ры w\тве'рглся <е>='сть
и= невjь'рнагw го'ршiй <е>='сть.
9. Вдови'ца же да причита'ется не ме'ньши лjь'тъ шести'десятихъ,
бы'вши <е>=ди'ному му'жу жена`,
10. въ дjь'лjьхъ до'брыхъ свидjь'тельствуема, а='ще
ча^да воспита'ла <е>='сть, а='ще ст~ы'хъ но'зjь о<у>=мы`,
а='ще стра^нныя прiя'тъ, а='ще скw'рбнымъ о<у>=тjьше'нiе
бы'сть {ско'рбныхъ снабдjь`}, а='ще вся'кому дjь'лу
бл~гу послjь'довала <е>='сть.
11. (За\ч 286.) Ю='ныхъ же вдови'цъ w\трица'йся: <е>=гда'
бо разсвирjь'пjьютъ w= хр\стjь` {проти'ву хр\ста`},
посяга'ти хотя'тъ,
12. и=му'щыя грjь'хъ, jа='кw пе'рвыя вjь'ры w\тверго'шася:
13. ку'пнw же и= пра^здны о<у>=ча'тся w=бходи'ти до'мы,
не то'чiю же пра^здны, но и= бляди^вы и= w=плази^вы
{любопы^тны}, глаго'лющыя, jа=`же не подоба'етъ.
14. Хощу` о<у>=`бо ю='нымъ вдови'цамъ посяга'ти, ча^да
ражда'ти, до'мъ стро'ити, ни <е>=ди'ны же вины` дая'ти
проти'вному хулы` ра'ди:
15. се' бо нjь^кiя разврати'шася в\ъслjь'дъ сатаны`.
16. А='ще кто` вjь'ренъ и=ли` вjь'рна и='мать вдови^цы,
да довли'тъ и=`хъ, и= да не тяготи'тся цр~ковь, да
су'щихъ и='стинныхъ вдови'цъ о<у>=дово'литъ.
17. Прилjьжа'щiи же до'брjь пресвv'тери сугу'быя че'сти
да сподобля'ются: па'че же тружда'ющiися въ сло'вjь
и= о<у>=че'нiи.
18. Глаго'летъ бо писа'нiе: вола` молотя'ща не w=броти'ши:
и=: досто'инъ дjь'латель мзды` своея`.
19. На пресвv'тера хулы` не прiе'мли, ра'звjь при двою`
и=ли` трiе'хъ свидjь'телехъ.
20. Согрjьша'ющихъ же пред\ъ всjь'ми w=блича'й, да
и= про'чiи стра'хъ и='мутъ.
21. Засвидjь'тельствую пред\ъ бг~омъ, и= гд\семъ i=и~съ
хр\сто'мъ, и= и=збра'нными (<е>=гw`) а='гг~лы, да сiя^
сохрани'ши без\ъ лицемjь'рiя, ничесw'же творя` по о<у>=клоне'нiю.
22. (За\ч 287.) Руки` ско'рw не возлага'й ни на кого'же,
ниже` приwбща'йся чужы'мъ грjьхw'мъ: себе` чи'ста соблюда'й.
23. Ктому` не пi'й воды`, но ма'лw вiна` прiе'мли,
стома'ха ра'ди твоегw` и= ча'стыхъ твои'хъ неду'гwвъ.
24. Нjь'кихъ (же) человjь'къ грjьси` пред\ъявле'ни
су'ть, предваря'юще на су'дъ: нjь^кимъ же и= послjь'дствуютъ.
25. Та'кожде и= дw'брая дjьла` пред\ъявл<е>'на су'ть:
и= су^щая и='накw, о<у>=таи'тися не мо'гутъ.
Глава` 6.
<Е>=ли'цы су'ть под\ъ и='гомъ раби`, свои'хъ госпо'дiй
вся'кiя че'сти да сподобля'ютъ, да и='мя бж~iе не ху'лится
и= о<у>=ч~нiе.
2. И=му'щiи же вjь'рныхъ госпо'дiй да не нерадя'тъ
w= ни'хъ, поне'же бра'тiя су'ть: но па'че да рабо'таютъ,
зане` вjь'рни су'ть и= возлю'блени, и=`же благода'ть
воспрiе'млющiи. Сiя^ о<у>=чи` и= моли`.
3. А='ще ли кто` и='накw о<у>=чи'тъ и= не приступа'етъ
къ здра^вымъ словес<е>'мъ гд\са на'шегw i=и~са хр\ста`
и= о<у>=че'нiю, <е>='же по бл~говjь'рiю,
4. разгордjь'ся, ничто'же вjь'дый, но неду'гуяй w=
стяза'нiихъ и= словопрjь'нiихъ, w\т ни'хже быва'етъ
за'висть, рве'нiе, хулы^, непщева^нiя лука^ва,
5. бесjь^ды sлы^я растлjь'нныхъ человjь'кwвъ о<у>=мо'мъ
и= лише'нныхъ и='стины, непщу'ющихъ приwбрjь'тенiе
бы'ти бл~гоч\стiе. W\тступа'й w\т таковы'хъ.
6. <Е>='сть же сниска'нiе ве'лiе бл~гоч\стiе съ дово'льствомъ.
7. Ничто'же бо внесо'хомъ въ мi'ръ се'й: jа='вjь, jа='кw
ниже` и=знести` что` мо'жемъ.
8. И=мjь'юще же пи'щу и= w=дjья'нiе, си'ми дово'льни
бу'демъ.
9. А= хотя'щiи богати'тися впа'даютъ въ напа^сти и=
сjь'ть, и= въ по'хwти мнw'ги несмы'сл<е>нны и= врежда'ющыя,
jа=`же погружа'ютъ человjь'ки во всегуби'тельство и=
поги'бель:
10. ко'рень бо всjь^мъ sлы^мъ сребролю'бiе <е>='сть,
<е>=гw'же нjь'цыи жела'юще заблуди'ша w\т вjь'ры, и=
себе` пригвозди'ша болjь'знемъ мнw'гимъ.
11. Ты' же, <w>, человjь'че бж~iй, си'хъ бjь'гай: (За\ч
288.) гони' же пра'вду, бл~гоч\стiе, вjь'ру, любо'вь,
терпjь'нiе, кро'тость:
12. подвиза'йся до'брымъ по'двигомъ вjь'ры, <е>='млися
за вjь'чную жи'знь, въ ню'же и= зва'нъ бы'лъ <е>=си`,
и= и=сповjь'далъ <е>=си` до'брое и=сповjь'данiе пред\ъ
мно'гими свидjь'т<е>ли.
13. Завjьщава'ю ти` пред\ъ бг~омъ w=живля'ющимъ вся'ч<е>ская,
и= хр\сто'мъ i=и~сомъ свидjь'тельствовавшимъ при понтi'йстjьмъ
пiла'тjь до'брое и=сповjь'данiе:
14. соблюсти` тебjь` за'повjьдь нескве'рну и= незазо'рну,
да'же до jа=вле'нiя гд\са на'шегw i=и~са хр\ста`,
15. <е>='же во своя^ времена` jа=ви'тъ бл~же'нный и=
<е>=ди'нъ си'льный, цр~ь ца'рствующихъ и= гд\сь госпо'дствующихъ,
16. <е>=ди'нъ и=мjь'яй безсм~ртiе и= во свjь'тjь живы'й
непристу'пнjьмъ, <е>=го'же никто'же ви'дjьлъ <е>='сть
w\т человjь^къ, ниже` ви'дjьти мо'жетъ: <е>=му'же чт\сь
и= держа'ва вjь'чная. А=ми'нь.
17. (За\ч 289.) Бога^тымъ въ нн~jьшнемъ вjь'цjь запреща'й
не высокому'дрствовати, ниже` о<у>=пова'ти на бога'тство
погиба'ющее, но на бг~а жи'ва, даю'щаго на'мъ вся^
<о>=би'льнw въ наслажде'нiе:
18. бл~го'е дjь'лати, богати'тися въ дjь'лjьхъ до'брыхъ,
благопода^тливымъ бы'ти, <о>=бщи'т<е>льнымъ,
19. сокро'вищующе себjь` w=снова'нiе добро` въ бу'дущее,
да прiи'мутъ вjь'чную жи'знь.
20. <W>, тiмоfе'е, преда'нiе сохрани`, о<у>=клоня'яся
скве'рныхъ суесло'вiй и= прекосло'вiй лжеиме'ннагw
ра'зума:
21. w= не'мже нjь'цыи хва'лящеся, w= вjь'рjь погрjьши'ша.
Блг\дть съ тобо'ю. А=ми'нь.
Коне'цъ посла'нiю пе'рвому <е>='же къ тiмоfе'ю ст~а'гw
а=п\сла па'vла: и='мать въ себjь` гла'въ 6, зача^лъ
же церко'вныхъ 12.
</hip>
