<hip> %{!версия=9} Посла'нiе второ'е къ тiмоfе'ю Ст~а'гw а=п\сла па'vла. Глава` 1. Зача'ло 290. Па'vелъ, а=п\слъ i=и~съ хр\сто'въ во'лею бж~iею, по w=бjьтова'нiю жи'зни, jа='же w= хр\стjь` i=и~сjь, 2. тiмоfе'ю возлю'бленному ча'ду: блг\дть, мл\сть, ми'ръ w\т бг~а <о>=ц~а` и= хр\ста` i=и~са гд\са на'шегw. 3. (За\ч.) Благодарю` бг~а, <е>=му'же служу` w\т прароди'телей чи'стою со'вjьстiю, jа='кw непреста'нную и='мамъ w= тебjь` па'мять въ моли'твахъ мои'хъ де'нь и= но'щь, 4. жела'я ви'дjьти тя`, помина'я сле'зы твоя^, да ра'дости и=спо'лнюся, 5. воспомина'нiе прiе'мля w= су'щей въ тебjь` нелицемjь'рнjьй вjь'рjь, jа='же всели'ся пре'жде въ ба'бу твою` лwi'ду и= въ ма'терь твою` <е>=vнiкi'ю: и=звjь'стенъ же <е>='смь, jа='кw и= въ тебе`. 6. <Е>=я'же ра'ди вины` воспомина'ю тебjь` возгрjьва'ти да'ръ бж~iй живу'щiй въ тебjь` возложе'нiемъ руку` мо<е>'ю: 7. не бо` даде` на'мъ бг~ъ ду'ха стра'ха, но си'лы и= любве` и= цjьлом\дрiя. 8. (За\ч 291.) Не постыди'ся о<у>=`бо стр\стiю {свидjь'тельствомъ} гд\са на'шегw i=и~са хр\ста`, ни мно'ю ю='зникомъ <е>=гw`: но спостражди` бл~говjьствова'нiю (хр\сто'ву) по си'лjь бг~а, 9. сп\сшагw на'съ и= призва'вшагw зва'нiемъ ст~ы'мъ, не по дjьлw'мъ на'шымъ, но по своему` бл~говоле'нiю {предложе'нiю} и= блг\дти да'ннjьй на'мъ w= хр\стjь` i=и~сjь пре'жде лjь'тъ вjь'чныхъ, 10. jа='вльшейся же нн~jь просвjьще'нiемъ сп~си'теля на'шегw i=и~са хр\ста`, разруши'вшагw о<у>='бw сме'рть и= возсiя'вшагw жи'знь и= нетлjь'нiе бл~говjьствова'нiемъ, 11. въ не'же поста'вленъ бы'хъ а='зъ проповjь'дникъ и= а=п\слъ и= о<у>=чи'тель jа=зы'кwвъ. 12. <Е>=я'же ра'ди вины` и= сiя^ стражду`: но не стыжду'ся. Вjь'мъ бо, <е>=му'же вjь'ровахъ, и= и=звjьсти'хся, jа='кw си'ленъ <е>='сть преда'нiе мое` сохрани'ти въ де'нь w='нъ. 13. W='бразъ и=мjь'й здра'выхъ слове'съ, и='хже w\т мен<е>` слы'шалъ <е>=си`, въ вjь'рjь и= любви`, jа='же w= хр\стjь` i=и~сjь. 14. До'брое завjьща'нiе соблюди` дх~омъ ст~ы'мъ живу'щимъ въ на'съ. 15. Вjь'си ли сiе`, jа='кw w\тврати'шася w\т мен<е>` вси`, и=`же w\т а=сi'и, w\т ни'хже <е>='сть фv"ге'ллъ и= <е>=рмоге'нъ. 16. Да да'стъ (же) мл\сть гд\сь <о>=нисi'форову до'му, jа='кw мно'гажды мя` о<у>=поко'и и= вери'гъ мои'хъ не постыдjь'ся, 17. но прише'дъ въ ри'мъ, то'щнjье взыска' мя и= w=брjь'те: 18. да да'стъ <е>=му` гд\сь w=брjьсти` мл\сть w\т гд\са въ де'нь w='нъ: и= <е>=ли'кw во <е>=фе'сjь послужи' ми, до'брjье ты` вjь'си. Глава` 2. Зача'ло 292. Ты` о<у>=`бо, ча'до мое`, возмога'й во блг\дти, jа='же w= хр\стjь` i=и~сjь, 2. и= jа=`же слы'шалъ <е>=си` w\т мен<е>` мно'гими свидjь'т<е>ли, сiя^ преда'ждь вjь^рнымъ человjь'кwмъ, и=`же дово'льни бу'дутъ и= и=ны'хъ научи'ти. 3. Ты` о<у>=`бо sлопостражди` jа='кw до'бръ во'инъ i=и~съ хр\сто'въ. 4. Никто'же (бо) во'инъ быва'я w=бязу'ется ку'плями жите'йскими, да воево'дjь о<у>=го'денъ бу'детъ. 5. А='ще же и= постра'ждетъ {подвиза'ется} кто`, не вjьнча'ется, а='ще не зако'ннw му'ченъ бу'детъ {бу'детъ подвиза'тися}. 6. Тружда'ющемуся дjь'лателю пре'жде подоба'етъ w\т плода` вкуси'ти. 7. Разумjь'й, jа=`же глаго'лю: да да'стъ о<у>=`бо тебjь` гд\сь ра'зумъ w= все'мъ. 8. Помина'й (гд\са) i=и~са хр\ста` воста'вшаго w\т ме'ртвыхъ, w\т сjь'мене дв~дова, по бл~говjьствова'нiю моему`, 9. въ не'мже sлостражду` да'же до о<у>='зъ, jа='кw sлодjь'й: но сло'во бж~iе не вя'жется. 10. Сегw` ра'ди вся^ терплю` и=збра'нныхъ ра'ди, да и= тi'и сп\снiе о<у>=луча'тъ <е>='же w= хр\стjь` i=и~сjь, со сла'вою вjь'чною. 11. (За\ч 293.) Вjь'рно сло'во: а='ще бо съ ни'мъ о<у>=мро'хомъ, то` съ ни'мъ и= w=живе'мъ: 12. а='ще терпи'мъ, съ ни'мъ и= воцр~и'мся: а='ще w\тве'ржемся, и= то'й w\тве'ржется на'съ: 13. а='ще не вjь'руемъ, <о>='нъ вjь'ренъ пребыва'етъ: w\трещи'ся бо себ<е>` не мо'жетъ. 14. Сiя^ воспомина'й, засвидjь'тельствуя пред\ъ гд\семъ, не словопрjь'тися, ни на ку'юже потре'бу, на разоре'нiе слы'шащихъ. 15. Потщи'ся себе` и=ску'сна поста'вити пред\ъ бг~омъ, дjь'лателя непосты'дна, пра'вw пра'вяща сло'во и='стины. 16. Скве'рныхъ же тщегла'сiй w\тмета'йся: наипа'че бо преспjь'ютъ въ нече'стiе, 17. и= сло'во и='хъ jа='кw га'ггрена жи'ръ w=бря'щетъ: w\т ни'хже <е>='сть v=мене'й и= фiли'тъ, 18. и=`же w= и='стинjь погрjьши'ста, глагw'люща, jа='кw воскр\снiе о<у>=же` бы'сть: и= возмуща'ютъ нjь'которыхъ вjь'ру. 19. Тве'рдое о<у>=`бо w=снова'нiе бж~iе стои'тъ, и=му'щее печа'ть сiю`: позна` гд\сь су'щыя своя^, и=: да w\тсту'питъ w\т непра'вды вся'къ и=мену'яй и='мя гд\сне. 20. (За\ч 294.) Въ вели'цjьмъ же дому` не то'чiю сосу'ди зла'ти и= сре'бряни су'ть, но и= древя'ни и= гли'няни: и= <о>='ви о<у>='бw въ че'сть, <о>='ви же не въ че'сть. 21. А='ще о<у>=`бо кто` w=чи'ститъ себе` w\т си'хъ, бу'детъ сосу'дъ въ че'сть, w=сщ~е'нъ и= бл~гопотре'бенъ вл\дцjь, на вся'кое дjь'ло бл~го'е о<у>=гото'ванъ. 22. По'хотей ю='ныхъ бjь'гай, держи'ся же пра'вды, вjь'ры, любве`, ми'ра со всjь'ми призыва'ющими гд\са w\т чи'стагw се'рдца. 23. Бу'ихъ же и= ненака'занныхъ стяза'нiй w\трица'йся, вjь'дый, jа='кw ражда'ютъ сва^ры: 24. рабу' же гд\сню не подоба'етъ свари'тися, но ти'ху бы'ти ко всjь^мъ, о<у>=чи'тельну, неsло'биву, 25. съ кро'тостiю наказу'ющу проти^вныя, <е>=да` ка'кw да'стъ и=`мъ бг~ъ покая'нiе въ ра'зумъ и='стины, 26. и= возни'кнутъ w\т дiа'вольскiя сjь'ти, жи'ви о<у>=ловле'ни w\т негw` въ свою` <е>=гw` во'лю. Глава` 3. Зача'ло 295. Сiе' же вjь'ждь, jа='кw въ послjь^днiя дни^ наста'нутъ времена` лю^та. 2. Бу'дутъ бо человjь'цы самолю'бцы, сребролю'бцы, велича'ви, го'рди, ху^льницы, роди'тел<е>мъ проти'вящiися, неблагода'рни, непра'ведни, нелюбо'вни, 3. непримири'тельни, (проде'рзиви, возносли'ви, прелага'та<е>,) клеветницы`, невозд<е>'ржницы, некро'тцы, неблаголю'бцы, 4. преда'тел<е>, на'гли, напыще'ни, сластолю'бцы па'че не'жели бг~олю'бцы, 5. и=му'щiи w='бразъ бл~гоч\стiя, си'лы же <е>=гw` w\тве'ргшiися. И= си'хъ w\твраща'йся. 6. W\т си'хъ бо су'ть поныря'ющiи въ до'мы и= плjьня'ющiи жени^шца w=тягощ<е>'нныя грjьха'ми, води^мыя по'хотьми разли'чными, 7. всегда` о<у>=ча'щяся и= николи'же въ ра'зумъ и='стины прiити` могу'щыя. 8. Jа='коже i=аннi'й и= i=амврi'й проти'вистася мwv"се'ю, та'кожде и= сi'и противля'ются и='стинjь, человjь'цы растлjь'нни о<у>=мо'мъ (и=) неиску'сни w= вjь'рjь. 9. Но не преуспjь'ютъ бо'лjье: безу'мiе бо и='хъ jа=вле'но бу'детъ всjь^мъ, jа='коже и= <о>='нjьхъ бы'сть. 10. (За\ч 296.) Ты' же послjь'довалъ <е>=си` моему` о<у>=че'нiю, житiю`, привjь'ту, вjь'рjь, долготерпjь'нiю, любви`, терпjь'нiю, 11. и=згна'нi<е>мъ, страда'нi<е>мъ, jа=кова^ ми` бы'ша во а=нтiохi'и, (и=) во i=конi'и, (и=) въ лv'стрjьхъ: jа=кова^ и=згна^нiя прiя'хъ, и= w\т всjь'хъ мя` и=зба'вилъ <е>='сть гд\сь. 12. И= вси' же хотя'щiи бл~гоч\стнw жи'ти w= хр\стjь` i=и~сjь, гони'ми бу'дутъ: 13. лука'вiи же человjь'цы и= чародjь'<е> преуспjь'ютъ на го'ршее, прельща'юще и= прельща'еми. 14. Ты' же пребыва'й въ ни'хже науче'нъ <е>=си` и= jа=`же ввjь'р<е>на су'ть тебjь`, вjь'дый, w\т когw` научи'лся <е>=си`: 15. и= jа='кw и=змла'да сщ~<е>'нная писа^нiя о<у>=мjь'еши, могу^щая тя` о<у>=мудри'ти во сп\снiе вjь'рою, jа='же w= хр\стjь` i=и~сjь. 16. (За\ч 297.) Вся'ко писа'нiе бг~одухнове'нно и= поле'зно (<е>='сть) ко о<у>=че'нiю, ко w=бличе'нiю, ко и=справле'нiю, къ наказа'нiю <е>='же въ пра'вдjь, 17. да соверше'нъ бу'детъ бж~iй человjь'къ, на вся'кое дjь'ло бл~го'е о<у>=гото'ванъ. Глава` 4. Засвидjь'тельствую о<у>=`бо а='зъ пред\ъ бг~омъ и= гд\семъ на'шимъ i=и~съ хр\сто'мъ, хотя'щимъ суди'ти живы^мъ и= м<е>'ртвымъ въ jа=вле'нiи <е>=гw` и= цр\ствiи <е>=гw`: 2. проповjь'дуй сло'во, насто'й благовре'меннjь и= безвре'меннjь, w=бличи`, запрети`, о<у>=моли` со вся'кимъ долготерпjь'нiемъ и= о<у>=че'нiемъ. 3. Бу'детъ бо вре'мя, <е>=гда` здра'вагw о<у>=че'нiя не послу'шаютъ, но по свои'хъ по'хотехъ и=зберу'тъ себjь` о<у>=чи^тели, че'шеми слу'хомъ: 4. и= w\т и='стины слу'хъ w\твратя'тъ, и= къ ба'снемъ о<у>=клоня'тся. 5. (За\ч 298.) Ты' же трезви'ся w= все'мъ, sлопостражди`, дjь'ло сотвори` бл~говjь'стника, служе'нiе твое` и=звjь'стно сотвори`. 6. А='зъ бо о<у>=же` жре'нъ быва'ю, и= вре'мя моегw` w\тше'ствiя наста`: 7. по'двигомъ до'брымъ подвиза'хся, тече'нiе сконча'хъ, вjь'ру соблюдо'хъ: 8. про'чее о<у>=`бо соблюда'ется мнjь` вjьне'цъ пра'вды, <е>=го'же возда'стъ ми` гд\сь въ де'нь w='нъ, прв\дный судiя`: не то'кмw же мнjь`, но и= всjь^мъ возлю'бльшымъ jа=вле'нiе <е>=гw`. 9. (За\ч 299.) Потщи'ся ско'рw прiити` ко мнjь`. 10. Дима'съ бо мене` w=ста'ви, возлюби'въ нн~jьшнiй вjь'къ, и= и='де въ солу'нь: кри'скентъ въ галатi'ю, тi'тъ въ далма'тiю: лука` <е>=ди'нъ <е>='сть со мно'ю. 11. Ма'рка пое'мь приведи` съ собо'ю, <е>='сть бо ми` благопотре'бенъ въ слу'жбу. 12. Тv"хi'ка же посла'хъ во <е>=фе'съ. 13. Фело'нъ, <е>=го'же w=ста'вихъ въ трwа'дjь о<у>= ка'рпа, гряды'й принеси`, и= кни^ги, па'че же кw'жаныя. 14. А=ле<кс>а'ндръ кова'чь мнw'га ми` sла^ сотвори`: да возда'стъ <е>=му` гд\сь по дjьлw'мъ <е>=гw`: 15. w\т негw'же и= ты` себе` блюди`, sjьлw' бо проти'вится словес<е>'мъ на'шымъ. 16. Въ пе'рвый мо'й w\твjь'тъ никто'же бы'сть со мно'ю, но вси` мя` w=ста'виша: да не вмjьни'тся и=`мъ. 17. Гд\сь же мнjь` предста` и= о<у>=крjьпи' мя, да мно'ю проповjь'данiе и=звjь'стно бу'детъ, и= о<у>=слы'шатъ вси` jа=зы'цы: и= и=зба'вленъ бы'хъ w\т о<у>='стъ львw'въ. 18. И= и=зба'витъ мя` гд\сь w\т вся'кагw дjь'ла лука'ва и= сп~се'тъ во цр\ствiе свое` нб\сное: <е>=му'же сла'ва во вjь'ки вjькw'въ. А=ми'нь. 19. Цjьлу'й прiскi'ллу и= а=кv'лу и= <о>=нисi'форовъ до'мъ. 20. <Е>=ра'стъ w=ста` въ корi'нfjь: трофi'ма же w=ста'вихъ въ мiли'тjь боля'ща. 21. Потщи'ся пре'жде зимы` прiити`. Цjьлу'етъ тя` <е>=vву'лъ и= пу'дъ, и= лi'нъ и= клаvдi'а и= бра'тiя вся^. 22. Гд\сь i=и~съ хр\сто'съ со ду'хомъ твои'мъ. Блг\дть съ ва'ми. А=ми'нь. Коне'цъ второ'му посла'нiю <е>='же къ тiмоfе'ю ст~а'гw а=п\сла па'vла: и='мать въ себjь` главы^ 4, зача^лъ же церко'вныхъ 10. </hip>